Яшил макон” умуммиллий лойиҳаси доирасида юртимизда кузги дарахт экиш мавсумида кўкаламзорлаштириш ишлари жадал суратлар билан амалга оширилмоқда. Мазкур жараёнда бюро органлари ходимлари ҳам фаол иштирок этиб, яшил майдонларни кенгайтиришга ўзларининг муносиб ҳиссаларини қўшиб келмоқдалар.

Шундай хайрли тадбирлардан бири Мирзачўл тумани "Боғбон" маҳалласида ташкил қилинди.
Бир неча гектар ташландиқ ҳолатда бўлган ер майдони текисланиб, шудгор қилиниб, минерал ва органик ўғитлар билан озиқлантирилиб, эзгу ният билан ушбу ажратилган ҳудудда бир неча минг мевали ва манзарали дарахт кўчатлари экилди.

Тадбирда Бюронинг Жиззах вилояти бошқармаси бошлиғи Бекзод Менглиев ҳам иштирок этди.

Ходимлар томонидан мазкур дастур доирасидаги ишлар мунтазам амалга ошириб борилади.