Mirzo Qodirov | Blog

Konstruktorda veb sayt yig‘ib berish kerak, katta kompaniyalar bilan ishlash tajribasi bor agency vakillari bo‘lsa lichkamga yozib yuboringizlar))

@mirzoqodirov

Marketingda o‘smoqchilar uchun yaxshi imkoniyat bor

ABBA’dagi do‘stlarimizga marketing manager kerak ekan. O‘zbekistondagi eng katta agentliklardan bittasida ishlash va rivojlanishingiz mumkin.

Talablar:
- strategik marketing haqida umumiy tushuncha;
- brief asosida mjoz uchun taklif yarata olish;
- marketing instrumentlarining ishlashi va o‘ziga xosloklarni tushunish;
- qiymatli taklif yarata olish.

Qilinadigan ishlar:
- marketing va savdo bo‘limlari o‘rtasidagi muloqotni ta’minlash
- mijozlarni briflash va ular asosida tijoriy taklif yarata olish
- yaratilgan taklif asosida marketing bo‘limiga loyihani yuritish uchun TZ yoza olish

Shartlar:
- O’z sohasining yetakchi mutaxasislari bilan networking va birga ishlash imkoniyati.
- O’sib boruvchi tajriba va oylik.
- Shahar markazidagi katta va shinam ofis.
- Ish vaqti 6/1, 10:00dan 19:00gacha.

Agar taklif ma’qul bo‘lsa @abu_Zubayr shu insonga rezyumengizni yuborsangiz bo‘ladi

Jamoada tempi umumiy tempdan past insonni ushlamang. Oxirida yutkazgan siz bo‘lasiz

Yaqinda yana bir jamoa a’zosi bilan xayrlashdik. Tabiatan juda yumshoqligim sabab bu qarorni 3 oyga kechiktirib qabul qildim. Aslida o‘shanda qabul qilishim kerak ekan. Lekin nima bo‘lganda ham oxir oqibat to‘g‘ri qaror qila olganimdan xursandman.

3 oy oldin fikrlashda, ishlash tartibi va tempida bir-birimizga to‘g‘ri kelmayotganimiz ma’lum bo‘lgandi. Lekin o‘zgarish bo‘lar, holat yaxshilanar degan bahonalar bilan xayrlashishni ortga surib yurdim. Holat borgan sari yomonlasha boshladi. Natija yo‘qligidan mening asabim buziladi, bosimdan u insonda demotivatsiya kuchayadi.

Oxirgi 3 oy – 0% o‘zgarish. Xuddiki joyimizda turgan holatda shunchaki qadam tashlayotgandek edik. 2 kun oldin xayrlashdik. Uning zimmasidagi ishlarni jamoadagilarga bo‘lib berishga to‘g‘ri keldi. Shunday ham qildik. Ba’zi qismlarni vaqtinchalik o‘zimga oldim.

6 oydan ortiq erisha olmagan ichki tizim va natijalarga 1 haftada erishdik. Hammasi yaxshilanayotgandek, natija bordek.

Olgan xulosam shu bo‘ldi: tempga tusha olmayotgan jamoadoshlar bilan o‘rnida xayrlashish o‘zimiz uchun ham ular uchun ham eng yaxshi qaror ekan.

Kecha bitta zo‘r HR interview’sida ham ko‘rgandim. Muvaffaqiyatli kompaniyalar – bu to‘g‘ri insonlarni ishga ola olgan kompaniyalar emas, balki to‘g‘ri insonlarni bo‘shata olgan kompaniyalardir dedi. Bu fikrga qo‘shilmay ilojim yo‘q…

Kelishuvdagi xatoning oqibatlari

Juda ko‘pchilikda loyihada ish boshlangandan keyin chekni oshirish qiyin bo‘ladi. Bugun darsdan keyin bir o‘quvchining keysini tahlil qildik. Sizga ham foydali bo‘lar balki…

Keys: Loyiha bilan 3-4 oy oldin ish boshlangan. Chekni oshirish niyati bor, lekin tayanch nuqta yo‘q, ya’ni chekni oshirish haqidagi gapni nimadan boshlashni bilmaydi. Sababi natija bormi, yo‘qmi hech kim bilmaydi.

Bu muammoning ildizi kelishuv paytida paydo bo‘lgan. Sotuv paytida belgilangan muddatdan keyin qanday natija bo‘lishi, uni qaysi metrika asosida o‘lchash kelishib olinmagan. Oylab ish qilinaveradi, tumanda harakat qilayotgandek ikkala taraf ham qayerga ketayotganini va qayerga kelganini bilmaydi.

Bu holatda chek oshirish haqida og‘iz ochishning imkoni yo‘q, sababi natija mavhum. «На ровном месте» hech qaysi biznes egasi ko‘proq pul to‘lashni xohlamaydi.

Qanday bo‘lishi mumkin edi?

Kelishuv paytida aniq raqamda maqsad qo‘yilganda, belgilangan muddat o‘tgandan keyin plan/fakt qilish imkoni bo‘lar edi. Bunda mutaxassis o‘z ishining natijasini ko‘rsatib bera oladi va ana shu muhokamada chekni oshirish masalasini ochish mumkin bo‘ladi yoki “Bizda mana shu muammo bor, buni hal qilish uchun mana bu ishni qilsak yoki byudjetni oshirsak yaxshi bo‘lar edi” deb imkoniyatlarni kengaytirishi mumkin bo‘ladi.

Kelishuv qilayotgan paytda loyiha maqsadini aniqlash, uni metrikaga bog‘lash va konkret muddat ichida konkret natija qilish haqida kelishib olish lozim. Aks holda muammolar tinch qo‘ymaydi.

Bugungi darsda ana shu algoritmni yetkazishga harakat qildim

JTBD har doim yutadi

Hozir ingliz tili darsidan chiqdim. Dars davomida bir qiziq narsani muhokama qildik. Nima uchun odamlar aynan qaysidir konkret tovar\xizmatni sotib olish bo‘yicha qaror qilishadi va ba’zan qimmatroqqa bo‘lsa ham?

Nizomiddin akani kurslari misolida ko‘rdik. Sizlar bilan ham bo‘lishgim keldi

Nima uchun uni mijozlari (biznesi bor, ishi ko‘p, ko‘p narsaga ulgurishga imkoni yo‘q insonlar) 100$ to‘lab Cambridge yoki InterNation’ga borishni o‘rniga 400-1000$ to‘lab unda o‘qishadi?

Gap Nizomiddin aka Ingliz tilini hammadan yaxshi bilishida emas (bu albatta sifatga til tekkazish emas😂🤣) shunchaki unikal insonlar uchun boshqalarda yo‘q unikal taklif bera oladi.

Masalan darslar individual o‘tiladi, konkret insonni hayotiy holatlaridagi misollar ko‘riladi. “The London is the capital of Great Britain…” matnini o‘qiganda ham sohangiz uchun kerakli va foydali bo‘ladigan insightlarni olish mumkin bo‘ladi.

Undan tashqari o‘quv markazdagi ustozlarga qaraganda sinxronizatsiya, bir birini tushunish, umumiy kontekstlarni tasavvur qilish yaxshiroq bo‘ladi.

Undan tashqari darslarni modifikatsiya qilish mumkin - vaqtlarini, joyini, formatini qayta kelishish mumkin. O‘quv markazda bunday imkoniyat yo‘q.

Boshqa individual ustozchi desangiz, boshqalarda fikrlash, qadriyat yoki imkoniyatlar boshqacharoq bo‘ladi. Unikallik ham shunda.

Qo‘pol qilib aytganda Nizomiddin aka sotayotgan narsa Ingliz tili emas, balki kastomizatsiya. Xuddi o‘sha inson uchun ishlangan dastur va yondashuv. That’s it!

Kim ekanligingiz, nima sotishingiz muhim emas. Odamning haqiqiy JTBDsini bilsangiz va ana shu JTBD uchun boshqalarda yo‘q unikal taklif bera olsangiz – qimmat degan so‘z, JTBD’ga to‘liq javob bermaydigan yoki yetarli darajada ochilmagan yechim bor

Himmat bo‘lsa qiymat topiladi

2019-yil edi. Bir dunyo orzulari bor, kichkina shaharda o‘sgan bola edim. Kim bo‘lishim, nima ishlar qilishim umrimda emas edi.

Bir kun onam Muhammadali Eshonqulov aytgan bir gapni aytib qoldilar: “Himmat qancha katta bo‘lsa, imkoniyat ham shunga yarasha beriladi”.

Vau, qancha ma’no bor bu oddiy gapda. Abu Hanifa haqidagi tarixni eshitgansizlar. Faqirlar shaharga yordam so‘rab kelsa birinchi meni uyimga borsin deb baland uy qurdirganlar. Himmatga yarasha rizq ham kelgan.

Ana o‘sha voqeadan keyin oldimga maqsad qo‘ydim. Kim bo‘lishimdan qat’i nazar o‘z ishimni eng zo‘ri bo‘laman.

O‘qishga kelgan bola adashib marketing sohasiga tushib qoldim. Hammasi kopiraytingdan boshlandi. 3 yil o‘tgach tushundim – ha, men xohlagan narsa aynan mana shu. Marketing imkoniyatlari ko‘z oldimda to‘liq ochilgach tushundim. Biz yo‘lni emas, oliy maqsadni tanlaymiz, himmat qilamiz. Yo‘lni Alloh o‘zi beradi.

Muna Media’da 3 yil ishlash mobaynida oddiy kopirayterdan agentlik boshqaruvchisi va biznes sherikkacha o‘sdim. U yerda Unionpay, Zolotaya Korona, Xiaomi, Huawei, Honor va boshqa xalqaro darajadagi loyihalarni boshqardim. Kompaniyaning 20% meniki edi.

Albatta mehnatim bor edi, lekin asosiysi bu yo‘l edi – himmat uchun berilgan yo‘l.

So‘ng ba’zi sabablarga ko‘ra u yerdan ketdim. Maqsadim o‘zgardi. Endi faqat sohamning zo‘ri bo‘lish emas, shu bilan birga ummatga foydali ish bilan shug‘ullanish. Unga ham erishdim. Rustamaka bilan tanishdik. IMAN’ga oddiy menejer sifatida atigi 5 mln so‘mga ishga kirdim. Nega bilmadim. Keyin bilsam, bu ham yo‘lning bir qismi ekan. Oliy reja.

2 yil o‘tdi. Oddiy menejer endi marketing direktori! 200 kishilik jamoani boshqaradigan 5 kishidan biri. Kompaniyaning bozordagi qiymati $75 mln. Tez orada bu jamoa millionlab musulmonlarni ribodan qutqaradigan gigantga aylanadi inshaaAlloh.

Mana bu qiymat. Himmatga yarasha qiymat.

Bu postdan murod ko‘rib qo‘ying men qanchalik zo‘rman deyish emas. Qisqa muddatli mayda chuyda maqsadlar o‘rniga himmat qilib oliy maqsad qo‘ying va harakat qiling – yo‘l o‘zi topiladi deyish. Post maqsadi hosil
bo‘ldi degan umiddaman

——————

Yo‘l albatta muhim, ammo biz sababiyat qonunlariga bog‘langanmiz. Albatta, yo‘lda as qotgan eng sara ko‘nikmalar, bilim va tajriba bor. Ertaga ana shularning eng sara mahsuli bo‘lmish yangi dastur uchun qabul ochiladi. Agar bu tajriba men sohada yutuqqa erishishim uchun muhim deb bilsangiz, marhamat, sizni kutaman!

Data-driven PMM, вы нам нужны))

Ассалому алайкум, хотел вам сообщить о крутой возможности в IMAN. Ищем data и faith-driven PMM. Если вы хотите работать и развиваться в самой быстрорастущей инвестиционной компании в Узбекистане, то велкам.

Обязанности:
- Разрабатывать маркетинговую стратегию продукта, включая коммуникации и контент
- Проводить исследования для выявления инсайтов о пользователях
- Отвечать за эффективность маркетинговых воронок: привлечение, удержание, возврат пользователей
- Взаимодействовать с командами разработки, продаж и клиентского сервиса для улучшения продукта
- Контролировать реализацию маркетинговых активностей и их влияние на ключевые метрики
- Запускать и оптимизировать рекламные кампании в различных каналах

Требования
- Опыт работы в продуктовом маркетинге или digital-маркетинге от 3 лет
- Знание русского и узбекского языков
- Понимание маркетинговых метрик, юнит-экономики и аналитики
- Навыки работы с исследованием рынка и потребителей
- Опыт работы с рекламными каналами: таргетированная реклама, контент-маркетинг, SMM, SEO и другие
- Умение работать в команде и взаимодействовать с различными отделами
- Навыки стратегического мышления и data-driven подход к маркетингу
- Желательно: опыт работы в fintech, e-commerce, SaaS


Если интересно прошу направить ваше резюме по адресу tamila.n@iman.uz

Workshop uchun joy band qilish davom etyapti

Workshopdan nima olish mumkin?

Marketolog bo‘lsangiz quyidagini o‘rganishingiz mumkin:

- Loyihalarda natijalarni raqamlashtirish
- Ayb sizda emas, sotuvda ekanini raqamda ko‘rsatish
- Mediaplan bilan ishlashni o‘rganish
- Berilgan byudjetni to‘g‘ri taqsimlash
- Kanallar samaradorligini aniqlash
- Chekni oshirish
- Синдром самозванца dan xalos bo‘lish
- Vanihoyat marketingdagi eng asosiy metrikalarni tushunish

SMM va Targetolog bo‘lsangiz quyidagini o‘rganishingiz mumkin:

- Olib kelingan qiymatni raqamda ko‘rsatib berish
- Qo‘rqmasdan KPI asosida ishlash
- va shu orqali chekni oshirish
- Sotuv jarayonlarini tushunish
- Har bir g‘oyangizni raqamlashtirish va foydasini o‘lchash

Prodyuser bo‘lsangiz:

- Zapusklardagi feyllar sababini aniqlash
- Raqamlashtirish orqali xatolarni tushunish
- Xatolarni to‘g‘rilash bo‘yicha gipotezalar olish
- Natijalarni o‘stirish

Agar yuqoridagilardan biri siz haqingizda bo‘lsa, sizda hali ham vaqt bor workshopda qatnashish uchun o'z joyingizni band qilishingiz mumkin

Joyni band qilish uchun @Kamoliddin_R ga yozing

Bu postni yetarlicha ko‘p kutdingiz (deb umid qilaman :))

26-yanvar kuni marketingda raqamlar bilan ishlash bo‘yicha offline WORKSHOP o‘tkazishni reja qildik. Juda ko‘p shablon va Guidebooklar tayyorlab qo‘yganman

Workshop’da qanday mavzular bo'ladi?
- Metirkalar (biznes, marketing, product, sotuv)
- Voronka bilan ishlash
- Metrikalar asosida loyihadagi muammolarni topish
- Muammolarni hal qilib natijaga chiqish
- X mavzu

Workshop kimlar uchun?
- Natijasini ko‘rsata olmayotgan SMM menejerlar
- Potolokni yorib KPI asosida ishlamoqchiman degan targetologlar
- Loyihani sotuvgacha olib chiqishni xohlayman degan marketologlar

Workshop’da qatnashish narxi – 297 000 so‘m

Format: offline

Pullik qilishimni sababi tekin bo'lgan narsani qadri bo‘lmaydi.

Tushgan pullar xarajatlarga ketadi. Ortgani – «VAQF» tashkilotiga ketadi.

––––––––––––

297 000 so‘mga

- 2 soatlik go‘shtli ma’lumot
- 10 lab loyihalarda ish bergan texnikalar
- Shablon va Guidelar
- Loyihangiz va o'zingizdagi muamo va savollarga javob olasiz

Manimcha bu narx berilayotgan qiymatga arziydi

–––––––––––––

Joyni band qilish uchun @Kamoliddin_R ga yozing