Кушербаевга мурожаат

Электр, газ, сув уланмаган, лифт ишламайдиган уйларни қабул қилиб олаяпмиз➖Миробод

Сизга мурожаат қилишимдан мақсад, биз “Golden Hause Property group” МЧЖ нинг O’z makon лойихасидан 2023 йил январ ойида шартномага асосан кўп қаватли уйдан хонадон харид қилганмиз.

Хонадон шартномага асосан 2024 йил сентябр ойида топширилиши керак эди. Лекин минг афсус амаллаб 2025 йил феврал ойида қабул қилдик аммо лекин ҳали уй ишлари битмаган, шунда ҳам рози бўлиб қабул қилдик. (Шартномага асосан кечиккан кунлар учун конпенсация тўлаб берилмади)

Биздаги муаммо шундан иборатки, кўп қаватли хонадонни қабул қилдик лекин ҳалиям у хонадонда на лифт ишлайди, на ичимлик суви бор на свет бор на газ бор. Ҳеч нарса ҳалиям улаб берилмади. Биз 2 йил давомида хонадонни кутдик лекин қабул қилганда шароитлар йўқ.

Ушбу хонадон бўйича Қурилиш вазирлиги мурожаатимизни кўриб чиқишларини ва муаммоларимизни илтимос ҳал қилиб беришса яхши бўларди.

Фақат илтимос биз ҳам жабрланувчи ҳам айбдор бўлиб қолмайлик!!! Олдиндан Сизга раҳмат.

Жамшил Усмонов,
хонадон манзили: Тошкент шахри Миробод тумани Фарғона йўли кўчаси 50 уй

👉 @Kusherbayevga_murojaat

Лавозим маошига 25 фоиз миқдорида қўшимча тўлов тўланмаяпти➖Фориш

Шикоят аризамизнинг мазмуни шундан иборатки, биз республика тез тиббий ёрдам илмий марказининг Жиззах вилояти Фориш тумани тез тиббий ёрдам бўлими Реанамобил Хундай фельдшерларимиз.

Биз ходимларга 2023 йил январ ойидан 2024 йил декабрь ойи холати бўйича тўланиш керак бўлган ходимларнинг тариф ставкасига (лавозим маошига) 25 фоиз миқдорида қўшимча тўлов тўланмаяпти.

Шу ҳолат юзасидан текширув утказилиб, тўланмай келинган барча ойлар учун қайта ҳисоб-китоб қилиниб тўлаб берилишида ёрдам беришларингизни сўраймиз .

Б.Саидахмедов, Ф.Бекпулатов, М.Азизов, Ф.Дониёров, Э.Давронов, Ш.Гайбуллаев, Р.Босимов, С.Сафаралиев

👉 @Kusherbayevga_murojaat

#миннатдорлик

Kattakon rahmat! Rostdan ham xalqparvar kishi ekansiz.

Nechta kanalga, necha kishiga yozdim, faqat siz eʼtiborsiz boʻlmadingiz.

Olloh yuzingizni hamisha yorugʻ qilsin. Masala hal boʻldi.

Rushana Xushvaqtova

👉 @Kusherbayevga_murojaat

Sarson o‘qituvchilar dardi: hali unga bor, hali bunga bor deydi

Assalomu alaykum hurmatli R.Kusherbayev!

Bir adolatsizlik tufayli sizga yozyapman.

Oʻtgan yili aprel oyida o‘qituvchilarning Milliy sertifikat bilan bogʻliq bir yarim oylik mojaro va kutishlaridan keyin nihoyat 29-mayda qaror chiqdi va A+, A, B+ darajalari uchun oʻqituvchilarga ustama berilishi belgilandi.

Ammo bizda, Samarqand Adliya boshqarmasida bu sertifikat 29-maydan oldin berilgan, qaror faqat 29-maydan keyingi sertifikatga amal qiladi deb biznikini qaytaryapti. Hatto A+ darajani ham.

Bu jarayon menga shunchalik ahmoqona koʻrinyapti, xuddi qoʻlingdan hech narsa kelmaydi, deb ustimizdan kulayotgandik.

Nahotki, ular odamlar, adolatga tupurib qoʻygan? Qachondan beri shuni uchun sovuqda sargardonmiz?

Hali unga bor, hali bunga bor deydi. Adliyadan esa poytaxtga borib vazirga murojaat qiling deydi.

Ushbu masalada bizga yordam berasiz degan umiddamiz.

Rushana Xushvaqtova

👉 @Kusherbayevga_murojaat

МИБ биносидаги камераларни кўтариб кўрадиган ташкилот йўқми? ➖Асака

Ассалому алайкум Расул Кушербоев!

Мен сизга шу мавзу бўйича учинчи бор мурожаат қилишим.

Мурожаатим Асака туман МИБ ходимлари устидан шикоят.

Сизга ўтган йили 18 ноябрда мурожаат йўллагандим. Сўнг мени 25 ноябрь куни Андижон вилоят прократурасидан Жавлонбек исмли шахс чақириб, оғзаки савол-жавоб ўтказди.

Мен учун алоҳида қонун ишлаб чикилаябти шекилли шундан бери хануз натижадан дарак йўқ.

МИБ ходимлари мени мошинами ҳохлаганича миниб ичида қолган пулимни олиб қўйишса, уларга чора кўрмай оддий халққа чора кўрамиз, деб алдаб юришаверадими?

Нахотки шу МИБ биносидаги камераларни кўтариб кўрадиган ваколати бор ташкилот йўқ бўлса? Агарда шу камералар кўтарилганида эди, мени муаммоим ҳал буларди. Ҳеч бўлмаса қўлимдаги видеоларни куришганда эди.

Ходимлар мошинамни бузиб очишган.

Зиёда Маматова,
Андижон вилояти,
Асака тумани, Шодлик МФЙ
Тиллахон куча 3/11

👉 @Kusherbayevga_murojaat

Инспектор ота-онамни мени хонадонимга келишини тақиқлаб қўйди➖Сайхунобод

Ассалому алайкум!

Мен Сирдарё вилояти, Сайхунобод тумани, Паймард маҳалласи, Сулола кўчаси 12-уйда яшайман.

Ота-онам Ибрат кўчаси 44-уйда яшайди.

Жорий йилнинг 16 январь куни хонадонимга маҳалла инспектори ташриф буюриб, ота-онамни менинг хонадонимга ташрифини тақиқлаб қўйди.

Маҳалла инспекторида ҳеч қандай ҳужжат мавжуд эмас. Бу бдйича инспектор Олтинбекга мурожаат қилсам менинг чеклаш ваколатим бор деб тақиқ қўйди.

Шу масалада амалий ёрдам беришингизни сўрайман.

Мирзаев Сирожиддин Ибрайимовичман

👉 @Kusherbayevga_murojaat

Xodimlarga dekabr maoshi hali berilgani yo'q➖Buxoro

Murojaatchi: Assalomu alaykum!

Buxoro viloyat hokimyatida xodimlarga dekabr maoshi hali berilgani yo'q. Yanvar oyi ham maosh masalasi dargumon. Hech kim hech narsa demayapti rahbariyatdan qo'rqib.

Biz kreditlarni to'lay olmayapmiz, bolalarni tayyorlov pullarini bera olmayapmiz.

Rahbariyatni xabari yo'q degan gumondamiz. Agar xabari bo'lsa bu paytgacha maoshlar berilmasligiga qanday qarab turibdilar?

Ism familyamni qo'sha olmadim. Yana ishdan ham ayrilmaylik.

❗️Buxoro viloyati hokimligi rahbariyati masalani o‘rganib chiqadi degan umiddamiz!

👉 @Kusherbayevga_murojaat

O‘zbek tili o‘qituvchilari vazirlikdan norozi bo‘lishmoqda

Assalomu alaykum, hurmatli Rasul Kusherbayev!

Yanvardan boshlab ona tili va adabiyoti fani o‘qituvchilariga milliy sertifikatdan A+,A, B+ daraja olsa 50 foiz ustama qo‘shib berish boshlanmoqda.

Yuzlab o‘zbek tili (davlat tili) o‘qituvchilari norozi bo‘lmoqda. Chunki vazirlik faqat ona tili va adabiyoti fani o‘qituvchilarigagina 50 foiz to‘lashini, boshqa tilda taʼlim beradigan maktablarning o‘zbek tili (yaʼni boshqacharoq aytganda davlat tili) o‘qituvchilariga esa avvalgidek faqat 20 foiz berishmoqda ekan.

Aslida esa 2024-yil 24-maydagi  MMTV, OTFIVazirligi, Iqtisodiyot vazirligi imzolagan qo‘shma qarorda ona tilidan olingan sertifikatlar davlat tili o‘qituvchilariga ham o‘tishi belgilangan edi.

Bu yerda vazirlik juda chalkashib ketdi: Birinchidan, yuqoridagi qarorda sertifikat davlat tili o‘qituvchilariga ham o‘tadi degan.

Ikkinchidan,  davlat tilida milliy sertifikati alohida yo‘q. Ular ham ona tili o‘qituvchilari bilan birga kirib ular yechgan testni bajarib chiqyapti.

Uchinchidan, nega ona tili va adabiyot fani alohida Davlat tili alohida deb qaraladigan bo‘lsa shu paytgacha ona tili va adabiyoti qatori ularga ham 20 foiz ustama bir xil to‘lab kelindi?

Vazirlik qaysidir qarorlarini qayta ko‘rib chiqqan holda o‘qituvchilar foydasiga o‘zgartirish kiritishi yaxshi bo‘lardi.

Yuqoridagilardan kelib chiqib davlat tili o‘qituvchilariga ham 50 foiz ustama bersa adolatdan bo‘ladi. O'zi bu fan o‘qituvchilari soni kam,  ular ichidan sertifikat olganlari undan ham kam.

Dilnoza Normurodova,
Angren shahar 17-maktab o‘zbek tili-davlat tili o‘qituvchisi.

👉 @Kusherbayevga_murojaat