Ауырудың барлық түрлеріне қарсы нәтижелі тәсіл
Сахаба Абдулла Ибн Масғуд, ‘Убада ибн Самит, Ибн ‘Омар, Әбу Умама, Самура ибн Джундуб және Әнас (оларға Алла тағаланың разылығы болсын) Пайғамбарымыз Мұхаммед Мұстафа صلى الله عليه وسلم айтқан мына сөздердін риуаят еткен: «Науқастарыңды садақа арқылы емдеңдер».
[әл-Байхақи 3/382, ат-Табарани “әл-Кабир” 10196, “ас-Сағир” 1963, “ад-Ду’а” 2806, Әбу Ну’айм “әл-Хиля” 2/104]
Бір адам имам Абдулла ибн Мубаракка келіп, жеті жыл бойы тізесіндегі қанталаған жарасын дәрігерлер емдей алмай жүргенін айтқанда, имам оған халық қолдануына арнап құдық қазуын бұйырып былай деген: “Бұл жаранын қанталауын тоқтатып, көз тиюді қайтарады деген үміттемін”.
[“аз-Зауаджир” 1/321]
"Имам әл-Байхақидың айтуынша, имам әл-Хакимның бетінде ірің шыққан кезде ол бір жыл бойы түрлі емдерді қолданған, бірақ әсері болмады. Сонда ол садақа ретінде үйінің жанында құдық қазғызып мұсылмандарға су беріп шөлдерін қандырған. Бұдан кейін бір аптадай уақыт өтпей ол тәуір болып, беті жазылып бұрынғыдан да жақсы болып кетті".
[“ат-Тарғиб” 2/72]
Сәләфтардың құдық жайлы айту себебі бұл олардың заманындағы ең абзал садақаның түрі еді.