E-library

​​“O‘qituvchilar uchun Aptis” testi haqida ma’lumot

❓ “O‘qituvchilar uchun Aptis” nima?

✅ “O‘qituvchilar uchun Aptis” Davlat test markazi tomonidan Britaniya Kengashi bilan hamkorlikda o‘tkaziladigan malaka testi hisoblanadi.

- - -

❓ Kimlarga mo‘ljallangan?

✅ Ushbu test har oyda asosiy ish haqiga qo‘shimcha ravishda ustama puli olishni istagan ingliz tili o‘qituvchilariga mo‘ljallangan.

- - -

❓ Test sinovning o‘ziga xos xususiyatlari nima?

✅ Test sinovning o‘ziga xos xususiyatlari:

👉 Britaniya Kengashining yetakchi ingliz tili mutaxassislari tomonidan ishlab chiqilgan.
👉 Ta’lim sohasi uchun maxsus ishlab chiqilgan (eng yaxshi natijaga erishish uchun o‘qituvchilar tajribasidan kelib chiqib moslashtirilgan).
👉 Tez, qulay va arzon – bir kun ichida test sinovlarining barcha qismlari topshiriladi va testdan 72 soat o‘tgach, natijalar e’lon qilinadi.
👉 Maxsus tayyorgarlikni talab qilmaydi – ingliz tilini bilishning haqiqiy darajasini aniqlashga imkon beradi.

- - -

❓ Test sinovi uchun qanday ro‘yxatdan o‘tiladi?

✅ Test sinovida qatnashish uchun o‘qituvchilar Davlat test markazining rasmiy (https://dtm.uz/page/aptis) sayti orqali onlayn ro‘yxatdan o‘tishlari mumkin.

- - -

❓ Test sinovi uchun to‘lov qancha?

✅ Test sinovida qatnashish uchun to‘lov bazaviy hisoblash miqdorining 2,5 baravarini tashkil qiladi.

- - -

❓ Ushbu test qancha muddatda o‘tkaziladi?

✅ Test sinovlari har oyda bir marta Davlat test markazida o‘tkaziladi.

- - -

❓ “O‘qituvchilar uchun Aptis” testini topshirish nima uchun kerak?

✅ Natijalari CEFR shkalasi bo‘yicha “C” darajasiga to‘g‘ri keladigan, “O‘qituvchilar uchun Aptis” testidan o‘tgan o‘qituvchilarga Davlat test markazi ma’lumotnomalari beriladi. Ushbu ma’lumotnomaga ega o‘qituvchilarga uning amal qilish muddati davomida asosiy ish haqining 50% miqdorida ustama beriladi.

- - -

❓ Testni kim baholaydi?

✅ Testning taqdim etilgan javoblari “Global British Council” baholash guruhi tomonidan baholanadi.

- - -

❓ Natijalar qachon e’lon qilinadi?

✅ Test natijalari test o‘tkazilgan vaqtdan boshlab 72 soat ichida shaxsiy kabinetda e’lon qilinadi.

- - -

❓ Test qanday o‘tkaziladi?

✅ “O‘qituvchilar uchun Aptis” testi Davlat test markazi tomonidan kompyuterda o‘tkaziladi.