Mahbub.uz

71. Пайғамбаримиз қамарий неча ёшларида пайғамбар бўлганлар?
• 40 ярим ёшларида.

72. Пайғамбаримиз шамсий неча ёшларида пайғамбар бўлганлар?
• 39 ёшу уч ойликларида.

73. Пайғамбаримиз милодий нечанчи йили пайғамбар бўлганлар?
• 610 йил (август ойида).

74. Пайғамбаримиз қамарий қайси ойда пайғамбар бўлганлар?
• Рамазон ойида.

75. Пайғамбаримиз ҳафтанинг қайси куни пайғамбар бўлганлар?
• Душанба куни, аниқроғи, душанбага ўтар кечаси.

76. Пайғамбаримизга биринчи ваҳий нозил бўлган кечага қандай кеча дейилади?
• "Қадр кечаси" (Қадр сураси, 1 - оят).

77. Пайғамбаримизга ваҳий олиб келган фариштанинг исми нима?
• Жаброил (алайҳиссалом).

78. Пайғамбаримиз Жаброил фариштани асл суратида неча марта кўрганлар?
• 2 марта:
1) Пайғамбаримиз Жаброил алайҳиссаломдан сўраганларида;
2) Меърож кечаси "Сидратул мунтаҳо" олдида.

79. Пайғамбаримизга биринчи ваҳий нозил бўлган оятлар "Иқро" деб бошланади, бунинг маъноси нма?
• "Уқи".

80. Пайғамбаримиз қачон "Набий" бўлганлар?
• Биринчи ваҳий нозил бўлганда.

@mahbub_uz

61. Биз Ўзбекистонда Каъба тарафга қараганимизда Каъбанинг қайси деворига юзланган бўламиз?
• Эшиги жойлашган деворга.

62. Исломдан олдин Қурайш қабиласи Пайғамбаримизни қандай сифатлар билан сифатлашган?
• Амин (ишончли, омонатдор) ва Содиқ (ростгўй).

63. Аллоҳ таоло Пайғамбаримизни каттаю кичик гуноҳлардан пок сақлаганми?
• Ҳа, у зот маъсум бўлганлар, яъни каттаю кичик гуноҳлардан пок бўлганлар.
64. Пайғамбаримизнинг пайғамбар бўлишларидан олдин устозлари бўлганми?
• Йўқ, (пайғамбар бўлганларидан кейин у зотга Жаброил алайҳиссалом таълим берган.
Нажм сураси, 5 - оят).

65. Исломдан олдин Пайғамбаримизнинг энг яқин дўстлари ким бўлган?
• Абу Бакр Сиддиқ розияллоҳу анҳу.

66. Пайғамбаримиз Исломдан олдин амакилари Абу Толибнинг қайси ўғлини ўз қарамоқларига олган эдилар.
• Али розияллоҳу анҳуни.

67. Пайғамбаримиз ваҳий нозил бўлишидан олдин уч йил ҳар рамазон ойида қайси тоққа чиқар эдилар.
• Ҳиро тоғига.

68. Ҳиро тоғи Узбекистонга нисбатан Каъбанинг қайси тарафида жойлашган?
• Ўзбекистон тарафида.

69. Пайғамбаримизнинг пайғамбар бўлишларидан олдинги рост туш кўришлари неча ой давом этган?
• 6 ой.

70. Барча пайғамбарларни ким танлаган?
• Аллоҳ таоло.

@mahbub_uz

51. Пайғамбаримиз Хадийжа онамизга уйланганларида тўйда амакилари Абу Толиб хутба ўқиб, жумладан шундай деган: "Жияним Муҳаммад билан бирор киши шараф, аслзодалик, фазилат ва ақл борасида солиштириладиган бўлса, жияним шубҳасиз устунлик қилади". Савол: бу гапга ким қарши чиққан?
• Ҳеч ким қарши чиқмаган.

52. Ислом дини келишидан олдинги даврга нма дейилади?
• Жоҳилият даври.

53. Хадийжа онамиз жоҳилият даврида қандай сифатлар билан сифатланган?
• "тоҳира" (покиза), "афифа (иффатли).

54. Пайғамбаримиз Хадийжа онамизга уйланганларида маҳрга нима берганлар?
• 20 та бўталоқ

55. Пайғамбаримизни жами нечта фарзандлари бўлган?
• 7 та: 3 ўғил, 4 қиз

56. Пайғамбаримизнинг барча фарзандларини тартиб билан сананг!
• 1) Қосим (онамизга Хадийжа розияллоҳу анҳо);
2) Зайнаб (онаси Хадийжа розияллоҳу анҳо);
3) Руқайя (онаси Хадийжа розияллоҳу анҳо);
4) Умму Кулсум (онаси Хадийжа розияллоҳу анҳо);
5) Фотима (онаси Хадийжа розияллоҳу анҳо);
6) Абдуллоҳ (онаси Хадийжа розияллоҳу анҳо);
7) Иброҳим (онаси Мория розияллоҳу анҳо);

57. Қуръонда Каъбани кимлар кўргани айтилган?
• Иброҳим ва Исмоил алайҳиссаломлар (Бақара сураси, 127-оят).

58. Каъба қайта қурилганда Пайғамбаримиз неча ёшда эдилар?
• 35 ёшда.

59. Каъбанинг қайта қурилишида Пайғамбаримиз ҳам иштирок этганмилар?
• Ха, иштирок этганлар.

60. Каъбанинг қайта қурилишида "Ҳажарул асвад" – қора тошни жойига ким кўйган?
• Пайғамбаримиз соллалоҳу алайҳи васаллам).

@mahbub_uz

41. Боболари оламдан ўтганда Пайғамбаримиз неча ёшда эдилар?
• 8 ёшда.

42. Боболари ҳам вафот қилгач Пайғамбаримизни ким қарамоғига олган?
• Амакилари Абу Толиб.

43. Амакилари билан тижорат карвонида Шом диёрига борганларида Пайғамбаримиз неча ёшда эдилар?
• 12 ёшда.

44. Шом диёрида Пайғамбаримизнинг нубувват аломатларини кўриб, бу ҳақида амакилари Абу Толибга хабар берган ким?
• Роҳиб Баҳийро.

45. Пайғамбаримиз ёшликларида қандай касб билан шуғулланганлар?
• Қўй боққанлар.

46. Пайғамбаримиз успиринлик ёшларидан то пайғамбар бўлгунларигача қандай касб билан шуғулланганлар?
• Тижорат билан.
47. "Ҳилфул фузул" - мазлумларни ҳимоя қилиш учун тузилган иттифоқда Пайғамбаримиз ҳам қатнашганмилар?
• Ҳа, қатнашганлар.

48. Пайғамбаримиз "Ҳилфул фузул" иттифоқида қатнашганларида неча ёшда эдилар?
• 20 ёшда.

49. Пайғамбаримиз 25 ёшларида Шом диёрида кимнинг тижорат карвонини олиб бориб келганлар?
• Хадийжа розияллоҳу анҳонинг.

50. Пайғамбаримиз Хадийжа розияллоҳу анҳога уйланганларида неча ёшда эдилар?
• 25 ёшда.

@mahbub_uz

31. Пайғамбаримиз қайси шаҳарда туғилганлар?
• Макка шаҳрида (Каъбанинг шимоли - шарқий тарафида, Каъбадан тўғри 500м).

32. Пайғамбаримиз тўғилган ўйнинг ўрнида хозир нима бор?
• "Маккаи мукаррама" кутубхонаси.

33. Пайғамбаримизни биринчи ким эмизган?
• Туққан оналари Омина (бир ҳафта).

34. Пайғамбаримизни энг кўп ким эмизган?
• Ҳалима она - Ҳалимаи Саъдия розияллоҳу анҳо (2 йил).

35. Пайғамбаримиз Ҳалима онанинг хонадонида неча йил яшаганлар?
• 4 йил.

36. Пайғамбаримизнинг ака - ука ёки опа - сингиллари бўлганми?
• Йўқ.

37. Пайғамбаримизнинг энагалари ким?
• Умму Айман розияллоҳу анҳо.

38. "Шаққи садр" воқеасида Пайғамбаримизнинг кўкракларини очиб, қалбларидан шайтон насибасини ким олиб ташлаган?
• Жаброил фаришта.

39. Пайғамбаримизнинг оналари Омина оламдан ўтганда у зот неча ёшда эдилар?
• 6 ёшда.

40. Оналари вафот қилгач, Пайғамбаримизни ким қарамоғига олган?
• Боболари Абдулмутталиб.

@mahbub_uz

21. Пайғамбаримизнинг насаблари илк қайси пайғамбарга бориб тақалади?
• Жавоб Исмоил алайҳиссаломга.

22. "Фил воқеаси" қачон бўлган?
Пайғамбаримиз туғилган йили, аниқроғи, таваллудларидан 2 ойча олдин.

23. "Фил воқеаси" да босқинчи қўшин Каъбани буза олганми?
• Йўқ, Қаъбага етиб боролмаган.

24. Пайғамбаримиз оталаридан қачон етим қолганлар?
• Туғилмасларидан олдин, она қорнида икки ойлик ҳомила эканларида.

25. Пайғамбаримиз милодий нечанчи йилда туғилганлар?
• 571 йил.

26. Пайғамбаримиз қамарий қайси ойда туғилганлар?
• Рабиъул аввал ойида (8 ё 9 ё 10 ёки 12 - куни).

27. Пайғамбаримиз шамсий қайси ойда туғилганлар?
• Апрел ойида (19 - 23 кунлари).

28. Пайғамбаримиз қайси фаслда туғилганлар?
• Баҳор фаслида.

29. Пайғамбаримиз ҳафтанинг қайси кунида туғилганлар?
• Душанба куни.

30. Пайғамбаримиз куннинг қайси пайти туғилганлар?
• Тонг пайти – бомдод маҳали.

@mahbub_uz

11. Сиз Пайғамбаримизни қай даражада яхши кўрасиз?
•Жонимдан ортиқ.

12. Пайғамбаримизни яхши кўриш учун ишни нимадан бошлаш керак?
• Пайғамбаримизни танишдан.

13. Пайғамбаримизни оталарининг исми нима?
• Абдуллоҳ.

14. Пайғамбаримиз оналарининг исми нима?
• Омина.

15. Пайғамбаримизнинг ота - боболаридан дастлабки бештасини тартиб билан сананг!
1. Абдуллоҳ;
2. Абдулмутталиб;
3. Ҳошим;
4. Абдуманоф;
5. Қусай.

16. Пайғамбаримизнинг миллатлари нима?
• Араб.

17. Пайғамбаримиз қайси қабиладан бўлганлар?
• Қурайш қабиласидан (Қурайш у зотнинг ўн биринчи боболари).

18. Пайғамбаримиз қайси уруғдан бўлганлар?
• Бану Ҳошим уруғидан (Ҳошим – у зотнинг учинчи боболари).

19. Пайғамбаримиз қайси сулоладан бўлганлар?
• Адноний сулоладан.

20. Аднон Пайғамбаримизнинг нечанчи боболари?
•Йигирма биринчи.

@mahbub_uz

ПАЙҒАМБАРИМИЗ СОЛЛАЛЛОҲУ АЛАЙҲИ ВАСАЛЛАМ СИЙРАТЛАРИ БЎЙИЧА ҚИСҚА САВОЛ - ЖАВОБЛАР

1. Пайғамбаримиз соллалоҳу алайҳи васалламнинг исмлари нима?
• Муҳаммад (соллалоҳу алайҳи васаллам).

2. "Муҳаммад" исмининг маъноси нима?
• Тўхтовсиз, тинимсиз, ҳар доим мақталадиган.

3. Пайғамбаримизга "Муҳаммад" деб ким исм қўйган?
• Боболари Абдулмутталиб.

4. Пайғамбаримизнинг исмлари айтилганда нима дейишимиз керак?
• "соллалоҳу алайҳи васаллам"

5. "Соллалоҳу алайҳи васаллам" нинг маъноси нима ?
• Аллоҳнинг у зотга салоту саломи бўлсин.

6. Пайғамбаримизга кимлар салавот айтади?
• Аллоҳ таоло, фаришталар ва мусулмонлар. (Аҳзоб сураси, 56- оят)

7. Қуръонда "Муҳаммад" исми зикр қилинганми?
• Ҳа, 4 марта: Оли Имрон сураси,
114-оят, Аҳзоб сураси, 40-оят, Муҳаммад сураси, 2-оят, ва Фатҳ сураси, 29-оят.

8. Дунёда энг кўп қўйиладиган исм қайси?
• "Муҳаммад".

9. Имом Бухорий "Пайғамбаримизни яхши кўриш иймондандур", деб қайси китобида айтган?
• "Саҳихул Буҳорий" да ("Иймон" китоби, 8-боб, 14 ҳадис сарлавҳаси).

10. Пайғамбаримизни яхши кўришнинг ҳукми нима?
• Фарзи айн ("Ал-мавсуъатул фиқҳиятул кувайтийя", 36/187).

@mahbub_uz

Ота-онага яхшилик қилиш деганда, асосан, қуйидаги ишларни адо этиш тушунилади:

– Ота-она хизматларини холис ният билан қилиш;
– Ота-онани яхши кўриб улуғлаш;
– Шариатда ман қилинмаган ишларда доимо уларга итоат этиш;
– Ота-она хурсанд бўладиган ишларни қилиш;
– Ота-онадан олдин овқатланмаслик;
– Ота-онанинг ҳузурига киришда ҳам, чиқишда ҳам салом бериш;
– Ота-онанинг олдида овозини баландлатмаслик;
– Ота-она учун молини сарфлаш;
– Ота-она яхши кўрадиган кишиларга ҳам яхшилик қилиш;
– Сафарга ота-онанинг дуоларини олиб чиқиш;
– Ота-она шариатга мувофиқ қасам ичган бўлсалар уни адо этиш учун ҳаракат қилиш;
– Ота-онанинг жаҳллари чиқадиган ишларни қилмаслик;
– Ота-онани исмлари билан чақирмаслик;
– Ота-онани камситадиган ишлардан сақланиш;
– Ота-она вафот этганларидан сўнг ҳам уларнинг ҳақларини сақлаш.

Вафот этиб кетган ота-оналарнинг ҳақларини сақлаш қуйидаги ишлар билан амалга оширилади:
– Улар ҳаққига хайрли дуолар қилиб юриш;
– Васиятларини адо этиш;
– Уларнинг дўстларига яхшилик қилиб юриш;
– Улар орқали бўлган қариндошлик алоқаларини сақлаш;
– Улар номидан садақа қилиб туриш;
– Уларнинг қабрларини зиёрат қилиб туриш.

@mahbub_uz