Ulgʻayib sukutda juda koʻp donolik borligini anglamoqdaman. Yoshligimda odamlar orasida sukut saqlardim, chunki odamlar koʻp narsani biladi, men esa hali hech narsani bilmayman deb! Mana bir-muncha ulgʻaydim, koʻp narsalarni oʻrgandim, koʻp narsalarga amin va iqror boʻldim, xatolar qildim, xullas koʻp narsani tushundim. Toki butun borliqni qanday paydo boʻlishidan tortib, qanday yoʻq boʻlib ketishigacha tushunib yetdim! Lekin baribir ham odamlar orasida sukut saqlayman. Chunki endi juda koʻp narsani bilaman. Bizning bilganlarimiz va bilmaganlarimizning barchasi sukunatimizda. Boshqalar esa shunchaki ogʻziga nima kelsa shuni gapiradi xolos...
