O'zbekiston Respublikasi Markaziy banki Andijon viloyati Bosh boshqarmasi

👍👌😎🫡

⏺Markaziy bank tomonidan ““Bank xizmatlari iste’molchilari bilan o‘zaro munosabatlarni amalga oshirishda tijorat banklarining faoliyatiga qo‘yiladigan minimal talablar to‘g‘risida”gi nizomga qo‘shimcha va o‘zgartirishlar kiritish haqida”gi hujjat loyihasi ishlab chiqilib, regulation.adliya.uz portaliga muhokama uchun joylashtirildi.

⏺Mazkur o‘zgartirish va qo‘shimchalar bilan quyidagi asosiy talablar kiritilmoqda:

🔵iste’molchilarga kredit karta shartlari to‘g‘isida to‘g‘ri va to‘liq ma’lumot berish hamda kredit karta shartlarini taqqoslash imkoniyatini beruvchi standart “Axborot varaqasi” shaklini amaliyotga joriy etish;

🔵kredit shartnomalariga qarzdorning hisobvarag‘larida har qanday davr mobaynida ma’lum miqdordagi kamaymaydigan pul mablag‘i qoldig‘i yoki aylanmasi mavjud bo‘lishi yuzasidan shart kiritilishini cheklash;

🔵banklar tomonidan qarz oluvchilarga kredit taqdim etish to‘g‘risidagi arizasi ijroga qabul qilinganligi to‘g‘risida SMS xabarnoma yuborilishini ta’minlash;

🔵kredit ta’minotiga qabul qilingan garov mulklarini kreditning asosiy qarzi qoldig‘iga mutanosib ravishda bosqichma-bosqich garovdan chiqarish yoki garov narsasini almashtirish bo‘yicha shaffoflikni ta’minlash;

🔵bankning kreditor sifatidagi huquqlari sug‘urta qiluvchiga subrogatsiya orqali o‘tganda, bu to‘g‘risida qarzdorni belgilangan tartibda xabardor qilish;

🔵bank va garovga qo‘yuvchi qonunchilikda belgilangan tartibda kelishgan holda kredit qarzdorligini qoplash maqsadida garovga qo‘yilgan mol-mulkni suddan tashqari tartibda realizatsiya qilish.

⏺Mazkur hujjat loyihasi orqali iste’molchilarning kredit karta shartlari va garov mulki bilan bog‘liq jarayonlar to‘g‘risida to‘liq va to‘g‘ri axborotga ega bo‘lish, banklarning ayrim insofsiz amaliyotlardan foydalanishini cheklash, kredit arizalarini ko‘rib chiqishda banklar mas’uliyatini kuchaytirish hamda kredit bo‘yicha talabni subrogatsiya qilish jarayonlari shaffofligini ta’minlash rejalashtirilmoqda.

⏺Hujjat loyihasi bilan ushbu havola orqali batafsil tanishishingiz hamda o‘z taklif va mulohazalaringizni bildirishingiz mumkin.

#qonunchilik #regulyator

🌍Web 🕊 Telegram 🕊 Twitter 📱 Facebook 📱 Instagram 📺 Youtube 📱 Linkedin