Kun qahramoni: Javohir Sindarov!!!
Javohir Sindarov
2025 Freestyle Chess Grand Slam turnirining chorak finalida Fisher shaxmati bo’yicha amaldagi jahon chempioni
Hikaru Nakamurani mag’lub etib, yarim finalga yo’l oldi.
Eng qizig’i dastlabki saralash bosqichida 2-o’rinni olgani uchun Javohirga chorak final uchun raqib tanlash imkoniyati berilgandi. U Hikaruni tanladi va shaxmat olamida o’ziga xos shov-shuvga sabab bo’ldi. Hatto Magnus Karlsen ham bu qarordan hayron qolgandi.
Dramatik o’tgan bahsda Javohir haqiqiy qahramonlik ko’rsatdi. Kecha va bugun bo’lgan klassik bahslarda juda qiyin partiyalarni durangga aylantira oldi. Shundan so’ng tay-brekda rapid bahslari boshlandi.
Dastlabki partiya qora donalarda o’ynagan Javohir qiyin vaziyatdan chiqib, raqibini taslim etdi. Ikkinchi partiyada Hikaru bitta sipoh ustun edi. Hamma tay-brek davom etishini kutib turgandi, ammo Javohir partiya so’ngida Hikaruni qopqonga tushirdi va g’alabani ilib ketdi. Qoyil, janob Sindarov! Barakalla!
Endi Javohir yarim finalda Fabiana Karuana bilan kuch sinashadi.
👉
@xushnudbek 👈
