MIB XORAZM FAOLIYATIDAN

Ундирувлар навбати бўйича тақсимланади

Ижтимоий тармоқларда қарздор “Хонқа туман йўллардан фойдаланиш” УКдан ундирувчи ЯТТ “Аллаберганов Рашидбек Алимбоевич” фойдасига 337.022.985 сўм қарз ундириш тўғрисидаги суд қарори ижроси таъминланмаётганлиги ҳақидаги хабарлар тарқалган.

Аниқланишича, Урганч туманлараро иқтисодий судининг 16.01.2023 йилдаги ижро варақасига асосан қарздор “Хонқа туман йўллардан фойдаланиш” УКдан ундирувчи ЯТТ “Аллаберганов Рашидбек Алимбоевич” фойдасига жами 337.022.985 сўм қарз ундириш тўғрисидаги ижро хужжати Бюронинг Хонқа туман бўлими иш юритувига 30.01.2023 йилда келиб тушган ва ижро ҳаракатларига киришилган.

Олиб борилган ижро ҳаракатлари давомида қарздорнинг барча ҳисоб рақамларига банд солиниб, инкассо топшириқномалари қўйилган.

Шунингдек, қарздордан ундирувчи ЯТТ “Аллаберганов Рашидбек Алимбоевич” фойдасига жами 65.860.189 сўм ундирилиб, ундирувчининг банк ҳисоб рақамига ўтказиб берилган.

Давлат ижрочиси томонидан қарздорнинг номида бўлган мол-мулкларини аниқлаш мақсадида ваколатли ташкилотларга сўровномалар юборилган ва олинган жавоб хатларига асосан қарздорнинг номида автотранспорт ва техника воситалари, бино ва иншоотлар аниқланиб, тегишли тартибда рўйхатга олинган ва хатланган.

Бундан ташқари, Бюронинг Хонқа тумани бўлими иш юритувида қарздор “Хонқа туман йўллардан фойдаланиш” УКдан давлат фойдасига солиқ ва мажбурий тўловлардан, юридик шахслар фойдасига жами 33 та 6,6 млрд. сўмдан ортиқ қарз ундириш тўғрисидаги ижро хужжатлари мавжуд.

Ўзбекистон Республикасининг “Суд ҳужжатлари ва бошқа органлар ҳужжатларини ижро этиш тўғрисида”ги Қонунининг 80-моддасида қарздордан ундирилган пул маблағлари биринчи навбатда бюджетга ва давлат мақсадли жамғармаларига, бешинчи навбатда кредиторларнинг гаров билан таъминланмаган талаблари қаноатлантирилиши, 79-моддасида ҳар бир кейинги навбатдаги талаблар ўзидан олдинги навбатдаги талаблар тўлиқ қаноатлантирилгандан кейин қаноатлантирилиши белгиланган.

Келгусида қарздорнинг мол-мулки сотувидан тушган ва ундирилган пул маблағлари белгиланган тартибда ундирувлар навбати бўйича тақсимланади.

@mibxorazmvil

Ҳазораспда бола вояга етгунга қадар бўлган алимент пули олдиндан тўлаб берилди

Мажбурий ижро бюроси Ҳазорасп тумани бўлими иш юритувида бўлган фуқаролик ишлари бўйича Боғот туманлараро судининг суд буйруғига асосан қарздор отадан собиқ турмуш ўртоғи фойдасига вояга етмаган фарзандининг моддий таъминоти учун алимент ундириш тўғрисидаги ижро ҳужжати муддатидан олдин тугатилди.

Давлат ижрочиси томонидан оила вакилларининг мурожаатига асосан вояга етмаган фарзандининг 18 ёшгача бўлган алимент миқдори олдиндан ҳисоблаб берилди ҳамда алимент тўловчи қарздор ота ўз ташаббуси билан фарзандининг моддий таъминоти учун турмуш ўртоғи билан ўзаро келишган ҳолда 37,3 млн. сўм алимент тўловини олдиндан нақд пулда тўлаб берди.

Шундан сўнг, алимент ундириш тўғрисидаги ижро ҳужжати ундирувчининг аризасига асосан тамомланиб, қарздорга нисбатан қўлланилган барча чеклов чоралари бекор қилинди.

Алпомиш Юсупов, Бюронинг Ҳазорасп туман бўлими давлат ижрочиси

@mibxorazmvil

Кредит қарзи учун “Hyundai Elantra” аукционда сотилди

Мажбурий ижро бюроси Хива тумани бўлими иш юритувидаги фуқаролик ишлари бўйича Боғот туманлараро судининг қарздор Р.Р.дан ундирувчи “Ҳамкорбанк” АТ банки Хоразм минтақавий БХО фойдасига жами 201.019.186 сўм кредит қарзини ундириш, ундирувни гаров мулки бўлган қарздорнинг ўзига тегишли 2022 йилда ишлаб чиқарилган “Hyundai Elantra” русумли автомашинасига қаратиш тўғрисидаги ижро ҳужжати юзасидан қарздорга суд қарори ижросини таъминлаш юзасидан ихтиёрий муддат берилган.

Лекин қарздор ихтиёрий муддат давомида банк олдидаги қарзини бартараф этмагани сабабли, қарздорга тегишли мазкур автотранспорт воситаси рўйхатга олиниб, хатланди ва электрон онлайн-аукцион савдолари орқали 208.740.000 сўмга сотилди ҳамда савдодан тушган пуллар қарздорликни қоплаш учун йўналтирилди.

Матюсуфбек Полвонбоев, Бюронинг Хива тумани бўлими давлат ижрочиси

@mibxorazmvil

Тупроққалъалик ота фарзандлари вояга етгунга қадар бўлган алимент пулларини бир йўла тўлади

Бюронинг Тупроққалъа тумани бўлими иш юритувига суднинг буйруғига асосан қарздор отадан ундирувчи она фойдасига икки нафар вояга етмаган фарзандлари таъминоти учун 1/3 қисми миқдорида алимент ундириш тўғрисидаги ижро ҳужжати келиб тушган бўлиб, ижро иши қўзғатилган.

Олиб борилган ижро ҳаракатлари давомида алимент тўловларини ўз вақтида тўлаб келган ота икки нафар фарзандларининг моддий таъминоти учун улар вояга етгунига қадар бўлган алимент пулларини олдиндан тўлаб бериш истагини билдирган.

Шунга кўра, қарздор ва ундирувчининг ўзаро келишувига асосан, вояга етмаган икки нафар фарзандлар то улар вояга етгунига қадар бўлган давр учун 129,8 млн. сўм миқдорида алимент пуллари ундирилиб берилиши таъминланди.

Сирожбек Рўзматов, Бюронинг Тупроққалъа тумани бўлими давлат ижрочиси

@mibxorazmvil

Гурланлик ота фарзанди учун 24,8 миллион сўм алимент тўлади

Фуқаролик ишлари бўйича Шовот туманлараро судининг суд буйруғига асосан қарздор О.С.дан ундирувчи А.Й. фойдасига бир нафар фарзандининг моддий таъминоти учун жами даромадининг тўртдан бир қисми миқдорида алимент ундириш белгиланган.

Суд буйруғи бўйича МИБ Гурлан тумани бўлими томонидан ижро иши юритилган.

Қарздор О.С. анчадан бери алимент тўламасдан келган. МИБ ходимлари томонидан қарздор О.С.га фарзандини моддий қўллаб-қувватлаш ҳар бир отанинг бурчи эканлиги, акс ҳолда жавобгарликка сабаб бўлиши тушунтирилган.

Тушунтиришлардан ўзига тўғри хулоса чиқарган қарздор ота шу куни фарзанди таъминотини ўйлаб, 24 млн 842 минг 376 сўм пулни тўлаб берди.

Дилмурод Турсунбаев, Бюронинг Гурлан тумани бўлими давлат ижрочиси

Урганчда собиқ ходим ишга тикланиб, қарийб 115,2 млн. сўм иш ҳақи ундириб берилди

Фуқаролик ишлари бўйича Урганч туманлараро судининг ижро варақаларига асосан, ундирувчи Н.Ж.ни “Ў.”АЖнинг “У.” УКга қарашли ишлаб чиқариш, техник-бутлаш ва таъминот бошқармаси бошлиғи лавозимига ишга тиклаш ва мажбурий прогул кунлари учун 99.643.731,6 сўм иш ҳақи, етказилган маънавий зарар учун 10.500.000 сўм, даъво аризаси киритишда почта харажати 34.000 сўм ҳамда адвокат хизмати учун тўланган 5.000.000 сўм, жами 115.177.731,6 сўм ундириш белгиланган.

Мазкур ижро ҳужжатлари Бюронинг Урганч шаҳар бўлими иш юритувига келиб тушган ва давлат ижрочиси томонидан ижро ҳаракатларига киришилган.

Олиб борилган мажбурий ижро ҳаракатлари давомида, МИБ шаҳар бўлими томонидан ундирувчи Н.Ж.нинг корхонадаги лавозимига ишга тикланиши таъминланди.

Шунингдек, қарздорнинг банк ҳисоб рақамларига банд солиниб, жами 115.177.731,6 сўм иш ҳақи ва маънавий зарар пул маблағлари қарздорнинг ҳисоб рақамларидан ундирилиб, ундирувчининг банк пластик картасига ўтказиб берилди.

Жамшидбек Атаджанов, Бюронинг Урганч шаҳар бўлими давлат ижрочиси