Ustoz Abdulqodir_Polvonov:
O‘zgalar muhokamasini qo‘ying!
Kimdir sizni taqvodor deb biladi, kimdir fosiq deb biladi, kimdir esa osiy-gunohkor deb...
Ammo sizni eng yaxshi biladigan kishi o‘zingizsiz.
O‘zgalar sizning Robbingiz bilan aloqangiz qandayligini bilishmaydi.
Shunday ekan, maqtovchilar sizni aldamasin, yomonlaydiganlar sizga zarar bermasin...
Alloh taolo: "Inson o‘ziga qarshi o‘zi shohiddir", deydi.
Toat va ma’siyatning orasida doim yashashning bitta xatari bor.
Siz bularning qaysi birida umringiz tugashini bilmaysiz.
Toatlarni qutilib olish uchun emas, ixlos bilan qilishga harakat qilaylik.
Nafl ibodatlarni obro‘ga ega bo‘lish uchun emas, Allohga yaqinroq bo‘lish uchun qilaylik.
Zero toatga Alloh emas, biz muhtojmiz...
Asosiy tashvishingiz kishilarning muhabbatini jalb qilish bo‘lmasin.
Qalb o‘zgaruvchan bo‘ladi.
Bugun yaxshi ko‘rsa, ertaga yomon ko‘rib qolishi bor gap.
Tashvishingiz insonlarning Robbisi sizni qanday yaxshi ko‘radi, shu bo‘lsin.
Agar U sizni yaxshi ko‘rsa kishilarning qalbini siz tomon yo‘naltiradi.
Haromni hamma qilsa ham haromligicha qolaveradi.
Asoslaringizdan chekinmang. Kishilarni qo‘ying. Hisob-kitob o‘zingiz bilan bo‘ladi.
Shuning uchun Alloh buyurganidek istiqomatda bo‘ling.
Alloh bilan o‘rtangizda hech kim bilmaydigan yashirin solih amallaringiz bo‘lsin.
Yashirin gunohlar kishini halok qilgani kabi yashirin toatlar kishiga najot beradi.
Allohdan sizga ham, o‘zimga ham najot, mag‘firat, rahmat, muvaffaqiyat va roziligini so‘rab qolaman!
Muallif:
@Abdulqodir_Polvonov@arabictadriys