Мен динимди үйрөнөм

✨
والنفسُ كالطفلِ إن تهملهُ شَبَّ على ..... حُبِّ الرَّضاعِ وإنْ تَفْطِمْهُ يَنْفَطِم
(البويصري)

✨
Напси балага окшош, аны карабай койсоң, эмчекти сагынат. Эгер эмчектен чыгарсаң, чыгып кетет. 
(Аль-Бувайсри)

Эл көп чогулган жерлерде, мисалы, ажылыкта, умрада оор кырдаалдан чыгууга жардам бере турган жөнөкөй эрежелер.

Тебелендиде калуудан кантип сактануу керек:
⠀
1️⃣ Бутуңузда бекем туруңуз. Эгер жыгылып калсаңыз, тезирээк турганга аракет кылыңыз, антпесе тебелендиде калышыңыз мүмкүн. 
⠀
2️⃣ Элдин агымына каршы жүрбөңүз. Бул аракет кулап калуу коркунучун жогорулатат.  Элдин агымы менен, акырын жылып, четке чыга бериңиз.
⠀
3️⃣ Көкүрөгүңүздү коргоңуз.  Эгерде эл жакындап калса, дем алууңузду коргоо үчүн колуңузду көкүрөгүңүзгө бүктөңүз.  Бул дем алууга жардам берет жана кабыргаңызды жаракаттан коргойт.
⠀
4️⃣ Кооптуу нерселерди алып салыңыз.  Эгер сизде узун жоолуктар, асма сумкалар же бир нерсеге илинип калышы мүмкүн болгон башка буюмдар болсо, аларды чечкенге аракет кылыңыз.  Бул муунуп калуу коркунучун алдын алат.
⠀
5️⃣ Коопсуз жерди издеңиз.  Мүмкүн болсо, басым азыраак болгон элдин четине өтүңүз.  Тар өтмөктөр же туюк жерлери бар жерлерден алыс болуңуз.
⠀
6️⃣Тынч, салмактуу болуңуз.  Паникага алдыруу кырдаалды ого бетер начарлатышы мүмкүн.  Туура ойлонууга жана элдин арасынан кантип чыгууга көңүл бурууга аракет кылыңыз.
⠀
7️⃣ Башкаларга жардам бериңиз.  Эгер кимдир бирөө жыгылып жатканын көрсөңүз, ага жардам берүүгө аракет кылыңыз, бирок бул сиздин коопсуздугуңузга коркунуч келтирбесе гана.
⠀
Элдин арасында тез жана акыл-эстүүлүк менен аракет кылуу маанилүү экенин унутпаңыз. Бул эрежелерди сактоо сиздин жана башкалардын өмүрүн сактап кала алат.

Ассаламу алейкум уа рахматуЛохи уа барокатух, урматтуу жамаат.
Шамсуддин устаз менен ушул жылы чогуу умрага баргысы келгендер чатка жазып коюңуздар.

ЭР ЖҮРӨК АЯЛ
Бир күнү пайгамбар ﷺ сахабаларынын арасында турганда, Асмаа бинт Язийд деген аял келип: “Ата-энем сизге садага кетсин, о, Аллахтын элчиси, мен сизге аялдардан элчи болуп келдим. Биз чектелип, силердин (эркектердин) кумарын кандырып, курсагыбызда балаңарды көтөрүп үйдө отуруп калдык. Силер болсо, о эркектер, Жума намазына, жамаат намазына чыгып, оорулууларды зыярат кылып, кайра-кайра ажыга барып, бардыгынан абзели – Аллахтын жолунда жихаддарга чыгып, соопто бизден озуп кеткенсиңер. Биз ажыга же умрага кеткен эрибиздин малына кароол болуп, кийимдерин жамап, балдарын карап үйдө отурабыз. Силер менен соопто шерик боло албайбыз!” - деди. Анда пайгамбарыбыз ﷺ сахабаларына карап: “Силер өз дини жөнүндө ушул аялдын сөзүнөн жакшыраак сөз уккан белеңер?” деп сурады. Сахабалар айтышты: “О, Аллахтын элчиси! Биз аял киши өз дининде ушунчалык изденүүсүн кыялыбызга да келтирбептирбиз!” Ошондо пайгамбарыбыз ﷺ жанагы аялга карап: “Бара бер, о аял! Сени жиберген аялдарга айт: силердин өз эриңерге жакшы өмүр жолдоштук кылууңар, анын ыразылыгын издешиңер жана эриңер масилет-кеңеш салган ишке макул болушуңар, мунун баарында (соопто) эркектердин бардык жакшылыктарына тең шерик болосуңар”. Муну уккан аял шат-курсант болуп, такбир жана тахлил айтып, аркасына кайтты. (Байхаки)

Шамсуддин Абдыкалык уулу
https://www.facebook.com/share/p/14UfCHEEMq/

АБУ БАКРДЫН КАЙГЫСЫ, БИЛАЛДЫН АРМАНЫ
(Бухариден бир шиңгил)
1889 - Аиша разияллоху анха айтты:
«Пайгамбар ﷺ Мединага келгенден кийин, Абу Бакр менен Билалга ысытма чыгып, жатып калышты. Ошондо Абу Бакр:
“Үй-бүлөгө кутман таң,
Каалоо жакшы жосундан.
Өлүм мага жакынбы,
Шиппагимдин боосунан”, - деп кайгырды эле, ысытмасы түшүп калган Билал араң чыккан кыркылдаган добушу менен мындай ыр саптарды кошту:
“Билалбадым, жатамынбы дагы мен,
Гүл жыттанган талаасында Макканын?!
Мажиннанын сууларында чөмүлүп,
Өлүп кетсем калбайт эле арманым!”
Анан (өздөрүн Маккадан кууган мушриктерди каргап): “О, Аллахым! Бизди өз жерибизден ушул оорусу көп шаарга чыгарып жибергени үчүн Шайба ибн Рабиага, Умаййа ибн Халафка наалатыңды жибер!” – деди. Ошондо расулуллах ﷺ мындай деп дуба кылды: “О, Аллахым! Бизге Мединаны, Макканы сүйгөндөй, андан да катуураак сүйдүрө көр! Аллахым, биздин идиштерибизди дан менен толтур! Бизге шыпаа берип, Мединадагы ысытманы (алыс) Жухфа тарапка жибер!” Аиша (энебиз) айтат: “Мединага келсек, бул Аллахтын эң оору көп тараган жери экен. Бутхан жылгасында аккан агындылар жыл бою токтобойт экен”.

Түшүндүрмө: Мына ушундай жер кийин, пайгамбардын дубасы жана сахабалардын аракети менен эң таза, эң берекелүү шаарга айланды. Сахабалар Мединаны сүйүп калышты.

БУХАРИДЕН БИР ШИҢГИЛ:
АЯЛДЫ КОРГОО ЖИХАДДАН АБЗЕЛ
1862 - Ибн Аббас риваят кылган хадисте, пайгамбар ﷺ айтты: "Аял киши махрамы менен гана сапарга чыга алат. Эркек киши махрамы жок аялга (үйүнө) кирбесин!” Ошондо бир киши: “О, расулуллах, мен баланча кошуун менен жихадга катышкым келет. Бирок, аялым ажыга баралы деп жатат?” – деп сураганда, пайгамбар ﷺ: «Аны менен ажыга бар», - деди”.

БУХАРИДЕН БИР ШИҢГИЛ:
ПАЙГАМБАРДЫН МЕДИНА ДЕКЛАРАЦИЯСЫ
1870 - Али разияллоху анху айтты: «Бизде Аллахтын китебинен жана пайгамбар ﷺ берген бул кагаздан башка эч нерсе жок. (Кагазда булар жазылган): “Медина Аир тоосунан баштап баланча жерге чейин аль-харам. Ким ошол аралыктарда күнөө кылса же күнөө кылган бирөөгө башпаанек берсе, ага Аллахтын, периштелердин жана бардык адамдардын наалаты болот жана андан парз ибадаты да, нафили да кабыл болбойт”. Али (васыйкада дагы булар бар экенин) айтты: “Мусулмандын убадасы бир болот. Ким ал убаданы бузса, ага Аллахтын, периштелердин жана бардык адамдардын наалаты болот жана андан парз ибадаты да, кошумча ибадаттары да да кабыл алынбайт».
P/S: Али бул документти дайым кылычынын кынына салып жүргөн

БУХАРИДЕН БИР ШИҢГИЛ:
"Медина башка шаарларды жутуп алат".
1871 - Абу Хурайра айтты: “Аллахтын элчиси ﷺ мындай деди: «Мен (башка) шаарларды жутуп жибере турган шаарга көчүүгө буюрулдум. Аны Ясриб дешет. Бул шаар көөрүк темирден чаң-кирди чыгаргандай өзүнөн жаман адамдарды чыгарып салат».
Түшүндүрмө: Пайгамбардын алдын ала берген кабары оңунан келип, кийин Медина башка шаарларды жутуп алды. Б.а. башка шаарлардын борбору болуп калды.

ОШОЛ КҮНДҮ КӨРБӨЙ ӨЛСӨК ЖАКШЫ ЭЛЕ
(Бухариден бир шиңгил)
1874 - Абу Хурайра разияллоху анху айтты: "Мен расулуллахтын ﷺ мындай деп айтканын уктум: "(Акыр заманда адамдар) Мединаны – эң жакшы абалда болушуна карабай – таштап кетишет. Анан ага жапайы айбандар менен куштар толуп алат. (Кыяматта адамдар өлгөндө) эң акыркы болуп Музайна уруусунан эки койчу (мындайча) өлөт: Мединага кой издеп барып, чакырышат да, шаардын бош калганын көрүп, Саниятул Вадага жеткенде жыгылып, өлүп калышат”.