Shahobiddinovna | Shaxsiy Blog

***

- Ona, men chumolini bosib o'ldirib qo'ydim.
- Bekor qilibsan, endi uning ham onasi xafa bo'ladi, yig'laydi.
- Yo'q, bu tarafini ham o'ylab, onasini ham o'ldirib qo'ydim.
...

Ushbu qisqa hikoya yoxud dialog uchun tushunganingizcha tahlil yoki fikr yozishingni istardim. Shunchaki erkin va shaxsiy fikrlar.

@Madina_Shahobiddinovna

❗️❗️❗️

Katta tarjimonlarga havas qilib, kichkina kanalcha ochib qo'ydim, qo'llavorasizlar endi, kanali borlar, reklama qilib bersangizlaram juda katta yaxshilik qilgan bo'lasizlar.

@Shahobiddinovna_blogi

♦️Tez orada esa katta yangilik bilan e'tiborlaringizga chiqamiz. Hozir esa qo'llab-quvvatlashni kanda qilmaysiz deb umid qilib qolamiz))

Hurmat bilan Shahobiddinovna!

Qachondir qayerdadir orttirgan dardingiz butun hayotingizni buzmasligi kerak.

Sizning ayni hozirgi vaqtlaringiz hech qachon qaytmaydi.

Bir vagon pul olib borib qo'ysangiz ham hech kimni baxtli qila olmaysiz.

Inson aynan hibsxonada bo'lmasa ham baribir nimagadir tutqun bo'ladi.

Inson oldidagi eng katta qo'rquv nimasidir o'xshamasligidan bo'ladi. Lekin nimadir o'xshamay qoldi degani o'lyapsan degani emas. Asosiysi ham shunda.

O'lish hammani qo'lidan keladi. Hammasiga jasorat qilib yashash esa unday emas.

©podcast: Sanjar Nazar

#podcast_f
@Madina_Shahobiddinovna

Katta o'zgarishlar tub ildizi kichkina joyda - ichimizda bo'ladi.

Dardning kalibri muhim. Insonni harakatga keltirib turadigan ham dard.
Har qanday farovonlik ostida ham albatta dard bor.

Ideal narsalar inson rakursidan tashqarida bo'ladi. Inson qatnashgan har qaysi narsada xato uchraydi.

Qayerdadir ideal oq bor, lekin biz uni tiniqlashtirish uchun, yana ham oqartirish uchun battar xiralashtiryapmiz.

Ba'zilar uchun muammolari yechilganida hamma narsa tugaganday tuyuladi, xuddiki hech narsa qolmaganday. Shuning uchun ham ba'zilar muammolarni yechishdan qo'rqishadi.

(davomi bor...)

©podcast: Sanjar Nazar

#podcast_f
@Madina_Shahobiddinovna

Men til yutib turganim bilan
So'zlar sukut saqlolarmidi?!
[Marsilius MARTINAYTIS]

Bir so'z izlayapman —
bir so'zki,
dunyoni titratib, to'zg'itmasa ham
borligin sezdirib turolsin o'zin,
uni his qilolsin har lahza olam.

Vujudimda oqsin
rangsiz,
ohangsiz,
(axir ular bari faqat o‘tkinchi.)
U anglatsin
erk — olinmas jangsiz,
ildizida yonsin Inson o'kinchi.

Quyoshdek qizitib qaynoq taftida,
tufrog'dek bag'rida Ishqni undirsin.
Bu so'z poklik tig'in olib kaftiga,
yovuzlik ko'ksiga sanchsin — o'ldirsin.

Men uni izlarman toki tanda jon,
mayli,
quvvatlarim bu yo'lda tolsin.
Men hatto tilimni yutib turgan on,
u sukut qafasin parchalay olsin.

✍Mirzohid Muzaffar

@Madina_Shahobiddinovna

Evini temiz tut misafir gelebilir, kendini temiz tut Azrail gelebilir.
___

Uyingni toza tut mehmon kelishi mumkin
O'zingni (qalbingni, ruhingni) toza tut Azroyil kelishi mumkin.

Turk xalq maqoli
©hamidovazamira

@Madina_Shahobiddinovna

Maskarad

Aslida, dunyo bir sahna. Hayot maskarad bazmi. Lekin undan yagona farqi, insonlar yonida juda ko'plab niqoblar mavjud.

Insonlar kerak paytida muloyim mushuk niqobini, kerak paytida vaxshiy bo'rini, kerak paytida ayyor tulki niqobini kiyib olishadi.

Shunday insonlar borki, har qanday niqob taqqan taqdirida ham ichidagi asl hayvon qaysi ekanini bildirib qo'yadi.

Shunday insonlar borki, haqiqatan niqobidagidek bo'ladi, ularni asl deb o'ylaysiz, hatto.

Lekin shunday holat borki, ba'zan birgina bo'ri katta-yu kichikka mehr bilan munosabat qiladi.

Ba'zan esa mehribon quyon qiyofasi esa har qanday tulkining ishini qila oladi.

Har qanday voqea ham insonga bir xulosa bera oladi:

Asling kabi ko'rin, yoki ko'ringaning kabi bo'l. (Rumiy)

#fikrlash
@Madina_Shahobiddinovna

Eng qiyin narsa istagan ishingni qilish emas, nimani istashingni bilishdir.

The almanack of Raval Navikant | Erik Jorgenson

@Madina_Shahobiddinovna

Kurmakni deb och qolmang.

Birgina xatoni deb butun boshli to'g'ri narsani ham yomonga chiqarishadi. Bu xuddi guruch ichidagi birgina kurmakni deb taomning hammasini yemay qo'yishga o'xshaydi.

Turk tilini o'rganib, turk adabiyotini o'z tilida o'qishni boshlaganimdan beri ko'pchilik menga turk tili yaxshi emas, turk adabiyoti juda yengil-yelpi deyishni boshlashgan.

Soham ham adabiyot bo'lgani uchun hozirda o'zbek tilida chop etilayotgan turk asarlarini men ham oqlamayman. Lekin bu bilan turk adabiyoti faqat shulardan iborat bo'lib qolmaydi.

Juda ko'pchilik tanishlarim aytgan, Turkiyada hatto ba'zi yozuvchilarni turklarning o'zi tanishmas ekan. Faqatgina ba'zi pul uchun ishlayotgan tarjimon yoki nashriyotlar ularni "mashhur" qilishmoqda.

Tanganing boshqa tarafi ham bor. Besh qo'l barobar bo'lmaganidek, bu asarlarni o'qib, rohat qiluvchi insonlar ham bor. Chunki ularning fe'li shundayki, o'zini aldagan holda yashashganida, yana-da muvaffaqiyatga erisha olishadi. Ularga shu hayot tarzi ma'qul. (Psixologoyada o'qiydigan biri aytdi, bunday asarlar insonni "aldaydi").

Xullas, inson o'z dunyoqarashidan kelib chiqib fikrlaydi. Lekin bu degani faqatgina aynan uning fikrlari to'g'ri degani emas. Boshqalarga nimadir haqida gapirishdan avval, har taraflama o'ylab ko'ring: ularning dunyoqarashi, ularning ko'zi siz ko'rayotgan rangni emas, boshqa rangni ko'rishi mumkin.

: fikrlar turk adabiyoti misolida keltirildi. Xulosalar esa umumiy mavzularga olib bora oladi. Hattoki men ko'rmagan taraflar ham bo'lishi mumkin.

#fikrlash
@Madina_Shahobiddinovna

Chiroyli gapira olish uchun eng avvalo, eshitishni o'rganish kerak.

©podcast

@Madina_Shahobiddinovna

Hammasi mukammal, faqat qog'ozda

Ko'pchilik hamma narsani qog'ozda a'lo qilishga harakat qilishadi-yu, amalda qanchalik sifatli bo'lishi bilan hech ishi yo'q.

Bir tanishim - o'zbek qizi turk yigitga turmushga chiqyapti. FXDYO'dan ro'yhatdan o'tib, rasman turmush qurishlari uchun tarjimon kerakligini aytishibdi va meni chaqirishdi.

Aslida, kelin ham, kuyov ham bir-birini tushunadi. Lekin rasmiyatchilik uchun tarjimon kerak deb qolishdi. Tarjimonning ishi faqatgina ularning roziligini o'z tilida so'rab berish va imzo qo'yib guvohligini tan olish ekan.

Turkiya odati haqida gapirib qolishdi, faqatgina kelin-kuyov uchun guvoh yetarli, hech qanaqa ortiqcha tarjimon yoki boshqa kishi kerak emas, vaqti kelsa, ikkalasi bir-biriga guvoh ham bo'la olishini aytishdi.

O'zbekistonda esa, aynan Farg'onadagi holat bo'yicha: belgilangan vaqtdan 1 soat o'tib ish boshlashdi, qog'ozbozlik ishlari, sovuq xonalar, odamlarning bir-biriga bo'lgan sovuq muomalasi, xullas, to nikohdan o'tishgunga qadar yuzga yaqin hujjat to'ldirildi, ochiq chehrada kelgan ikki yosh ham, u darajada ko'ngli to'lib chiqmadi.

(Aslida, qaysidir jihatdan ishchilarni AI ga aylantirilayotgani hozirgi holatga mos, har holda robotgai o'xshagan muomalani robotni o'zidan olgan ma'qulroq, manimcha.)

Xulosa shuki, biz o'zimizni qog'oz bilan aldab yuribmiz (o'qishda ham ta'limdan ko'ra, nima bo'lsa ham diplom bo'lsa bo'ldi), biz uchun qog'ozdagi sifat a'lo bo'lsa bo'ldi. Amaldagisi esa...

#shaxsiy_fikr
@Madina_Shahobiddinovna

Xatolar albatta yomon. Lekin xatolar qilmaslikni o'rganish uchun ham xato qilish kerak.

#shaxsiy_fikr
@Madina_Shahobiddinovna

Hayot bu g'alaba, hayot bu tajriba!

Yozish haqida ko'p gaplar bo'lgan, yozsang, sayqallanasan, degan xulosaga ham keldim, to'g'risi.

O'tgan yili yil sarhisobini ilk marta yozma shakllantirdim. Rosa 1 yil avval, shunday paytlarda. O'qib chiqib hozirgi fikrlarim bilan solishtirdim, o'zgarish anchagina. Yozing, fikrlashingiz o'sadi.

Bu yil ancha barakali yil bo'ldi, ming shukur. Ko'p yutuqlarga erishdim, yutqazganlarim bilan tajribalarga.

Bu yil o'zimni qaytadan kashf qildim. Oldinlari tasavvur ham qilmagan qirralarim ochildi.

Turk tili o'qib, eng yuqori natijani oldim. Shu bilan birga turk adabiyoti haqida qarashlarim o'zgardi, sara durdona asarlar bilan tanishdim. Til ustozimga rahmat.

Til bo'yicha, tarjima ishini boshladim, hali birortasi nashriyotga berilmagan bo'lsa ham, asosiysi yaxshi bir insonga shogird bo'lib, ancha ko'p narsa o'rgandim. Tarjimon ustozimga rahmat.

Xalqaro maqola olimpiadalarida qatnashdim. Maqolalarim sonini ko'paytirdim, nufuzli jurnallarda chop etdik. Ilmiy ish bo'yicha ancha yaxshi xulosalarga erishdim. Ilmiy rahbarimga rahmat.


Til va ilmiylik jihatdan Wikipediada maqola tayyorlashni o'rgandim, bir nechta 'maqolacha' chiqardik. O'rgatgan insonga rahmat.
"Yil talabasi" tanloviga qatnashdim, 4-o'rin bo'lib, g'oliblikka chiqa olmadim, lekin ungacha bo'lgan jarayonda ko'p narsa o'rgandim, ilmiy va hayotiy jihatdan. Bunda ham sabr bilan batafsil yordam qilishdi, rahmat.

Bundan tashqari, boshqa bir qancha kichik tanlovlarda qatnashdim, g'olib bo'ldim, sovg'alar oldim. Barchasi uchun rahmat.

Har xil tarafdan tanishlar, ustozlar orttirdim: zakovat, til kurslari, tanlovlar, tarjima, kitobxonlik, hatto chet eldan (Turkiya, Bosniya, Ukraina, Ozarbayjon va b.) ham ustozlar va boshqa yaxshilar bilan tanishib, yaqin bo'ldik. Hammalariga rahmat.

Albatta, asosiylarini saralagan holda shuncha yozdim, yozilmaganlari hali anchagina. Ming shukur, shunday hayot uchun, g'alabalar, mag'lubiyatlar uchun ming shukur....

#fikrlash #hayot
@Madina_Shahobiddinovna