Сперматорея
2-қисм (2 қисмли)

Белгилари:
Сперматорея белгилари қуйидагича:
• Уруғ доимо ёки вақти вақти билан оқиб туриши
• Уруғ секин оқади ва кичик порциялар билан оқади
• Шахват қўзғалиши содир бўлмайди
• Эрекция ва оргазмсиз содир бўлади

Сперматорея йўтал, ич келиши, акса уриш ва жисмоний юклама вақтида оралиқ мушаклари кучанганда кучаяди. Бунда оқиб чиқадиган сперма миқдори хам ортади. Яна арзимаган шахват қўзғалишида хам сперма ажралиб чиқиши мумкин. Шу сабабли хам хохиш идроксиз уруғ оқишида эркаклар жинсий хаётдан хам воз кечишади. Доим ич кийим намланиб қолиши, ноқулай холатга тушиб қолишдан қўрқиш эркак хаётига сезиларли таъсир қилади.

Баъзан сперматореяни либидоз уретрорея билан алмаштириб тушунишади. Либидоз уретрореяда шахват қўзғалганда олат қўзғалмай туриб бироз миқдорда уруғ суюқлиги чиқади. Бу белги хам сперматореяда кузатилади, лекин ягона белги эмас. Уруғ суюқлигини тута олмаслик шахват қўзғалишига алоқадор бўлмаган холларда хам кузатилади. Либидоз уретрорея нормал холат хисобланади ва даво шарт эмас. Лекин тасдиқланган сперматорея холатида албатта даволаниш шарт.

Диагнстика:
Сперматореяни аниқлаш учун:
• Умумий сийдик тахлили
• Махсус синамалар
• Сийдик, простата соки, сийдик йўли ажралмаси бактериологик экиш
• Жинсий инфекцияларга текшириш
• Кичик тос аъзолари УЗИ текшириш қилинади

Даволаш:
Етарли текшириш ва аниқ диагностикадан кейин даво схемаси танланади. Давонинг асосий мақсади – бу сийдик йўли девори эластиклигини ошириши, мушакларни (қисувчи мушакларни хам) кучайтириш, сперматорея бевосита сабабини йўқотиш. Бунинг учун қуйидаги дори воситалар тавсия қилинади:
1. Простата фаолиятини стимуляция қилувчи ва уруғ чиқарувчи йўлларни ишини назорат қилувчи воситалар
2. Антибиотиклар, замбуруғларга қарши воситалар – агар сийдик таносил инфекцияси бўлса
3. Қабзиятда ични юмшатувчи воситалар
4. Яллиғланишга қарши воситалар (эхтиёж бўлса)
5. Нейроген бузилишлари йўқотувчи воситалар
6. Физиотерапевтик муолажалар

Даво курси вақтида нормал овқатланиш рационига амал қилиш, иш вақти ва дам олиш соатларини меёрлаштириш, тоза хавода сайр қилиш лозим.

Уруғ йўллари мушаклари фаолияти бузилганда, сийдик йўли ва уруғ чиқарувчи йўллар нуқсонларида Хирургик даво амалга оширилади. Бунда асосан йўллар пластика қилинади. Нархи тузуккина бўлади, аммо сперматореядан буткул холис бўлинади.

Сперматорея давоси фақат мутахассис назорати остида олиб борилиши керак. Тажрибали Андролог мутахассис касаллик сабаларини аниқлай олади ва шунга яраша даво схемаси тавсия қилади. Ўз ўзини даволашга харакат қилиш мумкин эмас. Халқ табобати ва бошқа усулларни қўллаш холатни янада чуқурлаштириши ва асоратларга олиб келиши мумкин

#сперматорея

Абдулхаев Файзулло
Уролог, Андролог, Сексопатолог
Тиббиёт Фанлари Докторлигига Номзод
Tulane University, Нью Орлеан, АҚШ
National University Malaysia, Куала Лумпур, Малайзия

Лайк босиб реакция билдириб қўйишни унутманг

Каналларимиз сиз учун. Фойдали маълумотларга эга бўлинг

Каналимизга уланиш 👇👇👇

Мақола ва янгиликлар
Савол жавоб Гурухимиз
Савол жавоблар
'http://t.me/bizning_uroa href='https://t.me/mening_urologim2' rel='nofollow'log' rel='nofollow'>Уйбоп даво ва муолажалар
Қизиқарли тиббий фактлар

Др. Файзулло Абдулхаев
Уролог, Андролог, Сексопатолог

🇵🇸 INSTAGRAM FACEBOOK 🇵🇸
ТВИТТЕР ||