MDIS Tashkent

📸 Oliy ta’lim muassasalari talabalari o‘rtasida o‘tkazilgan futzal bo‘yicha “O‘FA kubogi” musobaqasidan fotogalereya

⚡️ t.me/FAUzbekistan

📋 Oliy ta’lim muassasalari talabalari o‘rtasida o‘tkazilayotgan futzal bo‘yicha “O‘FA kubogi” musobaqasi yakunlandi va unda Toshkent axborot texnologiyalari universiteti jamoasi g‘oliblikni qo‘lga kiritdi. Ikkinchi o‘rinni Chirchiq pedagogika instituti jamoasi egallagan bo‘lsa, Singapur menejmentni rivojlantirish instituti vakillari bronza medallariga ega chiqdi.

Eslatib o‘tamiz, Oʻzbekiston Respublikasi Prezidentining “Ommaviy va professional futbolni har tomonlama rivojlantirishning qoʻshimcha chora-tadbirlari toʻgʻrisida”gi qaroriga asosan tashkil etilgan musobaqada 40 ta jamoa 8 ta guruhga  boʻlingan holda bahslarda ishtirok etdi.

⚡️ t.me/FAUzbekistan

Joriy yilning 18-dekabr kuni Toshkentdagi Singapur menejmentni rivojlantirish institutida talabalar ishtirokida Yangi yil konsert dasturi tashkillashtirildi. E'tiborga molik jihat, unda aksariyat jarayonlar talabalar tomonidan amalga oshirildi: sahna ko'rinishlari, ommabop qo'shiqlar hamda raqslar shular jumlasidandir.

Konsert dasturida Yorqinxo'ja Umarov, Shohruh Shodmonov, hamda Shahriyor Argonov kabi estrada yulduzlari ishtirok etdi. Tadbir davomida, o'zbek, rus, ingliz va hind tilidagi qo'shiqlardan tashqari, turli yo'nalishdagi raqs chiqishlari bo'lib o'tdi. Umuman, ushbu konsert dasturi "Cover club", "Dance club", to'garaklari hamda mas'ul xodimlar hamkorligida jipslik bilan tayyorgarlik ko'rilgani zalga yig'ilgan talabalarga a'lo kayfiyat bag'ishlab turdi.

Shuningdek, institut ijtimoiy hayoti haqidagi eng yaxshi video kontent tanlovi g'oliblari aniqlanib, ular qimmatbaho sovg'alar bilan taqdirlanishdi.

Ta'kidlash joizki, institutning ijtimoiy hayotini yaratishda nafaqat xodimlar, balki talabalarning ham o'rni beqiyosdir. O'z o'rnida, talabalarimizdan bundan keyingi tadbirlarda ham shunday faollik va tashabbuskorlikni kutib qolamiz.

🎄 Kirib kelayotgan 2025-yil barchamizga muvaffaqiyatli kelsin!

🇺🇿 Bizni ijtimoiy tarmoqlarda kuzating:
🕊Telegram | 📱Instagram | 📱Facebook