"Otalar o‘lmaydi!" Otalar o‘lmaydi, ular shunchaki,
Ko‘chib o‘tadilar boshqa makonga.
Baland imoratlar qurarlar balki,
Bizni keladi deb ulug‘ mahsharga.
Otalar o‘lmaydi, ular shunchaki,
Uzoq safarlarga shaylanadilar.
Dasturxon boshida har kungidagi,
Bir xovuch duoga aylanadilar.
Otalar o‘lmaydi, nigohlarini,
Yelkamiz ortidan sezib turamiz.
Tushlarga jim kelib ketishlarini,
Bolalarimizga aytib yuramiz...
Otalar o‘lmaydi har kuni, har on,
Xayollarimizda turadi tirik!
@kukdalakuzgusi