Mehnat huquqi

Salimboy nomi bilan tanilgan Salim Abduvaliyev salomatligidagi muammolar tufayli ozodlikka chiqqani aytilmoqda.

O‘zbekiston Respublikasi Ichki ishlar vazirligi va Sog‘liqni saqlash vazirligining 2008-yil 13-avgustdagi 12 va 9-sonli “Og‘ir kasallikka chalingan mahkumlarni tibbiy tekshiruvdan o‘tkazish va ularni kasalligi tufayli jazoni o‘tashdan ozod qilishga taqdim etish Qoidalarini tasdiqlash haqida”gi qarori qabul qilingan.
(O‘zbekiston Respublikasi Adliya vazirligi tomonidan 2008-yil 9-sentabrda 1854 - son bilan davlat ro‘yxatidan o‘tkazilgan).
Qoidalarga 1-ilova bilan "Mahkumlarni kasalligi tufayli jazoni o‘tashdan ozod qilishga taqdim etish uchun asos bo‘ladigan kasalliklar ro'yxati" tasdiqlangan.

⚠️ Diqqat! Mazkur og'ir kasalliklar ro'yxati mahkumlarga taalluqli.

❌ Vazirlar Mahkamasining 2019-yil 30-sentabrdagi 823-son qaroriga 1-ilova "Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida"gi Nizom 33-bandida nazarda tutilgan og'ir kasalliklarga aloqasi yo'q.


Telegramdagi kanalimizni yaqinlarga ulashishni unutmang👇https://t.me/mehnathuquqi

#savolimbor Assalomu alaykum, Muhammadamin Ustoz. Yuridik universitetdagi 6 oylik qayta tayyorlash kurslari uchun to’langan kontrakt summasining 12% miqdorini qaytarib olsak bo'ladimi?

https://t.me/mehnathuquqi javobi :

Soliq kodeksi 378-moddasi 16-bandiga ko’ra https://lex.uz/docs/-4674902#-4687277, soliq to‘lovchining quyidagilarga yo‘naltiriladigan, soliq solinishi lozim bo‘lgan ish haqi va boshqa daromadlari:

... O‘zbekiston Respublikasining professional va oliy ta’lim tashkilotlarida ta’lim olish (o‘zining, farzandlarining, shuningdek 26 yoshga to‘lmagan erining (xotinining) ta’lim olishi) uchun to‘lov. Mazkur imtiyoz soliq to‘lovchining professional va oliy ta’lim tashkilotlarida o‘qish uchun tijorat banklari tomonidan ajratilgan ta’lim kreditlariga (foizlari bilan) qoplashga yo‘naltirilgan daromadlariga nisbatan ham qo‘llaniladi.

⚠️ Diqqat! E’tibor berdingizmi, ushbu soliq imtiyozi O‘zbekiston Respublikasining professional va oliy ta’lim tashkilotlarida ta’lim olish (o‘zining, farzandlarining, shuningdek 26 yoshga to‘lmagan erining (xotinining) uchun to‘lovga nisbatan tatbiq qilinadi.

❌ Ya’ni sodda qilib aytganda, 6 oylik qayta tayyorlash (oliy ma’lumotga ega shaxslarni yuridik mutaxassislikka qayta tayyorlash) kurslari uchun to’langan kontrakt summasining 12% miqdori qaytarib berilmaydi!

Ekspertga murojaat: @MuhammadaminKarimjonov

Telegramdagi kanalimizni yaqinlarga ulashishni unutmang👇https://t.me/mehnathuquqi

#savolimbor
Assalomu alaykum. Xodim attestatsiyadan o'tolmadi. Uning egallagan lavozimiga ish beruvchi tomonidan qaytadan tanlov e'lon qilindi. Ushbu xodim bu tanlovda ishtirok etishi mumkinmi?

Javob
Mehnat kodeksi 4-moddasiga binoan, har bir shaxs mehnat huquqlarini amalga oshirish va himoya qilishda teng imkoniyatlarga ega. Bu norma mehnat sohasida kamsitishlarning oldini olish va barcha xodimlarga teng sharoitlarni ta'minlashga qaratilgan. Shu jumladan bu huquq attestatsiyadan yiqilib, yana shu ishga qayta kirmoqchi bo'lgan shaxslar uchun ham tegishli.

Mehnat kodeksi 5-moddasi esa mehnat erkinligini kafolatlaydi. Unga ko‘ra, har kim o‘z qobiliyatlarini ish joyini, kasbni va mutaxassislikni erkin tanlash orqali amalga oshirish huquqiga ega. Ushbu huquq xodimning tanlovda ishtirok etish imkoniyatini ham qamrab oladi.

Yuqoridagi normalardan kelib chiqib aytish mumkinki, agar xodim attestatsiyadan o‘ta olmagan bo‘lsa ham, bu uning tanlovda ishtirok etish huquqini bekor qilmaydi. Egallagan lavozimiga qayta e’lon qilingan tanlovda qatnashish uchun xodim hech qanday to‘siqlarga duch kelmasligi kerak.
Ish beruvchi qonuniy asosda xodimga boshqa talabgorlar qatori teng sharoitlarda tanlovda qatnashish imkoniyatini yaratishi lozim.

Biroq Mehnat kodeksi 2-moddasiga asosan, ish beruvchilarning kadrlarni tanlash, joy-joyiga qo‘yish va samarali mehnat jarayonini tashkil etish huquqi bor. Shu bois, ish beruvchi tanlovda qatnashuvchi xodimni faqat tanlov shartlari va natijalariga ko‘ra ishga qabul qilishi mumkin.

Agar xodim tanlovda qatnashib, belgilangan mezonlar asosida muvaffaqiyatli natijaga erishsa, u yana o‘zining oldingi lavozimini egallash huquqiga ega bo‘ladi.

Xulosa
Xodim egallagan lavozimidan bo'shatilgan bo'lsa ham qayta e'lon qilingan tanlovda hech qanday qonuniy cheklovlarsiz qatnashishi mumkin. Ammo uning lavozimga qabul qilinishi tanlov shartlari va natijalariga bog‘liq bo‘ladi.

Telegramdagi kanalimizni yaqinlarga ulashishni unutmang https://t.me/mehnathuquqi

🔉 Diqqat! MK 386-moddasiga ko’ra, ishni o‘qish bilan birga olib borayotgan xodimlarga kafolatlar va kompensatsiyalar 1-marta tegishli darajadagi ta’lim olayotganda beriladi. Mazkur kafolatlar va kompensatsiyalar, shuningdek tegishli darajadagi ta’lim olgan hamda ish beruvchi tomonidan ichki hujjatlar, mehnat shartnomasi yoki ish beruvchi va xodim o‘rtasida tuzilgan alohida kelishuvga muvofiq ta’lim olishga yuborilgan xodimlarga ham berilishi mumkin.

⚠️ Ya’ni sodda qilib aytganda, 2-mutaxassislikka o’qiyotgan xodimlarning o’rtacha oylik ish haqi saqlanmaydi.

✅ Lekin ish beruvchi va xodim o‘rtasida tuzilgan alohida kelishuvga ko’ra ham kafolatlar taqdim qilinishi mumkin!

❗️Kelishuv va buyruqdan namunani olmoqchi bo’lganlar @MuhammadaminKarimjonov ga murojaat qiling!

Shuningdek, video va audio materiallar ham ilova qilinadi!

Telegramdagi kanalimizni yaqinlarga ulashishni unutmang👇 https://t.me/mehnathuquqi

🚖 O‘zbekiston Respublikasi Prezidentining 2022-yil 7-iyuldagi “Avtotransport vositalarini boshqarishda va yo‘nalishsiz taksi faoliyatini amalga oshirishda qo‘shimcha qulayliklar yaratish to‘g‘risida”gi PQ-311-son qaroriga ko’ra, yo‘lovchilarni haydovchidan tashqari to‘rttadan ortiq bo‘lmagan o‘rindiqlarga ega bo‘lgan yengil avtotransport vositalarida tashish faoliyati 2022-yil 1-sentabrdan 2024-yil oxiriga qadar o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) turlari ro‘yxatiga kiritilgan edi.

🚕 Jismoniy shaxslarga oʻzini oʻzi band qilgan holda taksichilik qilishiga berilgan vaqtinchalik ruxsat endi doimiy boʻladi.

Telegramdagi kanalimizni yaqinlarga ulashishni unutmang👇 https://t.me/mehnathuquqi

#lekinbufakt 🇯🇵 Eng uzoq mehnat staji yaponiyalik Shigeshio Izumiga tegishli.

❗️U 9️⃣8️⃣ yil lavlagi plantatsiyasida ishlagan va 105 yoshida pensiyaga chiqqan.

Telegramdagi kanalimizni yaqinlarga ulashishni unutmang👇 https://t.me/mehnathuquqi

#savolimbor Assalomu alaykum, har yilgi mehnat ta’tili qismlarga bo’linganda qanday haq to’laymiz?

https://t.me/mehnathuquqi javobi📤:

Har yilgi mehnat ta’tili qismlarga bo‘linganda haq to‘lash qismlarga bo‘lingan ta’til uchungina to‘lanadi. Masalan, xodim har yilgi mehnat ta’tilining 7 kunini qismlarga bo‘lib oldi. Ta’til puli qonunchilikda belgilangan tartibda 7 kun uchun to‘lab beriladi.

Vazirlar Mahkamasining 2024 yil 14 noyabrdagi 758-son qaroriga 5-ilova «Alohida hollar uchun xodimlarning o‘rtacha ish haqini hisoblab chiqarishning o‘ziga xos xususiyatlari to‘g‘risida»gi Nizom 11-bandiga ko‘ra, ta’til qismlarga bo‘linganda saqlab qolinayotgan o‘rtacha ish haqi belgilangan tartibda har bir qism uchun alohida hisoblab chiqiladi.

Shuningdek, «Yillik mehnat ta’tili vaqtida saqlanib qolinadigan o‘rtacha ish haqi miqdorini aniqlash tartibi to‘g‘risida»gi Yo‘riqnoma 21-bandi 2-xatboshisiga ko‘ra, ta’til qismlarga bo‘linganda saqlab qolinayotgan o‘rtacha ish haqi ushbu Yo‘riqnomada belgilangan tartibda har bir qism uchun alohida hisoblab chiqiladi.

Batafsil: Ushbu qo’llanmalarni o’qib chiqing https://t.me/mehnathuquqi/8470

Ekspertga murojaat: @MuhammadaminKarimjonov

Telegramdagi kanalimizni yaqinlarga ulashishni unutmang👇 https://t.me/mehnathuquqi

#savolimbor Salom, xodim homiladorlik tatilidan mehnat tatiliga chiqdi. Keyin bola parvarishlash tatiliga chiqadi. YAMMT ga kiritiladimi mehnat tatili yoki bola parvarishlash ga chiqqandan keyin yoziladimi?

https://t.me/mehnathuquqi javobi :

Vazirlar Mahkamasining 2019-yil 5-dekabrdagi 971-son qaroriga 1-ilova “Yagona milliy mehnat tizimi” idoralararo dasturiy-apparat kompleksida mehnat shartnomalarini ro‘yxatdan o‘tkazish, elektron mehnat daftarchalarini shakllantirish va yuritish tartibi to‘g‘risida”gi Nizomning 6-bobi 33-35-bandlari xodimning ijtimoiy ta’tilga chiqishini ro‘yxatdan o‘tkazishni tartibga soladi https://lex.uz/docs/-4630020

Unga ko’ra, xodimning ijtimoiy ta’tilga chiqishini ro‘yxatdan o‘tkazish “YAMMT” IDAKga ijtimoiy ta’til davri to‘g‘risidagi ma’lumotlarni kiritish yo‘li bilan amalga oshiriladi.

Xodimning ijtimoiy ta’tilini ro‘yxatga olish to‘g‘risidagi kiritilgan ma’lumotlar ish beruvchi tomonidan ERI yordamida tasdiqlanadi. Xodimning ijtimoiy ta’tilga chiqishi ish beruvchining ERIsi bilan tasdiqlanmasdan ro‘yxatga olingan taqdirda kiritilgan ma’lumotlar haqiqiy emas deb hisoblanadi.

Xodimning ijtimoiy ta’tilga chiqishi bo‘yicha noto‘g‘ri ma’lumotlar kiritilgan taqdirda ish beruvchi besh ish kuni mobaynida noto‘g‘ri kiritilgan ma’lumotlarni tahrir qilishi mumkin. Belgilangan muddatdan oshgan taqdirda ish beruvchi operatorga murojaat qiladi.

Telegramdagi kanalimizni yaqinlarga ulashishni unutmang👇https://t.me/mehnathuquqi

#savolimbor
Ассалом мен Бухоро шахарданман корхонамиз 31 январда тугатилиш арафасида мен 59 ёшдаман 25 йилдан ошик иш стажим бор 60 ёшга тулмасдан олдин пенсяга чикишим мумкинми?

Javob
Aссалому алайкум! Сизнинг ҳолатингизда пенсияга чиқиш мумкин. Ўзбекистон Республикаси "Aҳоли бандлиги тўғрисида"ги Қонунининг 3-моддасига асосан, пенсияолди ёши — бу шахснинг давлат томонидан белгиланган пенсияга чиқиш ёшидан икки йил олдинги ёшга тўлиши сифатида белгиланган.

Шунингдек, "Фуқароларнинг давлат пенсия таъминоти тўғрисида"ги қонуннинг 14-моддаси талабларига кўра, агар корхонангиз технологик ўзгаришлар, ишлаб чиқариш ва меҳнатни ташкил етишдаги ўзгаришлар, ходимлар сонининг қисқариши ёки корхона тугатилиши муносабати билан ишдан озод етилган ва ишсиз деб еътироф етилган бўлсангиз, эркаклар 58 ёшга тўлганда ва иш стажи камида 25 йил бўлган тақдирда ёшга доир пенсияни муддатидан олдин олиш ҳуқуқига эга бўлади.

Aйтишингиз бўйича, сиз 59 ёшда бўлиб, иш стажингиз 25 йилдан ошган. Aгар сизни ишдан озод этиш ва ишсиз деб еътироф этиш ҳолати юзага келса, сиз пенсия олиш ҳуқуқига эга бўласиз ва пенсияни муддатидан олдин олиш имкониятингиз мавжуд. Яъни бунда сиз билан тузилган меҳнат шартномаси Меҳнат кодексининг 161-моддаси иккинчи қисмининг 1- банди (ташкилот фаолиятнинг тугатилганлиги) билан бекор қилиниши ва бу ҳақида буйруқ чиқиши керак. Шундан сўнг "Aҳоли бандлиги тўғрисида"ги Қонунининг 44-моддасига асосан ишсиз деб эътироф этилишингиз керак.

Юқоридаги ҳолат бўйича корхона ёпилиши билан ишдан озод этилсангиз ва пенсия олиш учун зарурий шартларни бажарган бўласиз пенсияга чиқишингиз мумкин. Бу учун ишдан бўшаганингиздан кейин маҳаллий меҳнат орган ва давлат пенсия жамғармасига мурожаат қилишингиз керак.

Huquqiy maslahatga uchun quyidagiga yozing
https://t.me/MehnathuquqimurojaatBot

#savolimbor Assalomu alaykum, Ustoz. 14-yanvar — Vatan himoyachilari kuni munosabati bilan xodimlarni rag’batlantirsak bo’ladimi?

https://t.me/mehnathuquqi javobi📤:

✅ Ha, albatta rag’batlantirish mumkin. Bu tashkilotning mehnat haqidagi boshqa huquqiy hujjatlariga bog’liq.

✅ MK 24-moddasiga ko’ra, ish beruvchi xodimlarni halol samarali mehnati uchun rag‘batlantirish huquqiga ega.

✅ MK 299-moddasiga ko’ra, ishdagi yutuqlar uchun xodimga nisbatan rag‘batlantirish choralari qo‘llanilishi mumkin. Rag‘batlantirish turlari, ularni qo‘llash tartibi jamoa kelishuvlarida, jamoa shartnomasida, ichki mehnat tartibi qoidalari hamda mehnat to‘g‘risidagi boshqa huquqiy hujjatlarda va mehnat shartnomasida belgilanadi.

MK 13-moddasiga ko’ra, mehnat haqidagi boshqa huquqiy hujjatlarda xodimlar uchun mehnat to‘g‘risidagi qonunchilikda belgilanganiga nisbatan qo‘shimcha huquqlar va kafolatlar nazarda tutilishi mumkin.

MK 12-moddasiga ko’ra, mehnat haqidagi boshqa huquqiy hujjatlar quyidagilardan iborat:
jamoa kelishuvlari;
jamoa shartnomalari;
ish beruvchi tomonidan kasaba uyushmasi qo‘mitasi bilan kelishuvga ko‘ra qabul qilinadigan ichki hujjatlar;
ichki hujjatlar, shu jumladan ish beruvchi o‘z vakolatlari doirasida yakka o‘zi qabul qiladigan yakka tartibdagi huquqiy hujjatlar.

O‘zbekiston Respublikasida qonun bilan tasdiqlangan bayramlar soni — 3️⃣0️⃣ dan ortiq. Shundan 9️⃣ tasi ishlanmaydigan, qolganlari esa ishlanadigan bayram kunlaridir. 14-yanvar — Vatan himoyachilari kuni O‘zbekiston Respublikasining 29.12.1993 yildagi 1018-XII-son Qonuni bilan belgilangan ishlanadigan bayram kunlaridan biridir. Qolgan bayram kunlari haqida batafsil bu yerda tahlil qilganmiz: https://t.me/mehnathuquqi/8387

⚠️ Diqqat! Agar tashkilotning ichki hujjatlarida faqat MK 208-moddasida nazarda tutilgan, 9ta ishlanmaydigan bayram kunidagina xodimlarni mukofotlash nazarda tutilgan bo’lsachi❓ Yoki tashkilotning ichki hujjatlarida xodimlarni umuman mukofotlash nazarda tutilmagan bo’lsachi❓

❗️Bu holatda ish beruvchi garchi ichki lokal hujjatlarda nazarda tutilmagan bo’lsada, MK 13-moddasiga ko’ra xodimlarni rag’batlantirishi mumkin.

Chunki, yuqorida tahlil qilib o’tganimizdek, ish beruvchi o‘z vakolatlari doirasida yakka o‘zi qabul qiladigan yakka tartibdagi huquqiy hujjatlar — buyruqlar, farmoyishlar, qarorlar ham mehnat haqidagi boshqa huquqiy hujjat hisoblanadi!

Budjet tashkilotlari ham o’zlarining budjetdan tashqari mablag’lari hisobidan xodimlarni 14-yanvar — Vatan himoyachilari kuni bilan mukofotlashlari mumkin!

⚠️ Hurmatli, ish beruvchilar, xodimlarni bir xursand qilinglar! Shuni unutmanglar, mehnatga yarasha haq to‘lanmasa kishi haqqa yarasha mehnat qila boshlaydi. Genri Ford aytganidek: “Past ish haqi ishchidan avval tashkilotni xonavayron qiladi”.

Telegramdagi kanalimizni yaqinlarga ulashishni unutmang👇 https://t.me/mehnathuquqi

#savolimbor Assalomu alaykum. Bir masala bo’yicha bahs ketib qoldi. Bu yil 8-mart shanba kuniga to’g’ri kelyapti. Shunda 10-mart dushanba kuni 5 kunliklar uchun dam olish kuni bo’ladimi, ayrimlar ish kuni bo’ladi chunki yakshanba kuniga to’g’ri kelsagina dam olish kuni bo’ladi deyishyapti…

MK 208-moddasiga ko’ra, dam olish kuni ishlanmaydigan bayram kuniga to‘g‘ri kelgan taqdirda, dam olish kuni bayramdan keyingi ish kuniga ko‘chiriladi. Bunda ishlab chiqarish-texnik va tashkiliy sharoitlar (mavjud uzluksiz ishlab chiqarish, aholiga har kuni xizmat ko‘rsatish, navbatchilik asosida ishlash va boshqalar) tufayli ishlanmaydigan bayram kunlari to‘xtatib qo‘yish mumkin bo‘lmagan ishlarni bajarishda dam olish kunlari ko‘chirilmaydi.

MK 207-moddasiga ko’ra, xodimlarga har haftada dam olish kunlari beriladi.

5 kunlik ish haftasida xodimlarga haftada ikki dam olish kuni, 6 kunlik ish haftasida esa bir dam olish kuni beriladi. Aynan bitta ish beruvchida mehnat shartnomasi asosida mehnat faoliyatini amalga oshirayotgan xodimlar uchun bajariladigan ishning o‘ziga xos xususiyatlariga qarab ish haftasining har xil turlari belgilanishi mumkin.

5 kunlik va 6 kunlik ish haftasida umumiy dam olish kuni yakshanbadir. 5 kunlik ish haftasidagi ikkinchi dam olish kuni jamoa shartnomasida yoki ichki mehnat tartib qoidalarida yoxud smenalarga bo‘linib ishlash jadvallarida, ular mavjud bo‘lmaganda esa mehnat shartnomasida belgilanadi.

❗️E’tibor bering, MK 208-moddasida umumiy dam olish kuni yakshanba haqida emas, balki dam olish kuni haqida gap ketgan.

⚠️ Demak, ishlanmaydigan bayram kuni hisoblanuvchi “8-mart — Xotin-qizlar kuni” bayrami 2025-yilda 5 kunlik ish haftasida ishlaydigan xodimlar uchun shanba — dam olish kuniga to‘g‘ri kelganligi munosabati bilan ushbu dam olish kuni mos ravishda 2025-yil 10-mart — dushanba kuniga ko‘chiriladi.

✅ Shuning uchun 10-mart — dushanba kuni 5 kunlik ish haftasida ishlaydigan xodimlar uchun dam olish kuni hisoblanadi. 6 kunliklar uchun esa ish kuni bo’ladi.

Ekspertga murojaat: @MuhammadaminKarimjonov

Telegramdagi kanalimizni yaqinlarga ulashishni unutmang👇 https://t.me/mehnathuquqi

#savolimbor Assalomu alaykum ustoz. Xodimning ismi yoki familiyasi o’zgarsa mehnat shartnomasiga qo’shimcha kelishuv qilish shartmi?

https://t.me/mehnathuquqi javobi📤:

MK 107-moddasi 2-qismiga ko'ra, xodimning familiyasi, ismi va otasining ismi mehnat shartnomasida ko‘rsatiladigan rekvizitlar hisoblanadi!

MK 107-moddasi 5-qismiga ko’ra, rekvizitlar o‘zgargan taqdirda, mehnat shartnomasining tarafi ular o‘zgartirilgan paytdan e’tiboran 3️⃣ ish kuni ichida bu haqda boshqa tarafga yozma shaklda xabar qilishi kerak. Xodimning familiyasi, ismi va otasining ismi xodimning mehnat shartnomasida ko‘rsatiladigan rekvizitlaridan hisoblanadi.

❗️MK 107-moddasi 4-qismiga ko’ra, agar mehnat shartnomasini tuzishda ushbu moddaning birinchi, ikkinchi va uchinchi qismlarida nazarda tutilgan rekvizitlardan biror-biri shartnomaga kiritilmagan bo‘lsa, bu mehnat shartnomasini tuzilmagan deb e’tirof etish yoki uni bekor qilish uchun asos bo‘lmaydi. Mehnat shartnomasi yetishmayotgan rekvizitlar bilan to‘ldirilishi kerak. Bunda yetishmayotgan rekvizitlar mehnat shartnomasiga doir yozma shaklda tuziladigan qo‘shimcha kelishuv bilan belgilanadi, ushbu kelishuv mehnat shartnomasining ajralmas qismidir.

👉 Masalan, mehnat shartnomasini tuzishda xodimning rekvizitlaridan biri, masalan, familiyasi kiritilmay qolsa, qo‘shimcha kelishuv tuziladi.

Agar rekvizitlar mehnat shartnomasiga kiritilganu, lekin savolda so’ralganidek keyinchalik o’zgargan bo’lsachi❓ Bu holatda nima qilish kerak. Bu borada 2 xil qarash bor.

❌ Ayrim mutaxassislar qo’shimcha kelishuv shart emas deb hisoblashadi. Ular fikricha, MK 107-moddasi 5-qismi o'zgartirilgan rekvizitlarni emas, balki faqat yetishmayotgan rekvizitlarni kiritish uchun qo’shimcha kelishiv tuzishni talab qiladi.

✅ 2-toifa esa qo’shimcha kelishuv tuzish shart deb hisoblashadi. Ular ham o’z fikrlarini aynan 107-moddasi 5-qismi bilan asoslashadi. To’g’ri, 107-modda 5-qismi aynan yetishmayotgan rekvizitlarni kiritish uchun qo’shimcha kelishiv tuzishni talab qiladi. Mehnat shartnomada xodimning ism-familiyasi kiritilgan, lekin u yangiga o’zgarganku, shuning uchun ham, bu holatda qo’shimcha kelishuv tuzish shart deb hisoblashadi.

👍 Xodimning ism-familiyasi o’zgargan holatda, kadroviklarimizga mehnat shartnomasiga qo’shimcha kelishuv tuzishni tavsiya qilamiz. Ish beruvchining buyrug'i qabul qilinadi. Shaxsni tasdiqlovchi hujjatning nusxasini yangi ismi-sharifi bilan xodimning shaxsiy delosiga ilova qiling va kiritilgan oʼzgartirishlar toʼgʼrisida buxgalteriya boʼlimiga xabar bering.

“Mehnat daftarchalarini yuritish tartibi to‘g‘risida”gi Yo‘riqnoma (https://lex.uz/docs/-643007)ga ko’ra, mehnat daftarchasidagi ismi-sharifi va tug‘ilgan kuni to‘g‘risidagi yozuvlarga o‘zgartirishlar tegishli hujjatlar (pasporti yoki identifikatsiya ID-kartasi, tug‘ilganlik, nikoh va nikohni bekor qilinishi haqidagi guvohnomaga qarab familiyasini, ismini o‘zgartirish va hokazolar) asosida va ushbu hujjatlarning soni va berilgan sanalariga havola qilingan tarzda oxirgi ish joyidagi ish beruvchi tomonidan kiritiladi.

O‘zgartirilgan yozuvlar mehnat daftarchasining birinchi betiga kiritiladi. Ilgarigi familiyasi, ismi, otasining ismi yoki tug‘ilgan kuni to‘g‘risidagi yozuv ustidan bir chiziq chizilib, yangi ma’lumotlar yozib qo‘yiladi. Yozuvlar muqovaning ichkari betiga yozilib tashkilot rahbarining yoki uning tomonidan maxsus vakolat berilgan shaxs imzosi hamda tashkilot yoki xodimlar bo‘limi muhri bilan (muhr mavjud bo‘lgan taqdirda) tasdiqlanadi.

Ekspertga murojaat: @MuhammadaminKarimjonov

Telegramdagi kanalimizni yaqinlarga ulashishni unutmang👇 https://t.me/mehnathuquqi