Migrant Mobile

🇺🇸 Трамп АҚШда болалар учун жинс ўзгартириш операцияларини давлат ҳисобидан ўтказишни тақиқлади

"Шифокорлар болаларга ёлғон гапириб, улар жинсини ўзгартириш мумкинлигини айтмоқда. Натижада, уларни жарроҳлик амалиётлари билан бутун умрга майиб қиляпти. Бу хавфли ҳолат ва Америка тарихида шармандали из қолдиради. Уни зудлик билан тўхтатиш керак!" — деди Трамп.

Шунингдек, у ССВга жинсни ҳис қилиш муаммоси бўйича тавсияларни қайта кўриб чиқиш ва 90 кун ичида янги ҳисобот тайёрлашни буюрди.

Бундан аввал, Трамп АҚШда фақат икки биологик жинс – эркак ва аёл мавжудлигини расман тан олиш ҳақида фармон имзолаганди.

@migrant_mobile

📊 2024 йилда Ўзбекистонга Россиядан 870 минг сайёҳ келди

Бу ундан олдинги йилга нисбатан 20% га кўп, дея маълум қилди Туризм қўмитаси раиси Умид Шодиев.

Унинг айтишича, бу йил мамлакатга 1 млндан ортиқ россиялик турист келиши кутилмоқда.

@migrant_mobile

🇷🇺 5 февралдан Россияда янги миграция тартиби жорий этилади

Бу мамлакатда бўлган, лекин бу ерда яшаш учун қонуний асосга эга бўлмаган хорижликларга нисбатан қўлланилади. Оддий қилиб айтганда, Россияда истиқомат қилувчи, лекин бу ерда бўлмаслиги керак бўлган ноқонуний муҳожирлар учун.

Қонунга кўра, Россияда бўлишини қонуний равишда рўйхатдан ўтказмаган барча хорижликлар назорат қилинадиган шахслар реестрига киритилиши шарт. Улар Россиядан чиқариб юборилмагунча (депортация қилинмагунча ёки мустақил равишда тарк этгунига қадар) ёки мамлакат ҳудудидаги ҳуқуқий мақоми ҳал этилгунга қадар ушбу рўйхатда қолади.

Реестрга киритилган назорат остидаги шахсларга нисбатан қуйидаги чекловлар назарда тутилади:

— яшаш жойини ёки турган жойини ички ишлар органининг рухсатисиз ўзгартириш;
— РФнинг субъекти ёки бошқариладиган шахс яшайдиган муниципалитет ҳудудини тарк этиш;
— кўчмас мулк ва транспорт воситаларини олиш, ушбу мулкни давлат органларида рўйхатдан ўтказиш.

Бундан ташқари, бундай шахсларга транспорт воситаларини бошқариш, никоҳ тузиш, юридик шахс ташкил этиш, якка тартибдаги тадбиркор сифатида рўйхатдан ўтиш, банк ҳисобварағини очиш ва бошқа банк операцияларини амалга ошириш ҳуқуқидан фойдаланишда чекловлар қўйилади.

Ноқонуний муҳожирларга фақат мажбурий тўловларни тўлаш учун пул ўтказмалари бўйича молиявий операцияларни амалга оширишга, шунингдек, жўнаб кетгунга қадар яшаш харажатлари учун тўлов қилишга ҳамда 30 минг рублдан кўп бўлмаган пул ўтказишга рухсат берилади.

2024 йил 8 августдаги 248-ФЗ-сонли Федерал қонунига мувофиқ, 5-февралдан бошлаб полиция мигрантларни суд қарорисиз депортация қилиши мумкин.

Депортация қилинадиган фуқаролар назорат қилинадиган шахслар реестрига киритилади. Рўйхатдаги хорижликларга ноқонуний хизмат кўрсатган фуқаролар – 5 минг, мансабдор шахслар – 50 минг, юридик шахслар – 500 минг рублгача жаримага тортилади.

Обуна бўлинг 👉🏻 @migrant_mobile

🇷🇺🇺🇦 Путин Украина билан музокаралар истиқболига изоҳ берди

Россия етакчиси “Россия 1” телеканалида “Москва. Кремль. Путин” кўрсатуви учун Павел Зарубинга қатор баёнотлар берди:

▪️Агар ҳозир Москва ва Киев ўртасида музокаралар ўтказилса, улар ноқонуний бўлади. Зеленскийнинг аввалроқ имзоланган РФ билан музокараларни тақиқлаш ҳақидаги фармонини бекор қилиш керак, буни Рада раиси қила олади.

▪️Киев билан мумкин бўлган музокаралар чоғида Россия ўз манфаатларига мос келадиган ечим учун ҳаракат қилади. Ҳужжатларнинг якуний имзоланиши Россия ва Украинанинг келажак учун хавфсизлигини кафолатлаши керак бўлган жуда жиддий масала.

▪️Ҳар ким билан музокара қилиш мумкин, лекин ноқонунийлиги туфайли (президентлик муддати тугагани учун – таҳр.) Зеленский ҳеч нарсага имзо чекишга ҳақли эмас.

@migrant_mobile

🇺🇿🇨🇳 Ўзбекистон ва Хитой ўртасида визасиз тартиб баҳорда кучга кириши мумкин

Бироқ бу аниқ эмас, дея маълум қилди Uzbekistan Airways матбуот хизмати. Авиаташувчининг аниқлик киритишича, бу савол авиацияга эмас, балки Ташқи ишлар вазирлигига тегишли.

@migrant_mobile