5 TASHABBUS OLIMPIADASI

5 tashabbus olimpiadasi 2025 yilgi mavsumi boshlanishiga ham oz vaqt qoldi.

Hamkasblar va dasturchilar bilan bu yilgi 5tashabbus.uz platformasida amalga oshiriladigan ishlarni yanada soddalashtirish va barcha yoshlar qulay bo’lishi bo’yicha muhokamalar olib bordik.

Platformadagi 2 ta eng asosiy o’zgarishni aytib o’taman.

Birinchisi yoshlar yetakchilari bu yildan o’z kabinetidagi jamoalarni yaratishni bajarmaydi, platforma avtomat yaratib beradi, bu bilan yetakchilarimizning 1/3 qism ishlari qisqarishiga erishiladi.

Ikkinchisi yoshlar loyihalarga ro’yxatdan o’tayotganda, pasport ma’lumotini kiritishi bilan, platforma avtomat ro’yxatdan o’tuvchi yoshni hududi tumani hatto mahallasigacha avtomat chiqarib beradi, yoshlardan faqat qaysi loyihaga o’tishini tanlash qoladi xolos.

Sizlar uchun qulaylik qilingan yangiliklarimiz ko’p, tez orada barchasini e’lon qilamiz.

Maqsadimiz quyi tizimdagi hamkasblarimizning ishini imkon qadar osonlashtirish.

✅ Olimov Sherzod Murodullayevich - shaxsiy sahifa

Adolatning kuchi haqida
(bu yerda adolat qiz bolaning ismi emas)

Agar xalq adolatni his qilsa, juda ko‘p muammolarga sabr bilan chiday oladi. To‘g‘ri, muammolardan norozi bo‘lib, e’tirozini baralla aytadiganlari ham ko‘p bo‘lishi tabiiy, chunki xalq bu yaxlit tana emas, 37 million xil insondan tarkib topgan. Ammo gapirib-gapirib, baribir muammolarga sabr qilishda, tishini-tishiga qo‘yib, turmush tashvishlari bilan o‘ralashishda davom etaveradi. Axloqsizlikka o‘tmaydi. Dardini aytib, sal yengillashishi mumkin, chunki bu jinoyat emas.

Ammo xalq adolatni his qilmasa, har qadamda adolatsizlikni ko‘rsa, unda bu yomon. Bunaqada taranglashgan asablar axloq chegarasini kesib o‘tadi, oqibati kafolatlanmagan.

Og‘zidan shodi kirib, bodi chiqqan hokimlar bitta uzr bilan qutulsa, o‘zining vakolati doirasidan chiqib, qonunlarga tupurib qo‘yadigan ayrim mas’ullar oddiy ogohlantirish bilan cheklansayu, lekin uzoq vaqt metanda navbat kutib, endi navbati kelganda "zapravka" yopilib qolganidan fig‘oni ko‘kka chiqqan, botinkasi teshik oddiy bir xalq vakilini qamab qo‘yishsa, bechora Yangi yil bayramini oila davrasida emas, panjara ortida kutib olsa, bunda xalq adolatsizlik ko‘radi. Va bu adolat ham emas, albatta.

Yilni katta xato bilan boshladik. Afsus, ming afsus. Zig‘irchalik foydasi bo‘lmagan, ammo xalqning davlatga bo‘lgan ishonchi nuqtayi nazaridan juda katta zarar olib keladigan ushbu tashabbus kimdan chiqqanini bilmayman. Ammo bu xatoning o‘rnini qoplash uchun juda ko‘p ish qilinishi kerakligini aniq bilaman.

Afsus, ming afsus...


👉 @xushnudbek 👈