ҲАЗРАТИ ШАЙХ ЖЎНАЙД БАҒДОДИЙ
қуддиса сирруҳу ҳикматларидан:

****
Футувват (жавонмардлик) Шомда, фасоҳат Ироқда, сидқ Хуросондадир.
Бу манзилда йўлдан оздиргувчилар кўп. Йўл бошида хатарли 1) макр, 2) қаҳр ва 3) лутф - тузоқлари бор, буларнинг эса ниҳояси - охири йўқдир.

****
Банда билан Ҳақ таоло ўртасида тўрт денгиз бор; уларни кечиб ўтмагунча Унга етишиб бўлмас:
1. Дунё. Унинг кемаси зуҳддир.
2. Халқ. Унинг кемаси узлатдир.
3. Иблис. Унинг кемаси душманлигини билиб, ундан сақланмоқдир.
4. Нафс. У ёмонликни буюрувчи, ҳавога учувчидир. Эр улдирким, ўз нафсини мағлуб этгай.

****
Ҳар кимнинг руъяти (кўриши) ибрат бўлмаса, унинг кўрмаслиги кўришидан кўра афзалроқдир.

****
Дарвиш улдирким, ер каби бўлгай, устига супуринди тўксалар, сабр - таҳаммул этгай ва барча яхшиликларни унда кўргай.

****
Сўфи улдирки, соф - холис бўлгай;
бу Ҳақ таолодан бошқасидан узилмоқ билан ва нафсига тилакларини бермаслик билан бўлгай!

Ва яна кўнгли худди Иброҳим Халилуллоҳ кўнглидек дунё дўстлигидан салим бўлгай; таслимияти худди Исмоил алайҳиссаломнинг таслимиятидек бўлгай; ғуссаси худди Довуд алайҳиссаломнинг ғуссасидек бўлгай; сабри худди Айюб алайҳиссаломнинг сабридек бўлгай; фақри худди Ийсо алайҳиссаломнинг фақридек бўлгай; шавқи худди Муҳаммад Мустафо соллаллоҳу алайҳи ва салламнинг шавқидек бўлгай.



Шайх Фаридуддин Аттор ҳазратларининг
"Тазкират ул-авлиё" асаридан.
Форс тилидан Устоз Мирзо Кенжабек таржимаси.



@m_kenjabek
┈┈• ❀ 🌷☘️🌷 ❀ •┈┈•