Mag'zaniyshan.uz

rel='nofollow'>​​​​ИФТАРЛЫҚТАН АЛДЫН ҲАЯЛЛАР НЕ ҚЫЛЫЎЫ КЕРЕК?

  Ҳәдиси шәрийфте Аллаҳ таала оразадарға ифтар ўақтында не сораса, бериўи айтылған. Яқшы, егер бир бенде сол ўақытта ҳеш нәрсе сорамаса, ол жағдайда неге ериседи?

  Бизлердиң көпшилик аналарымыз, апа-сиңлилеримиздиң жағдайлары тап сондай, ифтарлық нәрселерин таярлаўда ҳәм дастурхан безеўде сондай бәнт болады, оларға "Ҳәй, ифтарлық ўақты болып қалды, сиз де аўыз ашып алың", деўге туўры келеди. Буның мәниси сол, ол мийнет еткен бир жумысшы, бирақ, мийнет ҳақысын бериўши, қәлегениңше сора, қанша керек?", деп турғанда, сораў ядына да келмейди. Буннан да үлкен басқа бир ғәплет болыўы мүмкин бе?

  Ҳаяллар ифтарлық нәрселери ярым саат алдын таяр етилип, дастурханға қойып қойылғанын күйеўлерине түсиндириўи керек. Ақырғы ярым саатта биз асханада ошақ басында турыўымыз орнына ҳәм не нәрселер қуўырылып атыр, гейде нелер писип атыр, бул ислер менен бәнт болыў орнына, усы ақырғы ярым саат яки жигирма минут жайнамазда отырып, Рәббимизге дуўалар етип алайық. Ҳаяллар үйлериндеги бәрше жас балаларын алдыларына отырғызып алсын ҳәм гүнадан пәк балажанларға олар да қолларын көтерип дуўа қылыўын айтсын. Егер үлкенлер гүна қылған болса, жас балалар гүнадан пәк. Ким билсин, усы гүнадан пәк қоллар көтерилгеннен кейин, Аллаҳ таала рейим етип, сиздиң дуўаларыңызды қабыл етер.

  Сонлықтан ҳаяллар ифтардың усы ўақытларын қәдирлеўи керек. Егер қайсыдур үйде тек бир ғана ҳаял болса, ол жағдайда дуўа қол менен емес, қәлб пенен қылынады. Соған көре, қол ис пенен бәнт болсын ҳәм сиз усы жағдайда да қәлбиңизде Аллаҳ таалаға дуўалар қылып атырған болсаңыз, демек, сиз де усы ўақытта Аллаҳ тааладан сораған нәрсеңизге ерисе аласыз.

📖 Ҳәзирети Зулфиқар Аҳмад Нақшбандий.

✈️ @MagzaniyshanUz

rel='nofollow'>​​​​#рамазан_оразасына_тийисли_қысқа_сораў_жуўаплар

Сораў: Ғусылда ғарғара қылыў менен ораза ашыла ма? 
Жуўап: Оразада ғарғара қылыў мәкириў. Егер ишке суў кетип қалса, ораза ашылады. 

Сораў: Жарақатларға дәри қуйыў менен ораза ашыла ма? 
Жуўап: Еки түрдеги жарақатқа дәри қуйыў менен ораза ашылады. Қуйылған дәри бастағы мийге жетип баратуғын жарақат; Қуйылған дәри асқазанға жетип баратуғын жарақат; 

Сораў: Жунуб ҳалда оянған адам сәҳәрлик ўақты таўсылайын деп қалған болса, биринши сәҳәрлик қыла ма ямаса ғусыл қыла ма? 
Жуўап: Сәҳәрлик ўақты аз қалған болса, онда аўыз-мурнын жақсылап шайып, кейин сәҳәрлик қылады. Субҳи садық киргеннен кейин ғусыл қыла береди. Жунуб ҳалда оразаны баслаў оразаға зыян жеткизбейди. 

Сораў: Не затлар менен аўыз ашқан сүннет? 
Жуўап: Пискен қурма, қурманың қағы, олар болмаса, мазалы нәрсе менен, ол да болмаса, суў менен аўыз ашыў (Умдатул Фиқҳ). 

Сораў: Каффарат ўәжиб болыўын билместен Рамазанның оразасын қастан бузған адамға каффарат ўәжиб бола ма? 
Жуўап: Рамазан оразасын қастан бузғанға каффарат лазым болады. Мәселени билмеўи үзир болмайды. Соның ушын избе-из еки ай ораза тутады. Буған қәдир болмаса, алпыс мискинди аўқатландырады. 

Сораў: Мойнына каффарат лазым болған адам еки ай избе-из ораза тутпастан, алпыс мискинди аўқатландырса бола ма? 
Жуўап: Ораза тутыўға қәдир бола турып, бундай қылыўы менен каффарат өтелмейди, орнына өтпейди. 

Сораў: Рамазанның қазасы ҳәм каффаратын таң атаман дегенше нийет қыла алмаса, не болады? 
Жуўап: Рамазанның қазасы ҳәм каффаратын тутып атырған адам таң атпастан алдын ораза тутыўды нийет қылыўы шәрт. Соның ушын сәҳәрликте тура алмай қалыўдан қорыққан адам қуяш батқаннан кейин ертеңги күнниң оразасын тутыўды нийет қылдым десе, жеткиликли. 

✈️ @MagzaniyshanUz