MILLIY GVARDIYA Toshkent shahri bo’yicha boshqarmasi

Toshkent shahridagi mahallalarda xavfsizlikni ta’minlash bo‘yicha targ‘ibot ishlari olib borilmoqda

Toshkent shahar Qo‘riqlash boshqarmasi xodimlari tomonidan Davlatimiz rahbarining “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi qarori ijrosini ta’minlash maqsadida targ‘ibot ishlari olib borilmoqda.

Xususan, Uchtepa tumanidagi Tinchlikobod, Shirin va Takachi mahallalarida profilaktik tadbirlar tashkil etilib, aholiga huquqbuzarliklarning oldini olish, jamoat tartibini saqlash va xavfsiz muhitni shakllantirish bo‘yicha tushuntirish ishlari o‘tkazilmoqda.

Website | Telegram | Instagram | Youtube | Facebook

Milliy gvardiya Toshkent shahri bo'yicha boshqarmasiga qarashli harbiy qismning muddatli harbiy xizmatchilari O‘zbekiston Davlat drama teatrida namoyish etilgan "Atirgullar qismati" nomli spektaklni tomosha qilishga tashrif buyurdi.

Ushbu spektakl insoniy qadriyatlar, mehr-oqibat va taqdir sinovlari haqida hikoya qilib, harbiylar uchun katta taassurot qoldirdi.
Bunday madaniy tadbirlar harbiy xizmatchilarning ma'naviy-ma'rifiy saviyasini oshirish, ularga Vatan, san'at va milliy qadriyatlarga bo‘lgan hurmatni shakllantirishda muhim ahamiyat kasb etadi.

Website | Telegram | Instagram | Youtube | Facebook

Kitob – ma’naviyat chirog‘i!

Kitobxonlik kuni doirasida Milliy gvardiya Toshkent shahri bo‘yicha boshqarmasi tomonidan harbiy qismda Pirimqul Qodirovning “Yulduzli tunlar” asarining yakuni bo‘yicha muhokama tashkil etildi.
Tadbirda tarixiy roman mazmun-mohiyati, undagi buyuk ajdodlarimizning ibratli hayoti va milliy g‘urur mavzulari atroflicha muhokama qilindi. Muhokama davomida asarning yoshlar tarbiyasidagi ahamiyati, undagi Vatanparvarlik, jasorat va muhabbat g‘oyalari muhim o‘rin tutishi ta’kidlandi.

Website | Telegram | Instagram | Youtube | Facebook

Mahallamiz – xavfsiz maskan! Jinoyatga yo‘l yo‘q!

Milliy gvardiya Toshkent shahar Qo‘riqlash boshqarmasi xodimlari tomonidan jinoyatchilik va huquqbuzarliklarning oldini olish maqsadida profilaktik tadbirlar davom etmoqda. Xususan, qizil toifaga kiritilgan mahallalarda xavfsizlikni ta’minlash va fuqarolar osoyishtaligini mustahkamlash maqsadida Sergeli, Shayxontohur, Olmazor, Yakkasaroy va Mirzo Ulug‘bek tumanlarida “Soqchi” tadbiri o‘tkazildi.

Uchrashuv davomida fuqarolar xonadonlari va savdo obyektlarini texnik qo‘riqlash tizimiga ulash bo‘yicha tushuntirish ishlari olib borildi. Xavfsizlik choralarini oshirish, huquqbuzarliklarning oldini olish hamda mahalla ahli bilan hamkorlikni kuchaytirish bo‘yicha muhim tavsiyalar berildi.

Website | Telegram | Instagram | Youtube | Facebook

O‘zbekiston Respublikasi Milliy gvardiya qo‘mondonining 1-sonli direktivasi ijrosini ta’minlash maqsadida Milliy gvardiya Toshkent shahri bo‘yicha boshqarmasi harbiy qismida “Kitob yarmarkasi” tashkil etildi.

Mazkur tadbir harbiy xizmatchilar o‘rtasida kitobxonlik madaniyatini rivojlantirish, ularning ma’naviy va intellektual salohiyatini oshirish hamda kitob mutolaasiga bo‘lgan qiziqishni kuchaytirish maqsadida o‘tkazildi.

Milliy gvardiya Toshkent shahri boʻyicha boshqarmasi boshligʻi va Toshkent shahar IIBB boshligʻi tomonidan tungi xizmatga jalb qilingan harbiy xizmatchi va xodimlar uchun yoʻriqnoma oʻtkazildi.

Unda Prezidentimiz tomonidan imzolangan 1-sonli qaror ijrosini taʼminlashda barcha masʼuliyat bilan yondashishi, mahallaga biriktirilgan har bir harbiy xizmatchi va xodim tinchlik va osoyishtalikni saqlashda sergak bo‘lishi lozimligini alohida taʼkidlandi.

Website | Telegram | Instagram | Youtube | Facebook

Harbiy qismida kitob yarmarkasi tashkil etildi

Milliy gvardiya Toshkent shahri bo‘yicha boshqarmasiga qarashli harbiy qismda bugun harbiy xizmatchilar uchun kitob yarmarkasi tashkil etildi. Mazkur tadbir harbiy xizmatchilarning ma’naviy saviyasini oshirish, kitobxonlik madaniyatini targ‘ib qilish hamda ularni turli adabiyotlar bilan tanishtirish maqsadida o‘tkazildi.

Yarmarkada muddatli harbiy xizmatchilar, serjant va ofitserlar o‘zlariga kerakli bo‘lgan kitoblarni xarid qilish imkoniyatiga ega bo‘ldilar. Badiiy, ilmiy-ommabop, tarixiy va harbiy mavzudagi adabiyotlar harbiylar uchun katta qiziqish uyg‘otdi. Mazkur tadbir harbiy xizmatchilar orasida kitob o‘qishga bo‘lgan ishtiyoqni yanada oshirishga xizmat qiladi.

Website | Telegram | Instagram | Youtube | Facebook