Mirzodan maktub

Ayollar va qizlarni har kun e’zozlang, ishonch bildiring va orzulari tomon qoʻllab-quvvatlang 🌷

Kanal obunachilari boʻlgan opa-singillar, doim sogʻ-salomat boʻling, bilim olishdan, buyuk maqsadlaringiz yoʻlida harakatlardan tolmang.

Ayol va qizlarning pok haqlarini hurmat qilgan, amalda buni isbotlagan jamiyatdagina rivojlanish boʻladi.

@mirzodanmaktub

Bugungi kechki Toshkent ☁️

@mirzodanmaktub

Akbar Ibragimov degan do‘stimiz yozganlarini ko‘pchilik ulashgan va ming-minglab foydalanuvchilar tomonidan o‘qilgan edi. Yaqinda storylaridan biri e’tiborimni tortdi – quyosh osmon va bulutlarni tovlantirayotganiga bir boqing-a.

Buning hammasi havo tozaligidan deb o‘ylayman, chunki o‘zimizda ham qor yoki yomg‘ir yog‘ib o‘tgach, bir yaxshi, o‘pkalarni to‘ldirib nafas oladigan havo (ayniqsa Ramazonda sahar mardonlab qushlar sayragan paytda o‘zgacha uyg‘unlik kasb etib ketadi) bo‘lib qoladi. Kamdan-kam, albatta. Shunday paytlarda suratga tushirsangiz, tabiat, binolar, osmonning aniqroq va tiniqroq, chiroyliroq ko‘rinishini sezasiz. Kamera o‘tkir suratlar olayotgandek bo‘ladi.

Toza havo, daraxtlar, tiniq va musaffo osmonga boqib, lahzaning qadriga yetish ham o‘zgacha taassurot beradi, men sizga aytsam. #TozaHavoTangaDavo deb bejiz aytishmagan axir. Toza havo miya faoliyatiga-da davo, bu miyalar, ming-ming, million miyalar ishlab ketsa bormi-a?) Rivojlanishdan to‘xtatolmay qolisharmidi-a?

@mirzodanmaktub

Hayotdagi chin oltita “laksheri” deyishgan ekan:

• vaqt
• sihat-salomatlik
• halovat
• sokin tonglar
• mazmunli ish
• mehr-muhabbatga toʻla uy

Sentnerlab kerak-nokerak ma’lumotlar oqimi, skrollar-u syorfinglar, yugur-yugurlar ichida oʻzingizga ham biroz e’tibor toping, ketayotgan yoʻlingizga bir razm solib qoʻying.

“Samurayda yoʻl boʻladi” deb aytisharmidi? 🎋

@mirzodanmaktub

Oʻtgan shanba Marketing Club'da Nodira opa (tbc, payme marketing direktori) brend yevangelistlar haqida gapirib qoldi.

Bir paytlar ofisda ishlagan va hozirda toʻliq frilansda ishlayotgan ozod odam sifatida aytishim kerakki, kattaroq kompaniyalar ichida, ba’zi turdagi hamkasblar orasida sizning brend yevangelist boʻlishga harakatingiz yoki tashabbuslaringiz doim ham toʻgʻri qabul qilinmaydi.

Ba’zan bunga qarshi chiqadiganlar ham topiladi. Ayniqsa lavozimda oʻsishga jon-jahdi bilan harakat qiladigan hamkasblaringiz tomonidan. Ular xuddi noodatiy gʻoyalarni randalash, nimadir qilib boʻlsa-da rad etish, yoʻqotishga harakat qilayotgandek tuyulishi mumkin sizga. Hamkasbni oʻzgartirolmaysiz (suratdagi gap shu joyiga). Gʻoyangizni esa, masalan, turli manipulyatsiyachalarga va intrigachalarga uchmasdan, qizishmasdan himoya qilish mumkin (eng toʻgʻri yoʻli, menimcha).

Bunday holatlarda eng avvalo yuqori boshqaruv vakili jamoasi tarkibiga qoʻyilgan vazifalarni qayta koʻrib chiqishi, muvozanatni saqlashga harakat qilishi kerak. Sabablarni topish (masalan, bu tayming vs kreativ, karyerist vs kreativchi, barqaror vs tashabbuskor, ego vs ego qarama-qarshiligida koʻrinishi mumkin) juda muhim.

Aks holda, bunday holatlar jamoa ichidagi vaziyatni murakkablashtiradi, befarqlashtirib, faqat kundalik routine, 09:00 dan 18:00 gacha vaqt oʻtkazish, faqat oʻzingizga doir vazifalarni bajarib qoʻyishga oʻrgatadi, brend rivojlanishi bilan bogʻliq kreativ qarashni yoʻqotib, keyinchalik mehrni ham soʻndira boshlaydi.

Don’t let that shit ruin you.
Relax. Communicate.
Didn’t work – let it go.

@mirzodanmaktub

Oʻqishdan, oʻrganishdan toʻxtamaylik. Oʻtganlar uchun, ezgu niyatlar uchun duodan, oʻzimizni isloh qilishdan ham.

Sihat-salomatlik, hamjihatlik, xotirjamlik va farovonlik tilayman.

Ramazon muborak boʻlsin, azizlar ❤️

@mirzodanmaktub

Soʻnggi bir hafta ogʻir oʻtdi.

Oʻtgan hafta chorshanbada dadam, bu chorshanbada esa doʻstimiz Alisher oʻtib qoldi… Holatimni soʻz bilan tasvirlab bera olmayman.

Alloh taolo har ikkisining savol-javobini oson qilsin. Gʻariqi rahmat aylasin.

Doʻstlar, kanalim obunachilari, sogʻligingizga ayniqsa e’tiborli boʻling. Hayotingiz, umringiz daqiqalarini mehr berishga, ezgu ishlar qilishga sarflang. Ulgurishga urining.

Ramazon yaqin.
Duolarda bardavom boʻlaylik.

@mirzodanmaktub

Hozir yana Zomindaman. Chin toza havoni his qilish mumkin shunday kunlarda.

#YanaYoʻlda

@mirzodanmaktub

1. Kunningizni
2. Yaratang…

#Xatoskop

@mirzodanmaktub

Yengi programma…

#Xatoskop

@mirzodanmaktub