MAKTAB️

⚡️PEDAGOG XODIMLAR ATTESTATSIYA NATIJALARIGA KO‘RA QUYIDAGI BALLARNI TO‘PLASHI KERAK

🔤oliy toifa uchun  80 ball va undan yuqori

1️⃣birinchi toifa uchun 70 ball va undan yuqori

2️⃣ikkinchi toifa uchun 60 ball va undan yuqori

🔤mutaxassis toifa uchun 55 balldan 59 ballgacha

⚠️55 balldan kam ko‘rsatkichga ega bo‘lsa, attestatsiyadan o‘tmagan, mutaxassis (oliy ma’lumotli o‘qituvchi) lavozimiga muvofiq emas deb hisoblanadi. Navbatdan tashqari attestatsiyaga jalb etilgan pedagog kadrlar bundan mustasno.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️PISA 2025 tadqiqotida ishtirok etuvchi maktablar tanlab olindi

PISA 2025 tadqiqotida qatnashish uchun xalqaro tashkilotlar tomonidan respublikamizdagi 233 ta maktab tasodifiylik tamoyili asosida tanlab olindi. Mazkur maktablardagi 9050 nafar 15 yoshli o‘quvchi tadqiqotda qatnashishi nazarda tutilgan.

2025-yildagi tadqiqotda dunyoning 91 ta mamlakatlari qatorida O`zbekiston maktablarining munosib ishtirokini ta’minlash bo‘yicha Iqtisodiy hamkorlik va taraqqiyot tashkiloti (OECD) bilan hamkorlikda qator ishlar amalga oshirilmoqda.

➖ Tadqiqot jarayonlari 2025-yilning aprel va may oylarida o‘tkazilishi rejalashtirilgan bo‘lib,  sinovlar kompyuter yordamida onlayn tarzda tashkil etiladi.

Ma’lumot uchun: 2022-yildagi tadqiqotda jami 81 ta davlat ishtirok etgan bo‘lib, O‘zbekistondan 202 ta maktabdan 7 293 nafar o‘quvchi qatnashgan.

👉Maktablar ro‘yxati

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️METODBIRLASHMA RAHBARIGA 10% USTAMA QUYIDAGI QILGAN ISHLARI UCHUN BERILADI.

Vazirlar Mahkamasining 823-sonli qarori bo‘yicha umumtaʼlim muassasasining fan yo‘nalishlari bo‘yicha metodbirlashma rahbarlariga 10% ustama berish mumkinligi ko‘rsatib o‘tilgan.

Xo‘sh, bu ustamalar qaysi mezon asosida belgilanadi? Ushbu mezon Maktabgacha va maktab ta’limi vazirligining 2023-yil 22-avgustdagi 02-02/1-1347-sonli xatida belgilab berilgan.

Unga ko‘ra metodbirlashma rahbarlari quyidagi ishlarni bajarishlari kerak bo‘ladi.

Metodbirlashma rahbari tomonidan metodbirlashma aʼzolari uchun kamida 3 va undan ortiq metodik tadbir (o‘quv-seminar, mahorat darslari, fanga doir qo‘shimcha maʼlumotlar, yangiliklar muhokamasi yuzasidan davra suhbati va hokazo) tashkil etilgan bo‘lishi;

Metodbirlashma rahbari tomonidan metodbirlashma aʼzolariga taʼlim-tarbiya jarayonida foydalanish uchun chorakda 1 ta pedagogik texnologiya yoki o‘quvchilarning fanni o‘zlashtirishdagi bo‘shliqlarini to‘ldirish usullari tavsiya etilgan boʼlishi;

Metodbirlashma rahbari tomonidan umumta’lim muassasasida boshqa fan metodbirlashmalari bilan fanlararo integratsiyani kuchaytirish va STEAM yondashuvni samarali tashkil etish masalasi chorakda bir marta muhokama qilinishi;

Metodbirlashma rahbari tomonidan umumtaʼlim muassasasida metodbirlashmaga a’zo bo’lgan o‘qituvchilarning barchasi “Ochiq dars”lar tashkil etishini nazorat qilishi;

Metodbirlashma rahbari tomonidan metodbirlashma yig‘ilishini chorakda bir marta o‘tkazilgan bo‘lishi kerak.

Qilingan ishlar yuzasidan metodbirlashma rahbari maktabda tuzilgan ishchi guruhga bir varoqdan oshmagan holda qisqa ma’lumot va ikki dona fotolavha taqdim etishi kerak bo‘ladi. Ishchi guruh qilingan ishlarni 100 ballik tizimda ballaydi va eng kamida 61 ball to‘plangan taqdirda 10% ustama belgilaydi.

Ushbu baholash mezonlarining to‘liq matni.

ESLATMA: sinf rahbarlari metodbirlashmasi rahbariga 10% li ustama to‘lanmaydi. Chunki, ustama faqatgina fan yo‘nalishidagi metodbirlashma rahbariga to‘lanadi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️DARS ETAPLARI QUYIDAGICHA

An’anaviy dars o’tish jarayonlari 6 ta bosqichda amalga oshiriladi. Pedagoglar ushbu dars etaplariga rioya qilishlari kerakdir.

🔹Darsning tashkil qilish jarayoni (tashkiliy qism)
🔹O’tilgan va uyga berilgan mavzuni so’rash va takrorlash jarayoni
🔹Yangi mavzu mazmunini  tushuntirsh jarayoni
🔹Yangi mavzuni  mustahkamlash amaliy va  mustaqil ishlar bajarish jarayoni
🔹Darsni yakunlash  va baholash jarayoni
🔹Uyga vazifa berish jarayoni

⚠️Darslarni tahlil qilishda ushbu etaplarga rioya qilishlari hisobga olinadi. Uztozlarga yetkazib qo'yamiz!

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️OMMALASHTIRISH UCHUN QUYIDAGI ISHLAR QILINISHI KERAK

Avvalo oʻqituvchi tomonidan metodik qoʻllanma yoki metodik tavsiya oʻylab topiladi. (yoziladi) Soʻng, ushbu metodik qoʻllanma yoki metodik tavsiya maktabning tegishli fan metodbirlashmasida koʻrib chiqiladi. Metodbirlashmaning tavsiyasi bilan maktabning pedagogik kengashida koʻriladi va ijobiy xulosa berilgan taqdirda (maktab miqyosida ommalashtirilsin deb qaror qabul qilingan taqdirda) ommalashtirish.uz platformasiga joylanadi.

Platformaga 1-martdan joylash boshlanadi. Demak, oʻqituvchilar hozirda metodik qoʻllanma yoki metodik tavsiyani tezroqda yozib tugatishlari va metodbirlashmada, pedagogik kengashda qaror qabul qilinishi kerak. Ma’lumot uchun ish tajribalarni ommalashtirishga favqulodda navbatdan tashqari metodbirlashma yigʻlishi va pedagogik kengash oʻtkazilishi mumkin.

Demak, eng asosiysi metodik qoʻllanma yoki metodik tavsiya yozish kerak. Uning tuzilishi quyidagicha boʻladi:
Muqova (titul), Sarlavha, Annotatsiya, Tarkib (muallif, masʼul muharrir, taqrizchilar nomma nom kiritilishi kerak), Mundarija, Kirish, Asosiy qism, Xulosa, Ilovalar (qoʻshimcha materiallar, diagrammalar, jadvallar, chizmalar, testlar, xaritalar – agar bor boʻlsa.)

Metodik qoʻllanma yoki metodik tavsiyaga qoʻyiladigan barcha talablar bilan Maktabgacha va maktab taʼlimi vazirining 2024-yil 7 -fevraldagi 32-sonli buyrugʻining 2-ilovasida toʻliq tanishishingiz mumkin.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️METODBIRLASHMA RAHBARINING HUJJATLARI AMALDAGI NIZOMGA KO‘RA QUYIDAGICHA.

Maktabgacha va maktab ta'limi vazirining 2024-yil 5-yanvardagi 8-sonli buyrug‘iga ko‘ra:

Metodbirlashmaning faoliyati umumta’lim maktabi direktorining o‘quv ishlari bo‘yicha direktor o‘rinbosari tomonidan nazorat qilinadi.

Metodbirlashma yig‘ilishlari har chorakda kamida bir marta o‘tkaziladi.

Metodbirlashma faoliyatiga doir quyidagi hujjatlar bo‘lishi lozim:

✅Metodbirlashmaning tasdiqlangan yillik ish rejasi;

✅Yig‘ilish bayonnomasi;

✅Yillik hisoboti.

Metodbirlashma hujjatlarining yuritilishi va saqlanishiga Metodbirlashma rahbari javobgar hisoblanadi.

Metodbirlashmaning yillik ish rejasi, yigʻilish bayonnomasi, hisoboti uch yil mobaynida saqlanadi hamda tegishli arxivga topshiriladi.

Metodbirlashmaning yuqoridagi hujjatlarini sifatli holda tayyorlanganini sotib olish uchun quyidagi lichkaga yozing👇👇
@hujjatlar_mutahasisi
@hujjatlar_mutahasisi

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️O'quvchini qandaydir aybi sababli darsdan chiqarib yuborish mumkin emas.

Maktabga kеlgan o'quvchini dars vaqtida qarovsiz qoldirib, ularni kеchikkani, o'quv qurollari yoki maktab formasining yo'qligi uchun darsdan haydab chiqarib yuborish mumkin emas.

Darsga kеchikish, o'quvchilar tomonidan o'quv-qurollarini olib kеlinmasligi yoki maktab formasining yo'qligi ularni darsga kiritilmasligiga asos bo'lmaydi. Ta'lim muassalaridagi o'quv jarayoni «qonuniylik, dеmokratik, kamsitishga yo'l qo'ymaslik va hurmat» prinsiplariga asoslanishi kеrak.

Maktabgacha va maktab ta'limi vazirligining 2023-yil 31-avgust 282-sonli buyrug'i bilan tasdiqlangan "Umumiy o'rta ta'lim muassasalarining ichki tartib va odob-axloq qoidalari"ga ko'ra, o'qituvchilar jamoa a'zolari va boshqalaring shaxsiyatini va qadr-qimmatini kamsitishi, o'quvchilarni dars mashg'ulotlaridan asossiz chiqarib yuborish yoki kiritmasligi hamda “Chiqish” qo'ng'irog'i chalingandan kеyin o'quvchilarni sinfxonada ushlab o'tirishi mumkin emas.

❕Xo'sh, unda maktab ichiki tartib qoidalariga bo'ysunmagan o'quvchilarga qanday chora ko'riladi?

"Umumiy o'rta ta'lim muassasalarining ichki tartib va odob-axloq qoidalari"ga ko'ra, taritibbuzar o'quvchilar ota-onasiga nisbatan muassasaga biriktirilgan inspеktor-psixolog tomonidan tеgishli ma'muriy javobgarlik choralarini qo'llash ham mumkin. (o'ta og'ir holatlarda)

Shuningdеk, qoida buzilish holatlari kuzatilganda, o'quvchini muassasa ichki nazorat ro'yxatiga olish va yakka tartibda shug'ullanish, farzandi tarbiyasiga mas'uliyatsizlik bilan yondashayotgan ota-onalarning ish joyiga yoki mahalla fuqarolar yig'iniga ma'lumot yuborish ham mumkin.

❕Muhim eslatma: Yuqoridagi qoidalarga amal qilmay o'quvchilarni shaxsiyatiga tеgish yoki darsdan chiqarib yuborish pеdagog xodimlarning zarariga ishlashi mumkin. Shu sababli, bunday masalalarni bosiqlik yo'li bilan hal etish maqsadga muvofiq.

©Xalq ta’limi info

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️O‘QUVCHILARGA DARS MASHG‘ULOTLARI (SINF XONALARI)DA QUYIDAGILAR TAQIQLANADI


❌dars vaqtida o‘rinsiz gaplashish, ovqatlanish, saqich chaynash;

❌qog‘oz va boshqa keraksiz narsalarni qoldirib ketish;

❌mashg‘ulotlar yakunlangunga qadar ta’lim muassasasi hududidan o‘qituvchilar ruxsatisiz tashqariga chiqish;

❌yozma ishlar va oraliq nazoratlarni bajarish vaqtida chetdan yordam so‘rash;

❌boshqa o‘quvchilar tomonidan tayyorlangan topshiriqlar yoki yozma ishlarni o‘z nomidan topshirish;

❌telefondan (smartfon, planshet va boshqa gadjet qurilmalar) foydalanish, uni parta ustiga qo‘yish.

Asos: Maktabgacha va maktab ta’limi vazirining 2023-yil 31-avgustdagi 282-son buyrug‘i

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️O‘QITUVCHIGA MAKTAB HUDUDIDA QUYIDAGILAR TAQIQLANADI🚫

(buni barcha o‘qituvchilar bilib olishi kerak)

- jamoa a’zolari va boshqalarning shaxsiyatini, qadr-qimmatini kamsitish, ruhiy va jismoniy zo‘ravonlik ko‘rsatish;
- o‘quvchilarni dars mashg‘ulotlaridan asossiz chiqarib yuborish yoki kiritmaslik;
- “Chiqish” qo‘ng‘irog‘i chalingandan keyin o‘quvchilarni sinfxonada ushlab o‘tirish;
- ta’lim muassasasiga va dars mashg‘ulotlariga spirtli ichimliklar iste’mol qilgan, soch-soqolni tartibga keltirmagan va kiyinish odobiga rioya qilmagan holda kelish;
- ta’lim muassasasi hududi va binosida spirtli ichimliklar va tamaki mahsulotlarini iste’mol qilish;❌

- muassasa hududi va binosida o‘quvchilarning ta’lim-tarbiyasiga aloqasi bo‘lmagan turli xil tadbirlar (tug‘ilgan kun, yubiley, iftorlik va boshqa tadbirlar bilan bog‘liq bayramona dasturxonlar)ni tashkil etish;
- ta’lim muassasasida o‘tkaziladigan barcha tadbirlar va ularga tayyorgarlik ishlari dars mashg‘ulotlari vaqtida o‘tkazilishi taqiqlanadi.❌

- o‘quvchilarni jazolash maqsadida ularga nisbatan jismoniy kuch ishlatish yoki ruhiy tazyiq o‘tkazish holatlariga yo‘l qo‘ymaslik;
- ichki tartib va kiyinish madaniyatiga rioya qilmaydigan o‘quvchilarni sinfdoshlar yoki muassasa jamoasi oldida muhokama qilmaslik;
- o‘quvchilar tomonidan uyga vazifani bajarmay kelgan o‘quvchini ommaviy izza qilish holatlarini uyushtirmaslik;
- chet elga noqonuniy ravishda chiqib ketgan o‘quvchilar to‘g‘risidagi ma’lumotlarni muassasa rahbariyatidan yashirmaslik;
- o‘quvchining ota-onasi yoki qonuniy vakillari bilan shaxsiy adovatga bormaslik;❌

💰Oylik bot

Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Atayin o'qituvchining jahlini chiqaradigan o'quvchilar bilan qanday ishlasa bo'ladi?

Savol

Bir o'quvchi dars davomida ataylab mening asabimga tegish uchun har xil qiliqlar qilyapti. Yaxshi gapirib ham yo'lga solib bo'lmadi.

Ota-onasiga aytgandim, ular kelib tartibga chaqirib ketti. Lekin foydasi bo'lmadi, aksincha u meni battar yomon ko'rib qoldi. Nima qilib, shu o'quvchini to'g'ri yo'lga solsam bo'ladi?

Javob

Bunday vaziyatlar juda ham nozik yondashuvni talab qiladi, chunki o‘quvchining o‘zini bunday tutishining sabablari boshqa omillar bilan bog'liq bo‘lishi ham mumkin.

Bunday vaziyatlarda quyidagi usullardan birini qo'llab ko'ring:

✅Birinchi usul: Maktab psixologi bilan maslahatlashish yoki o‘quvchini psixologga yo‘naltirish. Psixolog uning xatti-harakatining asl sabablarini aniqlashga yordam beradi.

✅Ikkinchi usul: O‘quvchini jazolash yoki unga bosim o‘tkazish ko‘pincha qarshilikni kuchaytiradi. Shuning uchun jazolash o‘rniga, u bilan do‘stona va ochiq muloqotga kirishib ko'ring.

U nima sababdan bunday qilayotganini tushunishga harakat qiling. Ba'zan o'quvchilar shunchaki e’tibor qozonish uchun shunday qilishlari mumkin.

Bu haqda dars vaqtida emas, tanaffus yoki darsdan keyin, suhbatga rasmiy tus bermagan holda samimiy gaplashishga harakat qiling. Suhbatni tanbeh yoki tanqid bilan emas, ijobiy va samimiy so‘zlar bilan boshlang.

Masalan: "Men seni yaxshi tushunishni, nimalar senga yoqmayotganini va darslarda qanday yordam berishim mumkinligini bilishni istayman."

Suhbat davomida uning yaxshi qirralarini tilga oling. Masalan: "Senda yaxshi qobiliyat bor, faqat uni dars davomida ham ko‘rsata bilsang, juda foydali bo‘ladi."

✅Uchinchi usul: O'quvchiga kichik mas’uliyat yuklab ko'ring. Masalan, unga dars jarayonida kichik bir vazifa yuklang. Bu uning o‘zini muhim his qilishiga yordam beradi.

Umuman olganda, suhbat davomida muloyim va xotirjam bo‘ling. Asabiylashganingizni o'quvchilarga sezdirmaslikka harakat qiling.

Asosiy maqsad — o‘quvchining o‘zini tushunilgan va unga alohida e’tibor qaratilayotganini his qilishini ta’minlashdir. Bu yondashuv vaqt talab qilishi mumkin, lekin natijasi albatta ijobiy bo‘ladi.

Bunday usullar juda ham ko'p. Kelgusi postlarimizda boshqa metodlar haqida ham batafsil yozishga harakat qilamiz.

©Stressiz ta'lim

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️KUNDALIK COMDA (E MAKTABDA) HISOBOTLARNI BARCHA BO‘LIMINI 100% QILISHNING ODDIY USULI.

Kundalik comda hisobotingizning barcha bo‘limi 100% bo‘lmayaptimi? Buning uchun quyidagi ishni qiling. Google browzerdan kundalik comga kiring.

1-jurnalga kirib mavzuni yozing (agar, avvaldan mavzuni yuklamagan bo‘lsangiz. Agar mavzuni yuklagan bo‘lsangiz mavzuga tegmang)

2-o‘quvchilarga baho qo‘ying.

3-uy vazifasini yozing. Agar, avvaldan uy vazifasi yuklangan bo‘lsangiz, uni o‘zgartiring, yoki qo‘shimcha qo‘shing (hech bo‘lmasa bitta nuqta qo‘ying)

Diqqat! Shu 3 ta ishni o‘z vaqtida qiling, hisobotingizning barcha bo‘limi 100% bo‘lmasa men kafil.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

🔔“MAKTAB”

Baxtga narvon, bilimga kon erur maktab,
Zakovat doniga xirmon erur maktab.
O'g'il-qizlar, o'qing ulkan murod ko'zlab,
Ziyo topmoq uchun imkon erur maktab.
O'qing, minglab ahli dono kerak yurtga,
Yana Bobur, ibn Sino kerak yurtga.

Navoiy so'zni zar etdi ilm istab,
Buxoriy el kezib o'tdi ilm istab.
Riyoziyot shohi bo'ldi Xorazimiy,
Ulug'bek yulduzga yetdi ilm istab.
O'qing, Farg'oniy, Huvaydo kerak yurtga,
Beruniy, Termiziy, Kubro kerak yurtga.

Necha yovdan qaqshagan bu aziz tuproq,
Qadim janglar guvohi har dala, so'qmoq.
Buyuk yurt tarixin anglab g'urur to'plang,
Mard bobongiz Temurbekdek turing ogoh.
O'qing, idrokli posbonlar kerak yurtga,
Shiroq yanglig' pahlavonlar kerak yurtga.

Surib davron, Vatanda xon bo'ling doim,
Qadoqqo'l bu elga darmon bo'ling doim.
Shahar tiklang, oching dunyo sari yo'llar,
Nomi besh qit'ada doston bo'ling doim.
O'qing, ongli qizu o'g'lon kerak yurtga,
Qodiriy, Nodira, Cho'lpon kerak yurtga.

Qunt ila qirq hunar olmoqqa shahd aylang,
Shamoldan ham shakar olmoqqa shahd aylang.
Zamondan-da yurib ilg'or, bo'lib koshif,
Har ilmdan samar olmoqqa shahd aylang.
O'qing, qudrat ila shuhrat kerka yurtga,
Ma'rifatga tashna millat kerak yurtga.

Ma'rifatsiz elat maqsadda jam bo'lmas,
Ma'rifatli o'lka yotga qaram bo'lmas.
Agar maktab quyosh ersa, ilm nurdir,
Fikrsiz bosh ichra hattoki sham bo'lmas.
O'qing, fikri yorug' avlod kerak yurtga,
Va ertangi taraqqiyot kerak yurtga.

✍️Anvar Obidjon

3-chorak barchamizga hayirli kelsin!

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e