TONG.UZ Каттақўрғон шаҳар медиа компанияси

“Заковат” ўйини ғолиблари  аниқланди

Шаҳримиздаги мактаблар ўртасида ўтказиб келинаётган “Заковат” интеллектуал ўйинининг Прокурор лигаси 3-мавсуми ҳам қизиқарли бўлди. Ўқувчи-ёшларни билим савиясини ҳамда иқтидорини рўёбга чиқариш, интеллектуал салоҳиятини ошириш мақсадида ташкил қилинган ўйиннинг финал  босқичида умумтаълим мактаблари ўртасида саралаб олинган 10 та жамоа қатнашди.

Финал ўйинида иштирок этган шаҳар ҳокими Гавҳар Алимова ҳамда  шаҳар прокурори Исмоил Нуриддиновлар  ўқувчиларнинг иқтидорларини эътироф этдилар.

Финал якунида мутлоқ ғолибликни 16 - Ихтисослашган умумтаълим мактаби жамоаси қўлга киритди. Шунингдек, 2-ўрин Ихтисослашган мактаб ҳамда 3-ўрин 15 мактаб жамоаларига насиб этди. Ғолибларга диплом ва қимматбаҳо совғалар тақдим этилди.

ЭЪТИРОФ

Ўтган йил давомида ёшларни қўллаб-қувватлаш борасида олиб борилган ишларда маҳаллаларда фаолият юритаётган ёшлар етакчиларининг меҳнатлари муносиб бўлди. Бугун шаҳар ҳокими Гавҳар Алимова етакчилар билан бўлган учрашувда уларнинг бу борадаги фаолиятларини эътироф этди.

Йил давомида самарали меҳнат қилиб, вилоят ва республика миқёсида фахрли ўринларни  қўлга киритган энг фаол ёшлар етакчилари шаҳар ҳокимининг ташаккурномаси ва қимматбаҳо совғалари  билан тақдирланди.

Шунингдек, тадбир давомида маҳалла ёшлари ўртасида спортнинг шахмат тури бўйича ўтказилган “Ҳоким кубоги” мусобақасида фахрли 1-ўринни эгаллаган Амир Темур маҳалласи, 2-ўринни қўлга киритган “Ўрикзор” маҳалласи ҳамда 3- ўринни эгаллаган “Миёнкол” маҳалласи ёшларидан иборат жамоаларга диплом ва совғалар тақдим этилди.

QALBLARGA SHODLIK ULASHIB

🌟Yangi yilni bolajonlar o‘zgacha shodlik bilan kutadilar. Ayniqsa, Yangi yil sovg‘alari ularning qalblariga quvonch baxsh etadi. Bugun Kattaqo'rg'on shahar 5-maxsus maktab internatida muassasa tarbiyalanuvchilari uchun bayram tadbiri tashkil etildi.

⚡️Ushbu bayram tadbirida ishtirok etgan shahar hokimi Gavhar Alimova hamda shahar prokurori Ismoil Nuriddinov bolajonlarni bayram bilan muborakbod etdilar va ularga bayram sovg’alari ulashishdi.

🎭Tadbir davomida shahar Drama teatri aktyorlari tomonidan ertak qahramonlari obrazida sahnalashtirilgan yangi yil tomoshalari namoyish etildi.