... СОҒИНГАНМАН
Само узра нур таратган қуёшимсан,
Азобларга чидолмаган кўз ёшимсан,
Йироқларда қолиб кетган сирдошимсан,
Ростин айтсам, сени жуда соғинганман.
Ишон, хаёл отларига миниб ҳар дам,
Дунёларга сиғмас ҳатто ҳисларим ҳам,
Дил сари кел, дардларимга бўлгин малҳам,
Иқрорман мен, сени жуда соғинганман.
Нигоҳларинг мен шўрликни этди асир,
Вужудимга ишқ оғуси этди таъсир,
Асли сендан гуллар олган рангу тасвир,
Маҳталман мен, келгин гулим соғинганман.
Умр йўлин бирлаштириб қилайлик тўй,
Ҳатто райҳон шивирлашиб таратсин бўй...
Лайлим бўлгин, мени Мажнун этмагин, қўй,
Интизорман, сени жуда соғинганман.
Сени излаб сарсонман мен, бўлдим Мажнун,
Аҳволим танг, қалбим йиғлар, йиғлар беун,
Гар келмасанг бўламан-да далли жунун,
Ардоғим, кел сени жуда соғинганман !!!
СОҒИНГАНМАН....
СОҒИНГАНМАН...
СОҒИНГАНМАН...
✍ МУНИРА СУЛТОН
БЕКОБОД
🎤 БАХРОМ МАМАРАСУЛОВ
ЖИЗЗАХ
✨
𝐓𝐞𝐥𝐞𝐠𝐫𝐚𝐦 | 🌺👑❤️КӮНГИЛ КОШОНАСИ❤️👑🌺