Metodist maktabi

#мулоҳаза

Битта мен ўзгарганим билан бирон нарса бўлиб қолади(ми)?

Қадимда бир подшоҳ катта ҳовуз қурдирибди.
Халқни жамлаб, эълон берибди:
- Мен бу ҳовузни сут билан тўлдирилишини хоҳлайман. Ҳамма кечаси бир косадан сут олиб келиб ҳовузга қуйсин. Эрталаб келиб ҳовуз бўйида йиғилишамиз. Дунёга донғи кетган ҳовуз бўлсин!

Ҳамма уй-уйига тарқалибди. Воқеамиз қаҳрамони ҳам.
Шундай қилиб уйга қайтиб,
Бу инсон ярим тунда бир коса сутни кўтариб уйдан чиқибдилар. 1-2 қадам юрган эканлар, ҳаёлларига шундай фикр келибди:
- Ҳозир ярим тун. Ҳеч ким кўрмаяпти. Кейин ҳамма сут қуйганда, мен бир коса сув қуйсам, ҳеч нарса бўлмайди, билинмай кетади. 1 коса сут ёнимга қолади.

Уйга қайтиб, сутни қўйиб, сувни олиб, ҳовузга бориб, қуйиб келибди.

Эрталаб Подшоҳ, амалдорлар ва бутун халқ сут билан тўлдирилган инновацион ҳовузни томоша қилгани етиб келишибди. Минг ҳаяжон билан келиб қарашса, ҳовуз тўла сув экан...

Ҳамма бизнинг қаҳрамонимиз каби мен сув қуйсам қолганларники билан билинмай кетади. Сут қуйганим билан бирор нарса ўзгариб қолармиди?-, деб ўйлаб, сув қуйиб кетишган экан.

Ўша қаҳрамон биласизми ким?

Сиз ва мен!

Сизу бизнинг ўзгаришимиз бутун жамиятни ўзгартиради.
Чунки бир косагина сут қуйилган тақдирда ҳам бир оқ нарса сузиб юрарди ўша ҳовузда.

Инсон юкини халққа, давлатга ташлайвермасдан, масъулиятни зиммасига олиб, бутун инсониятга фойда келтиришни мақсад қилиб яшай бошлаши керак! https://t.me/metodistmaktabi

Yoshlar ishlari agentligi tomonidan yoshlarning huquqiy va siyosiy bilimlarini oshirish, saylov qonunchiligi haqida yoshlarga keng tushuncha berish hamda ularning saylovdagi faolligini oshirishga qaratilgan videodarslar ishlab chiqildi.

Agentlik tomonidan taqdim etilayotgan videodarslarda saylov bilan bog'liq barcha ma'lumotlar sodda tilda tushuntirib berilgan. Quyidagi havolalar orqali videodarslarni tomosha qilishingiz mumkin. Kiring, ko'ring, huquqiy bilimlaringizni yana-da oshiring!

1. Saylov nima?
2. Saylov prinsiplari
3. Aktiv saylov va passiv saylov
4. Saylovchilarning huquqlari
5. Saylovchilarning majburiyatlari
6. Saylov kuni
7. Saylovlarda ovoz berish tartibi
8. Saylovlarda siyosiy partiyalarning ishtiroki
9. Saylov okruglari va uchastkalari
10. Saylovchilar ro'yxati qanday shakllantiriladi?
11. Saylovchilar ro'yxatidan familiya va ismini topolmaganda qanday chora ko'rishi kerak?
12. Saylov byulleteni va uni to'ldirish tartibi
13. Saylovchining turgan joyida ovoz berish tartibi
14. Saylovchining chet davlatda turgan joyida ovoz berish tartibi
15. Muddatidan oldin ovoz berish
16. Saylov ovozlarini hisoblab chiqish
17. Saylov natijalarini e'lon qilish
18. Takroriy ovoz berish va takroriy saylov qanday hollarda o'tkaziladi?
19. Saylov komissiyalari
20. Saylovni moliyalashtirish

Telegram sahifamiz👉@yoshlaragentligi

Matematikaning mohiyati va uni sevish haqida (2-qism)

... Qaysi sohada ishlaganlaridan qatʼiy nazar, matematik qonun-qoidalar va usullarni mukammal bilib olgan mutaxassislarning ajoyib ishlar qilish imkoniyati boshqalarnikiga nisbatan koʼproq boʼlar ekan. Binobarin, boshqa sohalardagi kishilar ham matematika men uchun begona, deb hisoblamasliklari kerak.
O. Fayzullaev

Geometrik bilimlar hamma aniq fanlarning asosini tashkil etadi.
D. I. Mendeleev

Matematika rivojlanadi, bundan amaliy mexanika ham rivojlanadi.
N. G. Chernishevskiy

Fizikaning printsipial masalalarini oʼrganish nozik matematik usullardan foydalanishni taqozo etadi.
A. Eynshteyn

Geografiya, matematika va shu kabilardan boshlangʼich maʼlumot ololmagan kishi tabiatshunos boʼla olmaydi.
D. I. Mendeleev

Matematik metodlar nafaqat fizika va mexanikada qoʼllaniladigan, balki barcha fanlar uchun ham umumiy boʼlgan metodlar boʼlib qolmoqdalar.
S. L. Sobolev

Tabiiy jismlar va ularning xossalariga doir barcha maʼlumotlar... son, ogʼirlik, hajm, oʼlchamlarga doir aniq maʼlumotlarni saqlashi kerak... Praktika fizika va matematikaning chambarchas birikishidan tugʼiladi.
F. B. Bekon

Matematikani shuning uchun ham oʼrganish kerakki, u aqlni peshlaydi.
M. V. Lomonosov

Kim bolalik yoshidan matematika bilan shugʼullansa, u diqqatini rivojlantiradi, oʼz miyasini, oʼz erkini mashq qildiradi, maqsadga erishish uchun oʼzida chidamlilik va tirishqoqlikni tarbiyalaydi.
A. I. Markushevich

Matematikaning turli murakkab hodisalarni sodda va garmonik jihatdan ajoyib boʼlgan Maksvell tenglamalariga keltirishni tushunish, insonga xos boʼlgan kuchli kechinmalarning biridir.
Ye. L. Feynberg

Matematika shakl va miqdorlarni taqqoslash, oʼyin va donolikni oʼrganish uchun material boʼlib xizmat qiladi.
I. G. Pestolotstsi

Matematikani chuqurroq oʼrganishga hech qachon ehtiyoj sezmagan koʼpgina kishilar uni arifmetika bilan aralashtirib yuboradilar va quruq fan deydilar. Haqiqatda esa bu fantaziyani koʼproq talab qiladigan fandir va asrimizning ilgʼor matematiklaridan biri: kalban shoir boʼlmagan kishi hech qachon haqiqiy matematik boʼla olmaydi, deb toʼgʼri aytgan.
S. V. Kovalevskaya

Matematikada formulani emas, fikrlash jarayonini eslash talab qilinadi.
V. P. Yermakov

Toʼgʼridan isbotlash ham mavjud boʼlsagina teskarisidan isbotlashdan foydalanish eʼtiborli boʼladi.
K.F.Gauss

Koʼpincha teskarisidan isbotlash koʼproq oʼrinli boʼlib, muhokamani qisqartiradi.
Ibn Sino

Har qanday isbot tajribadan boshqa poydevorga ega emas.
M. D. Monten

Isbotlash sanʼatini barcha vositalar bilan oʼrgatmoq lozim va bunda idroklash sanʼatini ham yoddan chiqarmaslik kerak.
D. Poya

Agar isbotlashga haddan ortiq vaqt sarflansa, oʼquvchilar diqqati sochilib ketadi va ular oʼqituvchi bilan aloqalarini butkul yoʼqotadilar.
A. Fushe

Sezgi idroki yoki barmoq bilan isbotlash kerak emas-da.
A. Aristotel

Fantaziya faqat shoirgagina kerak, ular bexuda oʼylaydilar. Bu ahmoqona hurofot. Fantaziya hatto matematikka ham kerak, fantaziyasiz hatto differentsial va integral hisobni kashf etib boʼlmasdi.
F. Engels https://t.me/metodistmaktabi

Matematikaning mohiyati va uni sevish haqida😊 (1-qism)

Matematika dialektik materializmning qonun-qoidalari, prinsiplari va kategoriyalri hukm surayotgan fan sohasi bo‘lib, ilmiy falsafani rivojlantirishga xizmat qilmoqda.
O. Fayzullayev

Kim matematikani bilmasa haqiqatni bilmaydi, kim uni tushunmasa zulmatda yashaydi.
R. Dekart

Matematikaning asosiy vazifasi bizni o‘rab turgan tartibsizliklarda yashiringan tartibni topishdan iboratdir.
N. Viner

Matematikada haqiqiy qarama-qarshilik yo‘q.
K. F. Gauss

Matematikada insoniy zavq-shavqni qo‘zg‘atuvchi nimadir bor.
F. Xausdorf

Har bir matematik kashfiyot, olimning xayol surish natijasida osmondan olgan narsasi bo‘lmay, balki ob’ektiv dunyoning inson ongidagi in’ikosi hosilidir. Shu boisdan ham matematika va dunyoqarash bir-biri bilan chambarchas bog‘langan.
O. Fayzullayev

Tasavvur qilish va isbotlash nuqtai nazaridan matematika falsafaning bo‘limlari ichida eng yengilidir. Arifmetika ham xuddi shunday. Geometriya ham xuddi shunday, sog‘lom tafakkurga, chuqur aqlga va o‘tkir sezgiga ega bo‘lganlar uchun aniq va ravshan. Falsafaning bu bo‘limi tafakkurimizni chiniqtiradi, tasavvurimizni oydinlashtiradi, xulosani ochiq-oydin aytishga o‘rgatadi, chunki uning dastlabki holatlari hammaga ma’lum, isbotlari oson, unda tasavvur aqlga yordam beradi, ziddiyatlar kam.
U. Xayyom

Matematikani bilmay turib na zamonaviy texnika asoslarini, na olimlar tabiiy va ijtimoiy hodisalarni qanday qilib o‘rganayotganlarini anglab bo‘lmaydi.
A. N. Kolmogorov

Agar kishilarning har qanday tadqiqoti matematik isbotlash asosida o‘tmasa, bu tadqiqotni hech qachon haqiqat deb bo‘maydi.
L. da Vinchi

Men matematika va tabiatshunoslik ilmini sevaman.
N. G. Chernishevskiy

Men matematikani chuqur hurmat qilaman, chunki matematika bilan ozgina bo‘lsa ham tanish bo‘lgan kishi uning, ya’ni matematikaning, butun borliqni bilish uchun asosiy vosita ekanini tushunadi.
Bxaskara

Matematik bo‘lib yetishish uchun qonunlar muvofiqligining ko‘rkamligi va mantiqan qat’iyligining shaydosi bo‘lish kerak... Agar siz matematikaning maftuni bo‘lmasangiz matematikada hech qanday yangilik yarata olmaysiz.
U. U. Soyer

Ha, matematika — bu mening eng birinchi muhabbatim, menga eng vafoli yor.
J. L. Dalamber https://t.me/metodistmaktabi

Синф журналлари ва иш режалар бўйича саволлар тушган эди.
Мана, жавоби:

Синф журналларига мавзулар 14 сентябрдан бошлаб қайд этилади. 2 сентябрдан 14 сентябргача бўлган муддатда ўтилиши лозим бўлган мавзулар ўқув йилининг биринчи ярим йиллиги давомида тиғизлаштирилиш (ихчамлаштирилиш) ҳисобига бажарилади (мавзуларни қўшиб ўтган ҳолда).

Вақтинчалик дарс машғулотлари ўтилмаслиги тавсия этилган фанлар (тасвирий санъат, чизмачилик, технология, тарбия, мусиқа, жисмоний тарбия, ЧҚБТ) бўйича мавзулар синф журналига қайд этилмайди ва баҳоланмайди! Мазкур фанлар электрон журналда ҳам ҚАЙД ЭТИЛМАЙДИ!!!
Ушбу фанлар ўтишга рухсат берилган вақтдан бошлаб журналларга (электрон журналларга ҳам!!) ихчамлаштирилган ҳолда қайд этилади. Қачондан бошлаб қайд этилиши ҳақида қўшимча маълумот берамиз!

Синф журналларида ҳар доимгидек чораклик баҳолар чиқарилади.

Иш режалардаги мавзуларни ўтиш вақти 2 сентябрдан бошлаб қайд этилади. Лекин, машғулотлар 14 сентябрдан бошланганлиги муносабати билан, юқорида айтилганидек, айрим мавзулар бир-бирига қўшиб ихчамлаштириб ўтилади ва бу ҳақдаги маълумотлар иш режанинг “Изоҳ” (“Эслатма”) устунига қайд этилади.
https://t.me/metodistmaktabi

ЭЗАВЕРМАНГ ЎҚИТУВЧИНИ

Яраланди бугун буюк қалб,
Унга таъна тошлари тегди,
,,Ишламасдан олдин-ку маош'',
Устоз маъюс бошини эгди.

Нечун бунча ноҳақсан дунё,
Бешафқатсан бунчалар ҳаёт,
Бир кун ҳақсан,бир куни рўё,
Токай сендан куяр одамзод.

Синовларинг бунчалар дилҳун,
Бу савдони ким,солибди ким,
Нега бунинг жабрини бугун,
Тўлаяпти оддий муаллим.

Ноҳақликка кўнмайди устоз,
Ғовғо солманг унинг бошига,
Дунё чўкиб кетар билсангиз,
Ўқувчим деб тўкган ёшига.

Бу ноҳақлик,бу чин шаккоклик,
,,Ишламасдан оляпсан маош'',
Бу нодонлик,бу бир бедодлик,
Бунга устоз қалби бермас дош.

Бу синовдир дунё аҳлига,
Имтиҳони Яратгувчини,
Йиғилишда ҳадеб такрорлаб,
Эзаверманг ўқитувчини.

🖋Хуршид Kарим
@Xurshid_Karim

"Oʻqituvchilar uchun" kanaliga ulaning!👇
✅ https://t.me/joinchat/AAAAAEIJCsXstHHOG_sL1A