Legalazy

Oila nega kerak⁉️

1⃣Birinchidan, qo’llab-quvvatlov — oila a’zolari bir-birini qiyin vaqtalarda qo’llab-quvvatlash, muhabbat va mehr-oqibat ko’rsatish orqali bir jamoaga birikishadi.

2⃣Ikkinchidan, tarbiya — bolalar uchun oila birinchi va eng muhim o’qituvchi hisoblanadi, ya’ni farzand orqali ham biz “o’qitilamiz”. Oila bu zanjir. Biz qadriyatlarni avlodlarga o’tkazishda asosiy rol o’ynaymiz.

3⃣Uchinchidan, ijtimoiy birlashuv — oila jamiyatning kichik modeli sifatida, konstitutsiyada yozganimizdek, uning a’zolarini jamiyatning kengroq qatlamiga birlashtirishga intilamiz.

4⃣To’rtinchidan, xavfsizlik — oila o’z a’zolariga moliyaviy, jismoniy va ruhiy xavfsizlik hissini taqdim etadi, ularning ehtiyojlarini qondiradi va ularni tashqi xavflardan himoya qiladi. Kimningdir himoyasi ostida ekanligingni his etasan.

5⃣Beshinchidan, shaxsiy o’sish — oila shaxsiy rivojlanish uchun zarur muhitni beradi bizga. Oila a’zolarining har biri bir-birini ruhlantirish va o’z salohiyatizmini to’la ishga sola olishimizga yordam beradi. Oilada uning a’zolarining har bir yutug’i qadrlanadi (shunday bo’lishi kerak idealda).

@legalazy

Ajralishlar haqida koʻp gapirish mumkin. Avvalambor, oʻzimizga savol berib koʻrsak.

⁉️Oila oʻzi nega kerak?

*subyektiv fikrlaringiz qiziq❓

Ajralishlar nega koʻp?

Oiladagi ajralishlar bir qancha sabablarga ko‘ra sodir bo‘ladi va ularning har birida nikohni bekor qilishni yechim sifatida ko‘rsatish shaxsiy xususiyatlarga, holatlarga bog‘liq.

Birinchidan, qattiq nizolar va janjallar — oila a’zolari o‘rtasida doimiy nizolar va janjallar mavjud bo‘lsa, ajralish bu holatdan chiqish yo‘li bo‘lishi mumkin (yagona emas).

Ikkinchidan, xiyonat va ishonchning yo‘qolishi — xiyonat yoki ishonchning buzilishi ko‘pincha ajralishga olib keladi, chunki bu holatda ishonchni tiklash qiyin bo‘lishi mumkin (yagona yechim emas).

Uchinchidan, zo‘ravonlik — oiladagi bir taraf jismoniy yoki ruhiy zo‘ravonlik qurboni bo‘lsa, ajralish xavfsizlik va farovonlikni ta’minlash uchun zarur bo‘lishi mumkin, bunda bir taraf, odatda ayol, o‘z sog‘lig‘i, hayoti, farzandlari tarbiyasi uchun o‘sha “yechim”ni qilishga majbur (yagona yechim).

To‘rtinchidan, o‘zgarmaslik va o‘zaro tushunmovchilik — bilamizki, oila o‘zaro qabul qila olish va tushunish asosiga quriladi, o‘zgarmaslik va o‘zaro tushunmovchilik esa, taraflarning bir-birini qabul qilmasligi yoki turli hayotiy maqsadlar ajralishga sabab bo‘lishi mumkin.

🤫 Oilaviy munsabatlardagi ajralish juda kompleks masala, unga chetdan turib fikr bildirish qiyin, har bir holat alohida munosabatni talab qiladi. Shu uchun juft tanlashda mulohazakor bo‘lish lozim.

@legalazy

#terminologiya

Mizoginiya — ayollarga nisbatan nafrat, dushmanlik yoki noto‘g‘ri qarashlarni ifodalovchi so‘z. Bu ayollarni kamsituvchi, ularning huquq va erkinliklarini cheklovchi xatti-harakatlar, so‘zlar va munosabatlarni o‘z ichiga oladi.

👉Mizoginiya qanday xususiyatlarni o‘z ichiga oladi?

1️⃣Stereotiplar: Ayollarni zaif, hissiyotga beriluvchan, mantiqsiz va faqat uy ishlari yoki bolalar tarbiyasi bilan shug‘ullanishi kerak, deb hisoblash.

2️⃣Kamsitish: Ayollarni erkaklarga qaraganda pastroq qadrlash, ularning fikr va qarashlarini inkor etish, imkoniyatlarini cheklash.

3️⃣Obyektivlashtirish: Ayollarni jinsiy obyekt sifatida ko‘rish, ularning qadr-qimmatini inkor etish.

4️⃣Zo‘ravonlik: Jismoniy, ruhiy yoki jinsiy zo‘ravonlik ko‘rsatish, tahdid qilish, qo‘rqitish.

🤫 Mizoginiya jiddiy ijtimoiy muammo bo‘lib, ayollarning huquq va erkinliklarini poymol etadi. U bilan kurashish uchun jamiyatda tenglik, hurmat va bag‘rikenglikni targ‘ib qilish zarur.

@legalazy

Qurbon hayiti muborak boʻlsin, Ayyom baxt, tinchlik va osoyishtalik olib kelsin. Barchangizga Allohning rahmati va barakoti yor bo‘lsin!

@legalazy

🚿 Sovuq dush ― antidepressant [2]

Sovuq dushga oʻrganishning bosqichma-bosqich tartibi mavjud bo‘lib, bu organizmni sovuq suvga asta-sekin moslashishga va noqulaylikni kamaytirishga yordam beradi.

I. Sovuq dushga o‘rganish bosqichlari

1.1. Boshlang‘ich bosqich: Dushni odatdagi iliq suv bilan boshlang. Keyin esa, dushning oxirida suv haroratini 10-15 soniya davomida biroz pasaytiring. Buni bir necha kun davomida takrorlang.

1.2. O‘rta bosqich: Sovuq suv ostida turadigan vaqtni asta-sekin 30 soniya, 1 daqiqa va undan ko‘proqqa oshiring. Bu bosqichda chuqur nafas olish va tanangizni bo‘shashtirishga harakat qiling.

1.3. Mukammal bosqich: Agar o‘zingizni qulay his qilsangiz, dushni to‘liq sovuq suv bilan boshlashingiz va tugatishingiz mumkin. Sovuq suv ostida turadigan vaqtni 2-3 daqiqagacha oshirishga harakat qiling.

II. Sovuq dush qabul qilishning eng yaxshi vaqti

Sovuq dush qabul qilish uchun eng yaxshi vaqt ― bu ertalab yoki jismoniy mashqdan keyin. Ertalabki sovuq dush sizni tetiklashtiradi, kun davomida g‘ayrat va energiya beradi. Jismoniy mashqdan keyin esa, sovuq suv mushaklarning tiklanishiga yordam beradi va og‘riqni kamaytiradi.

Bu muhim ⤵️

- Dushdan keyin darhol issiq kiyim kiying va tanangizni isitishga harakat qiling.
- Agar sovuq dush vaqtida o‘zingizni yomon his qilsangiz, darhol to‘xtating va shifokoringizga murojaat qiling.

🤫 Ushbu tavsiyalar sovuq dushga o‘rganishga yordam beradi degan umiddaman!

@legalazy

🚿 Sovuq dush ― antidepressant [1]

Sovuq dush bu odatdagi dushdan farqli o‘laroq, suvning harorati ancha past bo‘lgan holda qabul qilinadigan dushdir. Odatda sovuq dush uchun suv harorati 10-15 °C atrofida bo‘ladi, lekin bu harorat individual xususiyatlarga qarab farq qilishi mumkin, ya’ni tana hajmi, suvga o‘rganganlik darajasi va boshqalar.

I. Jismoniy foydalari 💪

1.1. Qon aylanishini yaxshilaydi: Sovuq suv tanadagi qon tomirlarini toraytirib, keyin kengaytiradi, bu esa qon aylanishini kuchaytiradi va yurak-qon tomir tizimini mustahkamlaydi.

1.2. Immunitetni kuchaytiradi: Sovuq dush organizmdagi oq qon tanachalari ishlab chiqarilishini rag‘batlantirib, immunitetni mustahkamlaydi va kasalliklarga chidamliligini oshiradi.

1.3. Mushaklarni tinchlantiradi va og‘riqni kamaytiradi: Jismoniy mashqlar yoki jarohatlardan keyin sovuq dush qabul qilish mushaklarning tiklanishiga yordam beradi va og‘riqni kamaytiradi.

1.4. Teri va sochlarni yaxshilaydi: Sovuq suv teri teshiklarini toraytirib, terini yanada silliq va yorqin qiladi. Sochlarni mustahkamlab, ularning to‘kilishini kamaytiradi.

1.5. Metabolizmni tezlashtiradi: Sovuqqa javoban organizm ko‘proq energiya sarflaydi, bu esa metabolizmni tezlashtirib, vazn yo‘qotishga yordam beradi.

II. Ruhiy foydalari 🧠

2.1. Stressni kamaytiradi: Sovuq dush stress gormonlari darajasini pasaytiradi va kayfiyatni ko‘taradi.

2.2. Depressiyani yengillashtiradi: Sovuq suv miyada endorfin (baxt gormoni) ishlab chiqarilishini rag‘batlantiradi, bu esa depressiya alomatlarini kamaytirishi mumkin.

2.3. Diqqatni jamlashni va aqliy faollikni yaxshilaydi: Sovuq dush miyani “uyg‘otib”, diqqatni jamlashni va aqliy faollikni oshiradi.

2.4. Iroda kuchini mustahkamlaydi: Sovuq dush qabul qilish o‘z-o‘zini nazorat qilish va iroda kuchini mustahkamlashga yordam beradi, chunki bu o‘zingizni noqulaylikdan chiqishga majburlashdir.

🤫 Sovuq dush qabul qilishdan oldin shifokor bilan maslahatlashish tavsiya etiladi, ayniqsa yurak-qon tomir kasalliklari yoki boshqa surunkali kasalliklarga chalingan bo‘lsangiz.

@legalazy

✉️ Maktub — tinglang, sayohat qilamiz

«Bo‘sh uy» filmi saundtreki «Gafsa» orqali men o‘zim uchun yangi to‘lqin, sharq musiqasini yangi darajaga olib chiqqan, Natacha Atlas ijodini kashf qilgandim va uning san’atiga muhabbatlandim. Natachaning Gafsa'dan tashqari boshqa ko‘plab ijod namunalari ham mavjud bo‘lib, ulardan yana biri «Etheric Messages (Maktub)» sanaladi.

👉 Play'ni bosing, davom etamiz.

«Etheric Messages» sirli va ramziy ohangga ega bo‘lib, ma’nosi chuqur va turli xil talqinlarga ega. Qo‘shiq Atlasning 2002-yildagi «Foretold In The Language Of Dreams» albomidan olingan bo‘lib, jazz, sharqona musiqa va elektron ohanglarni birlashtiradi. Uning mistik va iliq vokali bilan qo‘shiq tinglovchiga o‘ziga xos ruhiy safar taklif etadi.

Qo‘shiqning asosiy mazmunini tushunish uchun quyidagi elementlarni tushunish lozim:⤵️

💡 Mazmun

1. Ether (Efir) — «Efir» tushunchasi qadimiy falsafiy g‘oyalardan kelib chiqib, moddiy bo‘lmagan, ruhiy va boshqaruv element sıfatıda qaraladi (uni ayrim falsafiy qarashlarda bechinchi element sifatidagi talqini ham bor). Qo‘shiqda u ramziy ma’noda ruhiy dunyo, boshqa olamlar bilan bog‘lanishni ifodalaydi.

2. Messages (Xabarlar) — Atlas qo‘shiqda «etheric messages» (efir xabarlar) orqali chuqur ma’no va mazmunni ta’kidlashga intiladi. Bu tushunchalar ramziy sifatda madaniy, ruhiy yoki shaxsiy ma’nolarni ifodalaydi.

❓ Qo‘shiqda qoʻllanilgan so‘zlar va hissiyot:

Asarning arabcha so‘zlari tushlar dunyosida taqdirning muqarrarligi va oldindan belgilanishi bilan bog‘liq ma’lumotlarni tasvirlaydi.

[Ya lil, ya lil]

Bu ibora «Ey tun, ey tun» ma’nosini anglatadi va qo‘shiqning boshida takrorlanadi. Bu yerda tun ramz sifatida ko‘rinadi, u o‘zida sirli va tush dunyosini aks ettiradi. Ushbu mistik tunda tushlar va ruhiy izlanish orqali boshqa dunyo bilan bog‘lanish ifodalanadi.

[Maktub kulli shey maktub maktub]

Arab tilidan tarjimada “Hammasi yozilgan, yozilgan” ma’nosini beradi. Bu ibora takrorlanishi orqali taqdirning oldindan belgilanganligi va uning barcha narsalar bilan bog‘liqligi aks ettiriladi. Qo‘shiqda taqdir tushlar dunyosiga ham singib ketgani ifodalanadi.

🎙️ Qo‘shiq go‘zal va efiriy meditatsiya hisoblanadi. Arab tili va cholg‘u asboblaridan foydalanish qo‘shiqning mistik sifatini yanada kuchaytirgan. Atlasning vokali bir qarashda qo‘rqinchli va jonli, bir qarashda yoqimli va yumshoq bo‘lib, tinglovchini o‘z ruhiy olamiga olib boradi hamda taqdir va qismat g‘oyasini izohlashga urinadi.

🤫 Bu qo‘shiqning ma’nosi har bir tinglovchi uchun shaxsiy bo‘lib, ularning hayotiy tajribalariga asoslanib talqin qilinishi mumkin.

@legalazy

📎 Havola | Citation | Цитирование

Havola berish — bu ma’lumot manbasini ko’rsatish jarayoni bo‘lib, bu jarayon yozuvchi yoki tadqiqotchi tomonidan foydalanilgan, iqtibos keltirilgan yoki murojaat qilingan asl materiallarga o‘quvchi yoki eshituvchini yo‘naltiradi. Havola berishning asosiy maqsadi shaffoflikni ta’minlash, intellektual mulkka hurmat ko‘rsatish va plagiatdan saqlanishdir.

✅Havola berishning xususiyatlari:

Aniqlik — manba ma’lumotlarini aniq va to‘liq ko‘rsatish kerak, bu esa o‘quvchilarga ko‘rsatilgan manbalarga oson kirish imkonini beradi.
Ishonchlilik — havolalar orqali tadqiqot ishonchli manbalarga asoslanganligini ko‘rsatish mumkin.
Intellektual mulk hurmati — mualliflik huquqlarini hurmat qilish va mualliflarning mehnatini tan olish.

Havola berishning turli standartlari mavjud bo‘lib, ular turli sohalarda va turli tashkilotlar tomonidan qo‘llaniladi. Ulardan uchta eng koʻp qoʻllaniladigan «ГОСТ», «MLA», «APA» standartlari haqida ma’lumot berib oʻtamiz.

📌 ГОСТ

Rossiya va MDH mamlakatlarida keng qo‘llaniladigan ГОСТ standarti, asosan texnik va ilmiy hujjatlar uchun ishlatiladi. ГОСТ Р 7.0.5-2008 – bu ilmiy ishlar uchun havola berishning umumiy qoidalarini ifodalaydi.

Misollar:

– Kitob:

To‘xtayev O‘.Z. Ilmiy ishlar yozish qoidalari. Toshkent: Ilmiy nashr, 2024.

– Maqola:

To‘xtayev O‘.Z. “Zamonaviy huquq muammolari”, Orienss, 2023, №2, 15-19-betlar.

📌 MLA (Modern Language Association)

MLA uslubi, asosan, adabiyot va gumanitar fanlar uchun mo‘ljallangan. Bu uslubda muallifning ismi va manbaning chop etilgan sahifasi ko‘rsatiladi.

Misollar:

– Kitob:

Phillips, Adam. On Giving Up. Hamish Hamilton Ltd, 2024.

– Maqola:

Smith, John. “Studies in flora of Australia”. Journal of Eco Studies, vol. 42, no. 1, 2018, pp. 34-56.

📌 APA (American Psychological Association)

APA uslubi, psixologiya va ijtimoiy fanlar sohalarida keng qo‘llaniladi. Bu uslub muallifning ismi, chop etilgan yil va sahifalar soni bilan havola berishni o‘z ichiga oladi.

Misollar:

– Kitob:

Phillips, A. (2024). On Giving Up. Hamilton, NY: McGraw-Hill.

– Maqola:

Wilson, E., & Smith, J. (2019). New approaches in educational research. Educational Research Journal, 58(2), 134-147.

*Har bir uslubning o‘ziga xos formatlari va qoidalariga rioya qilish muhimdir, chunki bu ilmiy hamjamiyatda o‘zaro tushunish va ma’lumotlarning aniq uzatilishini ta’minlaydi.

UPD. Har bir havola berish usuli haqida alohida post yaqin kunlarda orada tayyorlanadi.

@legalazy

Koddependensiya (codependency) — bu psixologik atama bo’lib, bir kishining boshqa kishiga haddan tashqari bog’lanib qolishi, o’zini boshqalarning his-tuyg’ulari, xatti-harakatlariga qaram qilib qo’yishi holatini anglatadi. Bu atama ko’pincha oilaviy munosabatlar va yaqin do’stlik aloqalarida uchraydi, ayniqsa, alkogol yoki giyohvand moddalar bilan bog’liq muammolarga duch kelgan insonlar orasida keng tarqalgan.

Uning munosabatlardagi o’rni

Koddependensiya, munosabatlarda o’zaro bog’liqlikning salbiy shakli sifatida namoyon bo’ladi. Bunda bir kishi boshqasining muammolari, salomatligi yoki kayfiyatini o’zining shaxsiy baxti va xavfsizligidan ustun qo’yadi. Koddependens munosabatlar tez-tez bitta sherikning ehtiyojlarini doimiy ravishda e’tiborsiz qoldirish bilan tavsiflanadi, bu esa, o’z navbatida, mazkur sherikning o’z-o’zini hurmat qilish hissini pasaytiradi va ularga psixologik va jismoniy zarar yetkazishi mumkin.

Salbiy taraflari

Koddependensiyaning salbiy taraflari quyidagilarni o’z ichiga oladi:

1. O’z-o’ziga bo’lgan e’tiborning pasayishi: Koddependens kishilar o’zlarining shaxsiy ehtiyojlarini, salomatliklarini va baxtlarini e’tiborsiz qoldirishadi, chunki ular boshqa kishining muammolari bilan band bo’lib, o’zlariga yetarli darajada g’amxo’rlik qila olmaydilar.

2. O’zini hurmat qilishning pasayishi: Boshqa kishiga haddan tashqari bog’liq bo’lish odatda o’z qadrini pasaytirish va doimiy ravishda boshqalarning e’tiborini qidirishga olib keladi.

3. Munosabatlardagi noziklik: Koddependens munosabatlar tez-tez o’zaro bog’liqlik va nazorat bilan bog’liq muammolar tufayli mojaro va tushunmovchiliklarga boy bo’ladi.

4. Emotsional va jismoniy sog’liqni yomonlashtirish: Uzoq muddatli stress va tushkunlik, koddependensiya sabab bo’lishi mumkin bo’lgan salbiy hissiyotlar, sog’liqqa jiddiy zarar yetkazishi mumkin.

5. Munosabatlarni cheklash: Koddependens shaxslar boshqa potentsial ijtimoiy aloqalardan chetlanib, faqat bir necha kishilar bilan cheklangan munosabatlarga bog’lanib qolishlari mumkin, bu esa ularning ijtimoiy doiralarini va tajribalarini cheklab qo’yadi.

Xulosa

Koddependensiya — bu salomatlikka zarar yetkazuvchi psixologik holat bo’lib, uning oldini olish va davolash uchun professional psixologik yordam va o’z-o’zini anglash jarayonlari talab etiladi. Munosabatlar sog’lom, muvozanatli va ikki tomonlama qondiruvchi bo’lishi uchun har bir sherikning shaxsiy chegaralari, o’z-o’zini hurmat qilish va mustaqil baxt-saodatga erishish qobiliyati muhimdir.

@legalazy

Gazlayting (Gaslighting) nima?

Gazlayting — bu boshqalarni psixologik usulda manipulyatsiya qilish va ularning reallikka bo’lgan ishonchini susaytirish harakati. Ushbu atama 1938-yilda Patrik Hemilton tomonidan yozilgan “Gas Light” pyesasidan kelib chiqqan, unda er xotinini jinnilikka ishontirish uchun atrofdagi narsalarni o’zgartiradi va keyin buni inkor etadi. Gazlaytingning asosiy maqsadi — qurbonning o’ziga bo’lgan ishonchini yo’qotish va uni manipulyatorning nazorati ostiga olib kelish.

Gazlaytingning belgilari:

1. Reallikni buzish: Manipulyator voqealarni, faktlarni yoki ma’lumotlarni buzib ko’rsatadi, natijada qurbon o’z xotiralariga ishonmay qoladi.
2. Rad etish: Qurbonning his-tuyg’ulari yoki e’tirozlarini doimiy ravishda rad etish yoki ularni “haddan tashqari dramatik”, “jinni” deb atash.
3. Izolyatsiya qilish: Qurbonni yaqinlari va do’stlaridan ajratish orqali ularning boshqa manbalardan yordam olish imkoniyatlarini cheklash.
4. Aybdorlik tuyg’usini yuklash: Qurbonni o’zini yomon his etishga, hatto ularni gazlayting qilayotgan shaxsga nisbatan aybdor his etishga bilvosita majburlash.
5. Kuchli ta’sir o’tkazish: Qurbonni o’z qarorlarini qayta ko’rib chiqishga va manipulyatorning fikrlariga ko’proq ishonch hosil qilishga majburlash.

Gazlaytingning salbiy oqibatlari:

1. O’ziga bo’lgan ishonchni yo’qotish: Gazlayting qurbonlari o’z qobiliyatlariga va qarorlariga ishonchlarini yo’qotadilar, bu esa ularga qaror qabul qilishda qiyinchiliklar tug’diradi.
2. Ruhiy tushkunlik: Uzoq muddatli gazlayting ruhiy tushkunlikka, jumladan, tashvish, depressiya va hatto posttravmatik stress buzilishiga olib kelishi mumkin.
3. Munosabatlarning buzilishi: Gazlayting qurbonlari boshqa insonlar bilan muloqot qilishda qiynalishadi, chunki ular kimnidir ishonishni bilmay qoladilar.
4. Jismoniy sog’liqning yomonlashuvi: Uzoq muddatli stress va tashvish jismoniy salomatlikka ham ta’sir qiladi, masalan, yurak kasalliklari va immunitet tizimining zaiflashuvi kabi holatlar yuzaga kelishi mumkin.
5. O’z-o’zi baholashning susayishi: Gazlayting natijasida qurbonlar o’zlarini kamtarin, noqobil va befoyda his qilishlari mumkin, bu ularning umumiy hayot sifatini yomonlashtiradi.

UPD. Gazlaytingni tan olish va unga qarshi turish uchun qurbonlar professional psixologik yordam olishlari, ishonchli do’stlar va oila a’zolari bilan bu haqda ochiqchasiga gaplashishlari juda muhim. Bunday holatlarda yordam so’rashdan qo’rqmaslik kerak.

@legalazy

Mutaxassisligim huquqshunos bo’lsa ham, boshqa sohalarda, xususan, marketing, psixologiya, biznes sohalarida kichik tadqiqotchalar qilib turaman va uning natijalarini odatda shu yerda ulashaman.

P.S. Meni taniganlar “guru” deb o’ylamang yana😅.

@legalazy

❌ Red flag

Munosabatlardagi “red flag”lar, ya’ni qizil bayroqlar — bu e’tibor berish kerak boʻlgan ogohlantiruvchi belgilar hisoblanadi.

Bunday belgilar o‘z-o‘zini nazorat qilish, ishonchsizlik, o‘zini past qadrlash hissi, jismoniy, emotsional yoki aqliy zo‘ravonlik, giyohvandlik, narsissizm, g‘azabni boshqara olmaslik, koddependensiya (boshqaga bog‘lanish), mojarolarni hal qila olmaslik, doimiy rashk, gazlayting (manipulyatsiya), emotsional bilimsizlik, oila va do‘stlar bilan munosabatlaringizga salbiy aloqa/ta’sir, ochiq muloqot qila olmaslik va ijtimoiy aloqalarning yo‘qligi kabi ko‘rinishlarda namoyon bo‘lishi mumkin.

Munosabatlardagi “red flag”lardan qutulish uchun, avvalo, ularni va o‘z ehtiyojlaringizni tan olgan holda, ularga duch kelganingizda o‘z-o‘ziga g‘amxo‘rlik qilish muhimdir. Agar munosabatlaringiz sizning baxtli bo‘lishingizga to‘sqinlik qilsa, o‘zgarish kerak. Boshqa yoʻl yoʻq. Bu eng yaxshi qaror boʻladi.

@legalazy

Mazmun

Har kino koʻrganda, musiqa tinglaganda, kitob oʻqiganda asar bilan oʻzaro muloqot amalga oshiriladi. Ayni shu muloqotda uning mazmunini tushunish, bilishga intilish bu tabiiy koʻnikma.

Odatda asarni “iste’mol qilish” tugagandan soʻng, u bilan bog’liq tavsif (review)larni bir ko’rib chiqaman. Siz qanday mazmun oldingiz, boshqalar qanday fikrda. Bu ko’proq fikrlash va taqqoslash uchun yaxshi impuls beradi. Quora, Goodreads, Kino-art.ru va boshqalar taqriz-u fikrlarni ko’rib chiqish uchun ajoyib manbalar sanaladi. Avval qilmagan bo’lsangiz, sinab ko’ring.

@legalazy