MAGNIT⚡️

#Эркаклар_учун

​Аёлингизнинг қадрига етяпсизми?..

Эрга итоат борасида ўзбек аёлларига етадигани дунёда йўқ бўлса керак деб ўйлайман.
Малайзияда бир укам бор.
Тақдир тақозоси билан малай қизга уйланган.
Шу укам айтади:
– Оналаримиз, умуман ўзбек аёллари тиллога тенг. Чарчаб ишдан кеч келаман, уйга келганингда суюқми, қуюқми овқат тайёр бўлса, бунга нима етсин. Майли, овқат қилиб кутиб олмасин, қорним оч, икки дона тухум пишириб бер, десам, хотинимга эриш туюлиб кулади. Ўзим пишириб ейман. Ҳеч шу нарсаларни ўргатолмаяпман...

Дубайда ишлайдиган дўстим айтади:
– Дубайда қурилиш қилдик, ишчиларга ҳар куни уйдан овқат олиб келаман.
Бир куни ёнимиздаги қўшни араб сўраб қолди:
– Бу овқатни қаердан олиб келяпсан?
– Уйдан, хотиним тайёрлаб беряпти.
– Қўйсанг-чи, алдама, хотиним менга овқат пишириб бермайди-ю, сенинг хотининг бутун жамоангга овқат қилиб берадими? Машааллоҳ, субҳаналлоҳ, деб такрорлашдан бошқа гапга ўтолмай қолди...

Туркиядаги танишим айтади:
– Турклар аёлидан ҳасрат қилганини кўп эшитиб қоламан. Эрининг қўлида пули борми-йўқми, умуман қизиқтирмас экан. Эр ишдан келишига "Бизни фалон ресторанга олиб бор, шунақа овқат егимиз келяпти", деб фарзандларини кийинтириб, тайёр бўлиб олар экан. Қўлимда пулим йўқ, ойлигим чиқса борамиз, деса ҳам деб қайсарлик қилиб туриб олар экан...

Буларни ёзиб, бошқа миллат аёлларини ёмонлаш эмас мақсадим. Шунчаки ўзбек аёлларимизнинг қадрини билмаётганимиз ва биздагидек аёллар ҳеч ерда йўқлигини эслатмоқчиман, холос.
Эрталаб намозга уйғотса, нонушта тайёрласа, фарзандларингизни оқ ювиб-оқ тараб мактабга жўнатса, кийимларингизни дазмоллаб тахт қилиб қўйса, айтганингизни қилса, гап қайтармаса, ишдан келишингизга жилмайиб кутиб олса, уйда доим мазали иссиқ овқатингиз тайёр бўлса.

Бунақанги аёллар қаерда бор?

Аёлингиз меҳнатини қадрланг, ҳадялар бериб хурсанд қилиб туринг.
Инсон неъмат қадрини фақат йўқотгандагина ҳис қилар экан. Кейин кеч бўлиб афсус қилиб қолманг, дейман...

T.me/magnituspexa

 #Ибрат

🚷 Бутун дунё йўқ деса ҳам!
   
Генри Уорд Бичер исмли киши мактабда ўқиб юрган кезлари бир умрга татигулик воқеани бошидан кечирди ва бундан ўзига яраша хулоса чиқара олди:

📖Ёш Генридан ўртага чиқиб, ўтилган дарсни синфдошларига тушунтириб беришни сўрашади. У мавзуни эндигина бошлаган ҳам эдики, ўқитувчиси «йўқ» дея фикрини бўлади. Генри такрор бошидан бошлайди, аммо устози яна бақиради: «Хато». Иззат-нафсига теккан, бу гапдан жаҳли чиққан Генри бориб жойига ўтиради.
Навбатдаги ўқувчи дарсни гапириб бериш учун ўрнидан туради ва у ҳам маърузани бошлаган заҳоти ўқитувчисидан рад жавобини эшитади: «Бўлмаган гап». Бироқ бу ўқувчи мулоҳазасини охиригача давом этади. Гапини тугатиши билан ўқитувчи «Баракалла», деганча ўтиришга рухсат беради.
Бу ҳол Генрини тамомила шошириб қўйган эди. У устозига бўлиб ўтган англашилмовчиликдан норозилини баён этади: «Мен ҳам худди шундай гапириб бераётган эдим, ҳеч нарсага тушунмаяпман». Ўқитувчи эса жилмайганча унга шундай дейди: «Дарсни тўлиқ тушунмагансан, буни тан олишинг керак. Сени тўхтатишимга имкон беришинг ўзингга нисбатан ишончсизликдан далолат беради. Ҳатто бутун дунё «йўҚ» деса ҳам, сенинг вазифанг «ҲА» дейиш ва ҳақлигингни исботлаб беришдан иборатдир!»

⏳Умрингиз давомида одамлар минг хил кўринишда сизга «йўқ» дейишади:
-   Тўхта, буни қилолмайсан.
-   Тўхта, янглиш йўлдан кетяпсан.
-   Тўхта, бунинг ҳеч нарсага ярамайди.
-   Тўхта, етарлича билиминг йўқ.
-   Тўхта, пулинг йўқ.
-   Тўхта, нотўғри қилябсан... 

Ҳар бир «йўқ» жавоби, ўзингизга бўлган ишонч синдиради, сиз таслим бўлдим демагунингизча, улар сизни синдиришда давом этади. Атрофингиздагилар ҳар куни сизга «йўқ» десалар-да, сиз ўзингизга ишонсангиз “ҲА” дейишда давом этинг ва муваффақиятга эришиш учун борингизни сарфланг.

T.me/magnituspexa