MIB Farg'ona | Rasmiy kanal

Ижро самарадорлигини ошириш юзасидан ҳайъат мажлиси бўлиб ўтди

Мажбурий ижро бюроси Фарғона вилояти бошқармаси бошлиғи Отабек Баходирович Салманов раислигида ҳамда бошқарманинг барча таркибий тармоқ раҳбарлари, масъул ходимлари, ҳудудий бўлим бошлиқлари ва давлат ижрочилари иштирокида навбатдаги ҳайъат мажлиси бўлиб ўтди.

Ўтказилган ҳайъат мажлисида 2024 йилнинг ўтган даврида суд ва бошқа органлар ҳужжатларини ижро этиш фаолияти натижалари танқидий муҳокама қилинди.

Тадбир давомида бошқарма бошлиғи Отабек Салманов амалга оширилган ишлар ва йўл қўйилган хато ва камчиликларга бирма-бир тўхталиб ўтди.

Жумладан, 2024 йил 12 ойи давомида жами 6,9 трлн. сўмлик ижро ҳужжатларининг ижроси тамомланиб, шундан 2,8 трлн. сўмлик 537 мингта ижро ҳужжатлари амалда ундирилиши таъминланди. Натижада, амалда ундирув ўтган йилнинг шу даврига нисбатан 430 млрд. сўмга ортган.

Ҳайъат йиғилишида раислик этувчи ижро ҳужжатларини қонунда белгиланган муддатларда ҳал этилиши, қолдиқдаги ҳужжатлар сонини кескин камайтириш устидан қатъий назорат ўрнатиш, бу борада барча ходимларнинг масъулиятини ошириш зарурлигини қайд этди.

Айниқса, мурожаатларни кўриб чиқиш ва ҳал этишда қонунда белгиланган муддатларга, шу билан бирга, фуқаролар билан мулоқотда муомала маданиятига риоя этилиши зарурлиги алоҳида таъкидланди.

Йиғилишда, масъулларнинг тушунтириш ва изоҳлари тингланиб, камчиликларни бартараф этиш бўйича аниқ муддатлар белгиланиб, топшириқлар берилди ва келгусидаги устувор вазифалар белгилаб олинди.

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

‼️Мол-мулкидан айрилаётган тадбиркор бир кун ичида 168 млн сўм солиқ қарздорлигини бартараф этди.

Фарғона вилояти Қувасой шаҳрида фаолият юритувчи “000" МЧЖдан бюджет ва бюджетдан ташқари мақсадли жамғармалардан бўлган 168.0 млн. сўмлик солиқ қарзини ундириш мақсадида қарздорга тегишли бўлган автомобилларга хизмат кўрсатиш шаҳобчасиниг бино иншоатлари Қувасой шаҳар бўлими давлат ижрочилари томонидан хатланган.

Хўш, бунча қарздорлик қаердан вужудга келди? Корхонада ўтказилган текширишда солиқ қонунчилиги бузилганлиги аён бўлди.

Суднинг ҳал қилув қарори билан 168 млн. сўм молиявий жарима қўлланилиб, уни ихтиёрий тўлаш учун муддат берилган эди.

Бироқ жамият ушбу суммани тўлашни пайсалга солди.

Суд сўнгги чора – қарздорликни мол-мулк ҳисобидан ундириш бўйича ижро варақаси чиқарди.

Ҳужжатлар асосида Мажбурий ижро бюроси Қувасой шаҳар бўлими томонидан жамиятга тегишли хизмат кўрсатиш бино иншоатлари хатланди.

Мол аччиғи-жон аччиғи деганларидек “000" МЧЖ 16.01.2025 йил куни барча солиқ қарздорликларини тўлиқ қоплади ва мол-мулкини аукционда сотилишини олдини олди.

“Айрим тадбиркорлик субъектлари" мажбуриятини тўлиқ ҳисқилмаётганлиги давлат Бюро органлари ходимларини сўнгги чорани қўллашга мажбур қилмоқда.

✍🏻Бюронинг Қувасой шаҳар бўлими бошлиғи Отабекжон Норбоев

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

МИБ орқали келинойисидан 124.582.393 сўм ундирди.

Ўзини мулоҳазали санаган ҳар қандай инсон ўзига яхши таниш бўлмаган одамга катта миқдорда қарз бермаслиги турган гап.

Одатда бундай қарзларни қариндошлар ёки дўстлар сўрашади. Шундай вазиятлар бўладики, айнан ишонган инсонлар панд бериб, олган қарзини қайтириш ўрнига қоп-қоп ваъдалар билан қўйнингни пуч ёнғоққа тўлдиришади.

Бежизга “қарзни қўлинг билан бериб, оёғинг билан оласан” деб айтилмаган.

Йиллар давомида тўпланган тажриба бу гапнинг нақадар тўғри эканини исботлаб турибди.

Буни қарангки, қарз ҳақида уни олган одам эмас, балки берган одам кўпроқ эслар экан.

Ўз қайноғасидан “машина оламан” деб қарз олган келинойиси олган қарзини қайтаришни “эсдан чиқарди”.
Шунда берган қарзини қайтариш учун қарз берган қайноға ўзи югуришига тўғри келган ва бу ҳақда судга мурожаат қилган.

Бюронинг Фарғона шаҳар бўлими иш юритувига келиб тушган ФИБ Фарғона туманлараро судининг ижро ҳужжатига асосан қарздор К.Д.дан ундирувчи А.Д фойдасига 124.582.393 сўм қарз ундириш белгиланган бўлиб, олиб борилган ижро ҳаракатлари натижасида 16.01.2025 йил куни қарздор К.Д.дан ундирувчи А.Д.фойдасига 124.582.393 сўм маблағ ундирилиб, ижро ҳужжати амалда тамомланди.

Бюронинг Фарғона шаҳар бўлими давлат ижрочиси Дилфузахон Хасанова

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

ОАВ биз ҳақимизда:

“Адолат ва Ҳуқуқ” журналининг навбатдаги сонида:

1.“Мажбурий ижро бюроси Фарғона вилояти бошқармаси ва унинг ҳудудий бўлимлари томонидан суд ҳужжатлари ва бошқа органлар ҳужжатларига асосан мавжуд солиқ қарздорликларини ундириш борасида бир қатор ишлар олиб борилмоқда.”

2."Қарздор МЧЖдан, ”Ҳалқ банк” фойдасига 3 млрд 649 млн. миллион сўм пул маблағи ундирилди"

3."Мол топгунча, ҳисоб топ!!!”

4.Бағдод туман бўлими бошлиғи Ж.Юлдашевнинг " МИБ Бағдод туман бўлими томонидан ходимларнинг 634.4 млн. сўм иш ҳақлари ундириб берилди!"

5.Олтиариқ туман бўлими бошлиғи Ф.Ғиёсовнинг
" Олтиариқда хорижга чиқишни истаган ота 113,9 млн миллион сўм алимент тўлади "

6.Қува туман бўлими бошлиғи Ж.Дехкановнинг “ Қувада тиббиёт ходими 62 млн сўм маошини МИБ ёрдамида олди "

7.Марғилон шаҳар бўлими давлат ижрочиси А.Исроиловнинг "Марғилонда алимент учун олдиндан 8 000 АҚШ доллари тўланди"

8.Фарғона шаҳар бўлими давлат ижрочиси С.Абдуллаевнинг "Тўлангмаган кредит учун мол-мулк тижорат банки балансига ўтказилди"

9.Фарғона шаҳар бўлими давлат ижрочиси Ш.Тошқўзиевнинг "Фарғонада кореяга ишга юборишни ваъда қилиб, фирибгарлик қилган шахс олган пулларини қайтарди"

10.Риштон туман бўлими давлат ижрочиси О.Ахмаджоновнинг "Риштон туманида ноқонуний равишда ишдан бўшатилган уч нафар ишчилар ишга тикланди"номли мақоласи чоп этилди.

1-2-сон. 16.01.2025йил

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

ОАВ биз ҳақимизда:

Ўзбекистон Республикаси Бош прокуратураси муассислигидаги "HUQUQ" юридик газетасининг навбатдаги сонида Бюронинг Бағдод тумани бўлим бошлиғи Ж.Юлдашев томонидан "Иш ҳақи ундирилди" номли мақоласи чоп этилди.


3-сон. 16.01.2025йил

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

Вилоятимизда Ўзбекистон Республикаси Қуролли Кучлари ташкил этилганининг 33 йиллиги ва 14 январь – Ватан ҳимоячилари куни катта кўтаринкилик билан нишонланмоқда.

Байрам муносабати билан “Ватанпарварлар боғи”даги “Мотамсаро она” ҳайкали пойига тантанали гул қўйиш маросими бўлиб ўтди.

Тадбирда Фарғона вилояти ҳокими Хайрулло Бозоров, вилоят прокурори Бахтиёр Исмоилов, Мажбурий ижро бюроси вилоят бошқармаси бошлиғи Отабек Салманов ва кенг жамоатчилик вакиллари иштирок этдилар.

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram