MIB Farg'ona | Rasmiy kanal

МИБ Фарғонада қарзини тўламаган МЧЖдан «SHACMAN» русумли юк машинаси хатлади

МИБ Фарғона шаҳар бўлими томонидан қарзини тўламаган МЧЖдан «SHACMAN» русумли юк машинаси хатлади.

Эндиликда қарздор МЧЖ 503 млн сўм қарздорликни тўламаган тақдирида, юқоридаги мол-мулк “Электрон онлайн аукционларни ташкил этиш маркази” орқали сотувга чиқарилади.

✍🏻Бюронинг Фарғона шаҳар бўлими давлат ижрочиси Тимур Мирзаев

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

Фарғонада ота фарзандларига алимент эвазига уй берди

Бугунги кунда алимент қарзини тўламасликнинг ҳуқуқий оқибатларини тушунмасдан қочиб юрган оталардан фарқли ўлароқ, фарзандининг тақдирига ва таъминотига бефарқ бўлмаган оталар ҳам кўплаб топилади.

Фуқаролик ишлари бўйича Фарғона туманлараро судининг 19.06.2022 йилдаги ижро варақасига асосан, қарздор Ф.Алиевдан ундирувчи Н.Алиева фойдасига турмушларидан икки нафар фарзандининг моддий таъминоти учун иш ҳақи ва бошқа даромадларининг 1/3 қисми миқдорида алимент ундириш белгиланган.

Ушбу ижро ҳужжати Бюронинг Фарғона шаҳар бўлимига келиб тушган ва шу куннинг ўзида ижро иши қўзғатилган.

Ижро ҳаракатлари натижасида масъулиятни ҳис қилган фуқаро Ф.Алиев ўзининг фарзандининг алимент таъминоти ўрнига Фарғона шаҳар ҳудудидаги кўп қаватли уйларнинг биридан хонадан берди.

Келгусида Н.Алиева фарзандлари билан алоҳида иссиққина хонадонда яшайдиган бўлди.

Бюронинг Фарғона шаҳар бўлими давлат ижрочиси Исмоилхўжа Билолов

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

ОАВ биз ҳақимизда:

“Адолат ва Ҳуқуқ” журналининг навбатдаги сонида:

1. Бюронинг Фарғона вилояти бошқармаси бошлиғи О.Б.Салмановнинг
“Мажбурий ижро бюроси Фарғона вилояти бошқармаси йиллик ҳисоботи бўлиб ўтди”

2. Бюронинг Сўх туман бўлими бошлиғи М.Нурматовнинг

"Вилоятнинг олис Сўх туманида сайёр қабул ўтказилди"

3.Бошқарма инспектори Х.Бозоровнинг

"Мажбурий ижро бюроси Фарғона вилояти бошқармаси томонидан 6 527 нафар шахсларнинг ҳуқуқлари тикланиб, 54 млрд.сўм маблағлар ундириб берилди.”

4.Қўштепа туман бўлими бошлиғи С.Абдуқодировнинг

“70 ёшли она бир дона ўғлини алиментга беришга мажбур бўлди...”

5.Қўштепа туман бўлими давлат ижрочиси Б.Холматовнинг

" Ховли” даги улуш эвазига 196.466.900.сўм ундирилди

6.Фарғона шаҳар бўлими давлат ижрочиси С.Ибрагимовнинг

“ЙТҲ натижасида етказилган зарар ундирилди”

7.Марғилон шаҳар бўлими давлат ижрочиси О.Абдуллаевнинг

"Тиббиёт ходимларининг иш ҳақлари ундириб берилди"

8.Ўзбекистон туман бўлими бошлиғи А.Саттаровнинг

“Ўзбекистон туманида суд-ҳуқуқ масалалари бўйича ташкил этилган сайёр қабул самарали ўтди”

3-4-сон. 15.02.2025йил

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

Қувасойда кафель ишлаб чиқариш ускуналари хатлангач, 380 млн солиқ қарздорлиги тўлиқ тўланди.

Бюронинг Қувасой шаҳар бўлимига Фуқаролик ишлари бўйича Фарғона туманлараро судининг қарорига кўра шаҳар ДСИ фойдасига 380 млн.солиқ қарзи ундириш тўғрисидаги ижро варақаси келиб тушган.

Мазкур ижро ҳужжатлари бўйича давлат ижрочиси томонидан ижро иши қўзғатилиб, қарздорга тегишли барча кўчмас мулклари ҳамда автотранспортларига тақиқ ўрнатилган ҳамда ҳисоб рақамларига банд солинган.

Шундан сўнг, ижро ҳужжати юзасидан бўлим давлат ижрочиси томонидан олиб борилган мажбурий ижро ҳаракатлари давомида МЧЖга тегишли ишлаб чиқариш ускуналари қарздорлик эвазига хатланган.

Натижада қарздор томонидан 14.02.2025 йил куни 308 млн сўм солиқ қарзи тўлиқ қопланиб, ижро иши амалда тамомланди.

✍🏻Бюронинг Қувасой шаҳар бўлими давлат ижрочиси Хасанбой Юдашев

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagra

Алимент бу - мажбурият, мажбуриятни бажармаслик эса жавобгарликка сабаб бўлади.

Ёки, ўз фарзанди ҳақини тўламаганлар 15 суткага қамоқ жазосидан қўрқибгина алимент мажбуриятини бажарди.

Учкўприк туманида беш нафар қарздорлар қонунчиликка мувофиқ жавоб бериш вақти келгандагина, алимент қарзини тўлади, унгача эса турли баҳоналар билан мажбуриятини бажаришдан қочиб юрган эдилар.

Албатта, орамизда ота (оналик) масъулиятини ҳис этиб, фарзандларини ўз вақтида моддий таъминлаб келаётган виждонли инсонлар жуда кўп.

Аммо, гуруч кўрмаксиз бўлмайди деганларидек, ўз фарзанд(лар)ининг моддий таъминот масаласини ўйламаган ва қонунда белгиланган мажбуриятини ихтиёрий бажармаган шахслар ҳам йўқ эмас.

Бу каби шахслар учун эса Қонун ва Қонунда белгиланган жавобгарликлар мавжуд. Уларга нисбатан суд томонидан фуқаролик тартибида иш кўрилиб, алимент ундириш тўғрисида қарорлар чиқарилади ва мажбурий ижрога қаратилади.

Табиийки, масъулиятсиз қарздорлар суд қарори чиққандан кейин ҳам алиментдан қочиб юриш ҳаракатида бўлади.

Алимент мажбуриятини узоқ вақтдан буён бажармаётган Учкўприклик 5 нафар қарздорларга нисбатан иш ҳужжатлари тайёрланиб, жиноят ишлари бўйича судларга тақдим этилди.

Улар қилмишларининг ҳуқуқий оқибатлари нақадар жиддий эканлигини суд залига олиб келингандан кейин ҳис этишди.

Суд жараёнидаёқ яқин қариндошлари орқали пул маблағларини тезда топиб, ундирувчиларга алимент қарзларини тўлаб бердилар ва маъмурий жавобгарликдан қутилиб қолдилар.

Бюро органларида алимент ундирувлари ҳар доим долазрб бўлиб, бу борада тизимли ишлар амалга ошириб келинмоқда.

✍🏻Бюронинг Учкўприк туман бўлими бошлиғи Улуғбек Мамасолиев

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagra

Яна бир фирибгар қилмишига яраша жазосини олди.

Сўнги вақтларда инсонларни ишончига кириб, уларнинг омонатига хиёнат қилаётган кимсалар кўпайиб бораётгандек гўё, бу ҳолатларда одамлар кўпроқ замонни айблашади, аслидачи?

Аслида бу каби иллатлар аввал ҳам бўлган, фақатгина бугунги техника замонида фирибгарликни турлари кўпайиб, маълумот алмашиниши тез суръатларда ўсиб бораётгани сабабли бу каби ахборотларни кўп истеъмол қилмоқдамиз.

Шундай бўлсада, содда ва самимий инсонлар фирибгарликни ўзига касб қилган кимсаларга ишониб, алданишда давом этмоқдалар.

Зеро, доно халқимизнинг "Ўзингга эҳтиёт бўл - қўшнингни ўғри тутма!" деган пурмаъно сўзлари бекорга айтилмаган.

Қўқон шаҳрида яшовчи Акбаржон (исм ўзгартирилган) ҳам фирибгарликни ўзига касб қилган шахслардан.

У ўз манфаати йўлида ўзига таниш бўлмаган Илхомжон (исм ўзгартирилган) билан келишувга эришади, Илҳомжон ҳам Акбаржонни сипо кийимлари ва ўзини тутишларидан зиёли инсон деб қабул қилган кўринади жами 10 минг АҚШ долларига келишилган 1минг 500 тонна миқдоридаги кўмирларни пулини уч кунлик муддатда бериш ваъдасига ишониб, Акбаржонга етказиб беради.

Акбаржон эса сотилган маҳсулотларни пулини бермай, ўз эҳтиёжлари учун сарфлаб юборади. Кунлар ўтиб, Илҳомжон ички ишлар органларига ариза билан мурожаат қилишга мажбур бўлади.

Иш жиноят ишлари бўйича Қўқон шаҳар судида кўриб чиқилиб, Акбаржон жиноят кодексининг тегишли моддалари билан айбор деб топилади ва унга нисбатан 119 млн. сўм жиноий жарима қўллаш ҳақида ҳукм чиқарилади.

Ушбу ҳукм асосида берилган ижро варақаси Бюронинг Қўқон шаҳар бўлими иш юритувига келиб тушган ва мажбурий ижро ҳаракатларига киришилган.

Давлат ижрочилари томонидан берилган огоҳлантиришлар ва ижро ҳаракатлари самарасиз бўлиб, Акбаржон жарима суммаси тўлашдан бўйин товлайди.

Шундан сўнг, давлат ижрочилари томонидан судга тақдимнома киритилиб, ЖИБ Қўқон шаҳар судининг қарори билан Акбаржоннинг жарима тариқасидаги жазоси 2 йил, 9 ой, 11 кунлик ахлоқ тузатиш ишлари жазоси ўзгартирилади.

✍🏻Қўқон шаҳар бўлими давлат ижрочиси Насиров Расулхон

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagra

“Aspekt 24” ижтимоий тармоқ орқали “Нега МИБ Олтиариқ тумани бўлими ходимлари оила аъзоларини солиқ тўлашга мажбурлашябди?” сарлавҳаси билан хабарлар тарқалди.

Мазкур хабар юзасидан Бюронинг Фарғона вилояти бошқармаси томонидан ўрганишлар олиб борилди.

Аниқланишича, Бувайда туман давлат солиқ инспекциясининг даъвосига асосан Фуқаролик ишлари бўйича Қўқон туманлараро судининг 17.10.2024 йилги суд буйруғига асосан қарздор Жўраев Абдулладан ундирувчи Бувайда туман ДСИ фойдасига 1.279.441 сўм солиқ қарзи, 18.750 сўм почта ҳаражати ва давлат фойдасига 375.000 сўм давлат божи ундириш ҳақидаги ижро ҳужжати Бюронинг Олтиариқ тумани бўлимига 21.01.2025 йилда келиб тушган ва мажбурий ижрога қаратилган.

Қарздор А.Жўраевга Мажбурий ижро бюроси томонидан суд қарори ва қарздорлик юзасидан огоҳлантитириш берилган.

Олиб борилган мажбурий ижро ҳаракатлари давомида қарздорнинг бюджетдан ташқари пенсия жамғармаси Олтиариқ туман бўлимидан пенсия олишлиги аниқланиб, 21.01.2025 йилда дастур томонидан (автоматик) ундирувни Ўзбекистон Республикасининг “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 64-моддасига асосан пенсиясига қаратилган.

06.02.2025 йилда Бюджетдан ташқари пенсия жамғармаси Олтиариқ туман бўлими томонидан қарздор А.Жўраевнинг юқоридаги қарздорликлари учун жами 321.366 сўм ушланиб, қарздорликлари бўйича пул маблағлари ўтказилган.

Фуқаролик ишлари бўйича Қўқон туманлараро судининг 17.10.2024 йилги суд буйруғидан норози бўлган тақдирда тегишли тартибда ишни кўриб чиққан Фуқаролик ишлари бўйича Қўқон туманлараро судига мурожаат қилишлиги тушунтирилган.

Суд қарорига асосан ижро ҳужжати бекор бўлган тақдирда қарздорга нисбатан қўлланилган барча мажбурий ижро чоралари бекор қилинишлиги юзасидан ҳуқуқий тушунтиришлар берилган.

Келгусида суднинг қарори бекор бўлган тақдирда қарздорга нисбатан юритилган ижро иши тугатилиши маълум қилинади.

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

Фарғонада тадбиркор 201.626.296 сўм солиқ қарздорлигини бартараф этди

Солиқларни вақтида тўлаш – ҳар бир тадбиркорнинг муҳим бурчидир. Бу на фақат ўзининг фаолиятини муваффақиятли олиб бориш, балки мамлакатимиз иқтисодиётини ривожлантириш учун ҳам керак. Кўпинча, солиқ имтиёзларидан тўғри ва қонуний фойдаланиш тадбиркорнинг ишини кенгайтиришга ёрдам беради. Аммо, масъулиятсизлик эса кутилганидан катта тўсиқларга олиб келиши мумкин.

Масалан, "U.A.T.I" МЧЖ ўзининг солиқ мажбуриятларини унутган эди, шу сабабли. Фарғона шаҳар Давлат солиқ инспекцияси қарорига асосан, мазкур МЧЖдан солиқ қарздорлигини ундириш юзасидан ижро ҳужжати Бюронинг Фарғона шаҳар бўлими иш юритувига келиб тушди.

Ижро ҳаракатлари бошланганида, МЧЖнинг ҳисоб рақамларига вақтинча банд солиш чоралари кўрилди. Ушбу қарздорликни ихтиёрий равишда бартараф этмаганлиги сабабли, 201.626.296 сўм маблағлари мажбурий тартибда Фарғона шаҳар Давлат солиқ инспекцияси фойдасига ундирилди.

Шундай қилиб, тадбиркорларнинг масъулиятсизлиги нафақат ўзларининг тадбиркорлик фаолиятига, балки давлатнинг иқтисодий барқарорлигига ҳам салбий таъсир кўрсатиши мумкин.

Шу боисдан, ҳар бир тадбиркор ўз мажбуриятларини вақтини ўтказмай бажариши керак!.

✍🏻Бюронинг Фарғона шаҳар бўлими давлат ижрочиси Тимур Мирзаев

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

Ўзбекистон туманида суд-ҳуқуқ масалалари бўйича ташкил этилган сайёр қабул самарали ўтди

Бугун Ўзбекистон туманида вилоятдаги ҳуқуқни муҳофаза қилиш идоралари раҳбарлари томонидан сайёр қабул ўтказилди. Оммавий сайёр қабулда суд ва бошқа органлар ҳужжатлар ижроси билан боғлиқ муаммолар, мурожаатлар Мажбурий ижро бюроси вилоят бошқармаси бошлиғи О.Б.Салманов томонидан қабул қилинди.

Қабул давомида жами 10 нафар фуқаро алимент, қарз ундириш, ноқонуний қурилмаларни бузиш боғлиқ ҳужжатлар ижроси доирасидаги масалалар юзасидан мурожаат этди. Мурожаатларнинг 3 таси жойида ҳал этилган бўлса, 5 таси юзасидан фуқароларга ҳуқуқий тушунча берилди, қолган мурожаатлар муддат талаб этгани боис, алоҳида назоратга олинди.

✍🏻Бюронинг Ўзбекистон туман бўлими бошлиғи А.А.Саттаров

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

МИБ: Муаммоли кредитларни ундириш юзасидан жаддал ишлар олиб борилмоқда

Бюронинг Фарғона вилояти бошқармасида муаммоли кредитларни ундириш бўйича олиб борилган мажбурий ижро ҳаракатлари давомида бўлим иш юритувида бўлган қарздор "Н.П" МЧЖдан “Бизнес ривожлантириш банки” АТБ Марғилон шаҳар филиали фойдасига 723 млн сўм кредит қарздорлиги ва 17 млн сўм ижро йиғими ундирилиб, тегишли ҳисоб рақамларга чиқарилиши таъминланди.

✍️Бошқарма инспектори Шухратжон Артикматов

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram