...... УМИД, ОМАД, БАХТ
Ортга назар ташлаб қилдим сарҳисоб,
Қувончли кунларим саноқли ҳисоб,
Лоқайдлигим ила топмабман савоб,
Гувоҳим бўлинглар—умид, омад, бахт.
Ҳасратларин тўкди кўксим майдалаб,
Туйғуларим йиғлар дилим тимдалаб,
Изғирин кунларим келди "чимдалаб",
Малҳамим бўлинглар—умид, омад, бахт.
Ҳазрати инсонман хатоларим кўп,
Гуноҳларим ана туришибди тўп,
Аламдан ашк тўкар ўксик қалбим хўп,
Дармоним бўлинглар—умид, омад, бахт.
Яхши кунларимга бўлгандим интиқ,
Лек дардли кунларни этдилар тортиқ,
Ғурбатларни кўрган юрагим чандиқ,
Ямоғим бўлинглар—умид, омад, бахт.
Мен учун эртага янги тонг отар,
Меҳр чашмасидан тинмайин оқар,
Қуёш тоғ ортидан жилмайиб боқар,
Ҳамроҳим бўлинглар—умид, омад, бахт!!!
✍Мунира Султон ❤️🌹
БЕКОБОД
https://t.me/Manzuringiz