Tolibjonov's Blog | Mirjalol


Гео и язык канала: Узбекистан, Узбекский
Категория: Цитаты


-Shaxsiy fikrlar(postlar) ✅
-Kunlik yoziqlar 📝
-Kitoblardan parchalar 📖
-O'zim uchun eslatmalar 💯
@mirjalol_tolibjonovv

Связанные каналы

Гео и язык канала
Узбекистан, Узбекский
Категория
Цитаты
Статистика
Фильтр публикаций


Qafaslardan qibla izlaydi,
Qushligini unutgan qushlar.


Boshqalarga berayotgan maslahatlarimizga, avvalo o'zimiz muhtojmiz.


#tajriba
Va bir kuni qalbingizga iymon kirib keladi, shunda sizning nutqingiz, gaplaringiz odamlar uchun tushunarsiz so'zlarga aylanadi...


Tobut tashiladi

Janozada tobutni ko’tarish uchun navbat kutishadi.

Hech kim tashimasa, navbat kutmasa ham mayyit qabristonga yetib boradi.

Ko’tarayotganlar o’zi uchun ko’tarayapti. Ibrat uchun, savob uchun.

Boshqa muhim ishlarda ham shunday.

Biz bo’lmasak ham:

O’sha masjid bitadi.

Loyihalar yuraveradi.

Odamlar o’zgaraveradi.

Taqdirdagi ishlar bo’laveradi.

Ishtirokimiz natija uchun emas. Qaysi tarafdaligimizni ko’rsatish uchun.

Amal bilan ko’rsatish uchun.


O'rganmasak ulashadigan narsamiz bo'lmaydi.


Bankda tekinga halol pul tarqatyapti ekan deyishsa, dollarmi, summi ajratib o'tirmasdan yugurib boramiz. Kerak emas demasdan.

Savobga kelganda farz, vojib, sunnatku qilib ajratishimiz nimasi?

Ustozdan


Zalolatda eding, hidoyatga boshladi.

“Gunohim katta” deding, “Rahmatim undan katta” dedi.

Zaif eding, Islom ila quvvatlantirdi.

Nodon eding, aql-idrok berdi.

Adashgan eding, qalbingni toʻgʻri yoʻlga burib qoʻydi.

Yolgʻiz eding, hamroh boʻldi.

Mahzun eding, malham boʻldi.

Ogʻir kunlaringni yengil qildi.

Zulmat tunlaringni charogʻon qildi.

“Robbim” deding, “Bandam” dedi…


“Zuho” surasining 7-oyatini esla:

وَوَجَدَكَ ضَآلًّا فَهَدَىٰ

«Va U seni hayron topib, hidoyatga boshlamadimi?»


Qiyomat kuni sizni eng ko'p mahzun qiladigan holat;
Qattiq sevishingizga qaramay ota-onangiz, xatto bolangizga bittagina yaxshiligingizni berolmaysiz...

Buning qarshisida esa yomon ko'rib, g'iybat qilgan odamingizga ana shu yaxshiliklarni majburan berib yuborasiz.

Abu Umar Odilqul Buxoriy


Репост из: 𝑻𝒖𝒏𝒅𝒂𝒍𝒊𝒌
Bitta odamni do'zaxdan qutqarib qolishlik g'amida qilinadi davat.

Bir adashgan odamni adashgan yeridan qaytarishlik uchun aytiladi davat, dars beriladi.

Gapini o'tkazishlik, urib-so'kishlik, o'zini haqligini, ilmli bilag'on ekanligini isbotlash uchun emas.

Balki, boshqalarni g'amida qilinadi bu davat.

Vaholanki, nima qiladi davat qilib, o'zini ahvolidan, oxiridan xabari yo'q. Mazza qilib o'zi bilganlariga amal qilib, chiroyli yashab o'lib ketaversa bo'ladiku?

Fikr qilaylik, insonlar.


Agar musulmonlarning muammolari faqat duo bilan hal qilinganida, Rasululloh sollallohu alayhi vasallam hech qanday jangga kirmas edilar, chunki u kishi duolari qabul bo'lganlarning eng yaxshisidir.


Ba'zilar soddalik qilib, yengiltak bo'lsa ham, uylanib olsam tarbiya qilib olaman deb o'ylaydi. Bir mashhur qori aka shunday qilgandi ham. Qarindoshimiz unga quda bo'lgani uchun bilaman. Yigirma yil o'tdiki, tarbiya samara bermadi.

©️Aziz Rakhimov


Insonlar bir yomon harakatingiz bilan barcha yaxshiliklaringizni unutishadi.

Alloh esa bir tavbangiz bilan barcha gunohlaringizni o’chiradi.




Namozdan keyingi zikrlarni tark qilishlik, bora bora sunnat namozlarni tark qilishlikka olib boradi.

degan edilar 🐳


Репост из: эслатма:
ҳеч воз кечдингми? Аллоҳ учун?
Аллоҳ хушламайди дея…


Ehtiyot bo'lamiz

99% tanishlaringizni ekstremal xolatda ko'rmagansiz.

Shaxslarga ishonish risk talab qiladi.

Ishonch muhim omil. Bo'lishi kerak. Lekin uyingizni kaliti, kartangiz yoki tarmoqlaringiz kodini berib qo'yadigan darajada emas.

Qisqa tajribamizda shundaylarini ham ko'rdik.

Va'dalar, aytilgan gaplar esdan chiqib qoladi. Manfaat va vaqt o'z so'zini aytadi.

-Sizning manfaatlaringiz siz ishonayotgan odamnikidan ustun bo'lmaydi.
Soddalik, manipuliyatsiya, o'yinlar... faktorlar ko'p


Tabiiy qabul qilish kerak.

Botqoq ikkita oyoq bilan tekshirib ko'rilmaydi.

Qo'rqish yaxshi, pozitiv pesimizm kerak. Qo'rquv sizni tirik olib qolishga javob beradi.

Yaxshisi bo'lishiga ishonamiz, yomoniga ham tayyorlanib qo'yamiz.

Ikki holatda ham kutuvlaringiz o'zini oqlasa, ko'p narsa yo'qotmaysiz.

Pichoqni tutkazib qo'yadigan darajada risk qilish(ishonish) ahmoqlik.

@mirjalol_tolibjonovs


Atrofdan nima kutyapmiz?

Shuning misoli bo‘laylik bo‘ldi. Shunda balki, ko‘p gapirishning ham hojati qolmas.


Fikrlarimiz o'zimizniki emas

Tug'ilganimizda oq varoq kabi bo'lamiz. Instinktdan boshqa hech narsamiz yo'q. Nimani to'g'ri, notog'ri deyishimizni ota-onamiz, atrof-muhit va media belgilaydi.

O’zimiz bilmagan holda eshitgan fiklarimizni gapirib yuramiz. Gapirganimiz uchun bizniki deb o’ylaymiz. Firklarni qayerdan boshlangani, kimdan eshitganimiz, eshitganimizga nega ishonishimiz kerakligini savolga tutib ko’rmaymiz.

Istalgan mavzuda fikr bildirib ko'ring. iPhone, RealMadrid, Tramp...
Endi shu fikrni analiz qiling. Nega shunday deb o'ylaysiz? Nega teskari emas?

Shaxsiy fikr vakumda hosil bo'lmaydi. Bir necha har xil fikrlarni eshitamiz, birdan qabul qilmaymiz, analiz qilamiz, o'zimizniki shakllanadi. Nonni maydalab emas, ushoqlab yeyish kabi.

1.Universitet kerak. 2.Universitet kerak emas.
"Agar sohangizni univerdan boshqa joyda o'rganish deyarli imkonsiz bo'lsa, va diplomsiz hech narsa qila olmasangiz - kerak. Shifokorlik, yuristlik kabi. Boshqa holatlarda pulni va vaqtni shunchaki sarflash xolos.


Yangi bilim kirishi uchun o'quvchi o'zinikini xatoligini tan olishi kerak.

Miyada bir vaqtda 2 ta teskari fikrni ushlab turish lozim. Ko'pchilik narsalar oq va qora bo'lishiga o'rganib qolgan. Lekin aynan ikkita teskari fikr sintezi juda ko'p narsalar kulrang ekanligini ko'rsatib beradi.

Ps: hatto shu post ham Aziz Rakhimov inshosidan ilhomlanib yozildi. shunaqa gaplar jigar


Fir'avn sizlarga darhol yomonlik qilgani bilan nimani qoyil eta olar edi.

"Nimadan qo'rqasizlar, axir men sizlar bilanman."


Nohaqlik gapirilganda jim turishlik hurmat emas, qo'rqoqlikdir.

Adashtirmaylik insonlar 🥱

Показано 20 последних публикаций.