Ваш доход с телеграм-канала

С аудиторией от 1500 подписчиков. Подключайтесь!

Заработок с телеграм-канала

С аудиторией от 1500 подписчиков. Подключайтесь!

Росатом Центральная Азия

Новости, исследования, интересные факты об энергетике.

Статистика Избранное

Konservativ Tribunal ️

@konservativ_tribunal

Гео и язык канала: Узбекистан, Узбекский

Категория: Блоги

Hayotga konservativ yondoshuv. Shaxsiy blog. Siyosat, romantika, komidiya . Barchasi IMHO.
✍️Aloqa uchun
°Telegram: @Sanjar_Ilhomovich

Связанные каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

Konservativ Tribunal ️

29 Jan, 11:37

Эслатар уни…

Бунча кўм-кўк бокира осмон
Ҳаяжонга туширар мени.
Нечун ёдга солади, Тошкан,
Ҳар бурчагинг уялмай уни.

Менга денгиз эслатар нега
Кулгичидай шарқирар сойлар.
Айрилиққа беланган кеча
Ўтиб кетар бефойда ойлар.

Менинг кўнглим жанубдай иссиқ,
Ғам қушлари учишар тўда.
Унга севги жуда ўхшайди,
У севгига ўхшайди жуда.

Ўзимники эмас ҳаётим,
Шеърнинг дарди қийнайди мени.
Бешавқатсан бунчалар, Тошкан,
Эслатасан бунчалар уни.

Мингта денгиз сувидан кўпроқ,
Соғинчларнинг тўлиб тошгани.
Ҳеч тан олмас қоғоз қаламим
Нимагадир ундан бошқани.

Яшашни ҳам ўрганмоқ керак
Айт, неларга эрур фидо жон.
Ҳатто ўлим эслатса уни...
Менга раҳминг келсин, Художон.

(C) Санжар Машриқий

14 0 1 2

Konservativ Tribunal ️

24 Jan, 18:49

Sochlaringdan ehtimol
Gullar hidi ufurdi.
Etaklaring yo‘l bo‘yi
Izlaringni supirdi.

Oh qanisan, oy qizi,
Oh qanisan, yugirdim.
Topolmasdan, boshimni
Bolish tamon ugirdim.

“Oh bolishim, bolishim,
Quchog‘imda to‘lmaysan”.
Sen-chi, dilbar, nahotki
Bir bolishcha bo`lmaysan?

Piyolalar labingdan
Totar har kun bol bo‘sa.
Men-chi sho‘rlik oshig‘ing
Zahar yutdim bir ko‘za.

Keyin esa allakim,
Ketdi... tutib qo‘lingdan.
Va begona odamday
Qoldim chiqib yo‘lingdan.

Eh, go‘zalim, oymomo,
Tutashmadi so‘qmoqlar.
Sog‘inmayman deyman-u,
Sotib qo'yar barmoqlar.

Umr shunday, bitta kam,
To‘ldirmaydi kamimni.
Endi men ham oshiqday,
Yozsam bo‘lar g‘amimni.

Men ketaman yaxshi qol,
Mashriqiylar yurtiga.
Va kutaman qatlimni
Boshim dorning ustiga!

Sochlaringdan ehtimol,
Sog‘inch hidi ufirdi...

(C) Sanjar Mashriqiy

34 0 0 6

Konservativ Tribunal ️

13 Jan, 18:51

Kitob ko‘targan qiz haqida qo‘shiq

Beparvo edim men yoshlikda,
Yuzimda yillarning shitobi.
Bir qizcha meni har ko‘rganda
Qo‘lidan kitobi tushardi.

Men esa beparvo o‘tardim,
Yerdagi kitobga egilmay.
U menga qo‘llarin tutganda,
O‘tgandim qo‘liga tegilmay.

Balki u istagan yerdagi,
Kitobni qo‘liga tutishim.
Alamin keltirgan ehtimol,
Jimgina beparvo o‘tishim.

Yomondir aslida do‘stlarim,
Hijron-u sog‘inchning azobi.
To‘satdan angladim, ul damda,
Bekorga tushmagan kitobi.

Vaqt o‘tdi oradan ko‘p yillar,
O‘sha qiz dilimdan o‘chmaydi.
U endi ohudek qiz bolgan,
Qo‘lidan kitobi tushmaydi.

Ha, uni uchratdim kun kecha,
Kitob yo‘q. Qovog‘im uyildi.
Yonimda o‘tganda poshnalar,
Qadrimdan balandroq tuyildi.

Eslayman, bo‘lardi avvallar,
O‘zgacha qizlarning odobi.
Bir qizcha meni har ko‘rganda,
Qo‘lidan tushardi kitobi.

Men esa baparvo o`tardim…

© Sanjar Mashriqiy

78 0 1 2

Konservativ Tribunal ️

11 Jan, 19:41

Репост из: «Халқ сўзи» | Расмий канал

Тилим «Ман Сити» деб чиққан ёхуд битта ўзбек йигити қандай қилиб Европанинг энг кучли жамоалари орасида талаш бўлди (таҳлилий мақола)

Европада «шовқин кўтарган» йигит ким ва у бундай натижагача қандай йўлни босиб ўтди?

👉 https://xs.uz/uzkr/123030

Расмий саҳифаларимиз 👇

Telegram|Instagram|Youtube|Facebook

51 0 0

Konservativ Tribunal ️

6 Jan, 19:11

Ich-ichimdan...

Qo'ng'iroqlar qolar javobsiz,
O'qilmagan xabarlar qator
O'rindiqlar kimsasiz, xomush,
Ich-ichimdan iztirob oqar.

Oyning yorug' kunlari ortda,
Zulmat cho'kar shaharga og'ir.
Sirt-sirtimdan hech narsa yo'qday,
Ich-ichimdan yog'adi yomg'ir.

Yuragimning yamoq ustlari,
Umidlarim umrimni yedi.
Ko'z aldaydi, qalbim-chi halol
Bu havasmas, muhabbat dedi.

Allambalo kitoblar o'qir,
Uzunquloq gaplar ortidan.
Men quyoshman, o'tkinchi umid
Men quyoshman ishqning yurtidan.

Aslida ham yashamoq og'ir,
Bu yelkada yolg'iz bosh bilan.
Quchog'imda yuragim og'rir,
Quchog'imda yurdim tosh bilan.

Musavvirmas, shoir tug'ildim,
Chizolmayman, bitganim shudir.
Sirt-sirtimdan ayriliq nima
Ich-ichimdan kutganim "u"dir.

© Sanjar Mashriqiy

75 0 0 5

Konservativ Tribunal ️

2 Jan, 16:56

Haq so'zni aytganlarni
Jallodlar tutayotir.
Umrimiz qo‘rqinchli bir
Tehronda o‘tayotir.

Zolimlar o‘zlarini
Odillar atayotir.
Qorachiqning ichida
Qora qon qotayotir.

Fuqaro har ishiga
Jazosin olayotir.
Arboblar shoxi borday,
Qatlsiz qolayotir.

Laylilarning Majnuni
Rus sari ketayotir.
O‘z haqqin so‘rganlarni
Ko‘p nari etayotir.

Musaffo emas osmon,
Bulutlar kezayotir.
Adolat ko‘rmaganlar.
Vatandan bezayotir.

Yazidlarning jabridan
Bag‘rini tig‘layotir.
Nashid-chun ketganlarning
Onasi yig‘layotir.

Mashriqiy, yumib ko‘zni,
Qaddin tik tutayotir.
Nilufarday jismimiz,
Botqoqni yutayotir.

(C) Sanjar Mashriqiy

81 0 0 5

Konservativ Tribunal ️

26 Dec 2024, 07:14

Ozroq gʻurur, andisha...

Boqolmading koʻzimga,
Hanjarli kiprik osha.
Men buni kibr dedim
Sen-chi deding andisha.

Goʻyo ketdim men shodon
Va begona bu goʻsha.
Gʻururga yoʻyding buni
Men atadim andisha.

Sen kech deding qaytishga
Men-chi diling bir shisha!
Odamlar manman dedi
Bizlar dedik andisha.

Yigit qurib qolmagan,
Qiz topilar hamisha.
Bu ishqdan qoldi faqat
Ozroq gʻurur, andisha.

©Sanjar Mashriqiy
@konservativ_tribunal

88 0 0 1 3

Konservativ Tribunal ️

11 Dec 2024, 12:08

O‘ylar edim qulaydi osmon,
Cho'kib qolar bahaybat tog‘lar.
Ikkimizni sog'inib, so‘lib,
Qovjiraydi biz kezgan bog‘lar.

Qilt etmadi na ko‘k, na zamin,
Gullayverdi gulshanlar besas.
Ketganingni bilishmas balki,
Bilishmaydi olmasam nafas.

Intihoga ulanar umid,
Va visolga aylansa borliq.
Sening bilan badbaxtlik baxtday,
Sensiz baxtli bo‘lgandan ortiq.

Hali oldda turar sog‘inmoq,
Na yosh kelar ko`zga bir tomchi.
Bir paytlar jo`shgan ehtiros,
Qanday qilib kul bo`ldi, ayt-chi?

Tun yutadi sochlar zangori,
Zulmat rangda tovlanar shodlik.
Tutashmagan taqdir yo`llari,
Boshlar bizni ayriliq, jarlik.

Alvon rangli yelkanlar* haqqi,
Kimsa bilmas to`lqinlar qo`pdi.
Quyosh yurak*, boshladim yo`lni,
Osmonlarim dengizga cho`kdi.

Yaxshi bo`ldi sezmadi hech kim,
Yaxshi bo`ldi - titradi ovoz.
Yetib keldik ertak so`nggiga,
Faqat toshga aylanma... qog`oz...

(C) Sanjar Mashriqiy

2024.

*izohda tavsiflar

93 0 0 2 2

Konservativ Tribunal ️

9 Dec 2024, 20:14

...

Shivirlading: bari tugadi,
Men jilmaydim: Xayr sevgilim.
Bu ishongin ayriliq emas,
Toki bizni ayirmas o‘lim.

“Aniq baxtli bo‘lmog‘imiz shart”
Qo‘lim siltab, yuzim buraman.
Endi faqat tushimda aytgum:
Seni juda yaxshi ko‘raman.

Keyin esa qaytaman uyga,
Kravatga cho‘kaman uzoq.
Tong yorishib qolmoqda erkam,
Mening uyqum kelmaydi biroq.

Endi tongdan to tunga qadar,
Qayerlarda kezadi ko‘ngil.
Meni juda yaxshi ko‘radi,
Olislarda o‘sayotgan gul.

Bizlar birga o‘tkazgan kunlar,
Eng yaxshisi edi ehtimol.
Senga ishqim nasib qilmadi,
Menga nasib qilmadi visol.

© Sanjar Mashriqiy

2021-y.

163 0 2 3 4

Konservativ Tribunal ️

21 Nov 2024, 09:51

*sevib qolganmisan?..
(sheʼr ohang va qofiya uchun yozilmagan)

avtobus
shahar
tiqilinch...
kimdir yelkamga turtadi:
- hoy uka, yoʻl haqqini katta xolang beradimi?
sumkamga yopishib nimadir izlayman...
"oylik chiptami" deydi pattachi xotin:
- xayolingni yigʻ!
sevib qolganmisan, deydi
indamayman.

"qiyqqqq-piiiiip" tovush keladi
"qizil chiroq" - svetafor
yoʻlning oʻrtasida turibman...
milisachi amaki keladi:
- studentmisan
- ha
- svetaforga qarab yur yo
sevib qolganmisan, deydi
indamayman

universitet
darsxona
leksiya
ustoz nimadir deyapti... bilmadim
- hoy sen, deydi toʻsatdan, Palonchayev
tur oʻrningdan, darsni eshityapsanmi yo
sevib qolganmisan, deydi
indamayman

tanaffus
qiy-chuvlar
deraza oldi...
sekin yonimga kelasan
osmonpar koʻzlaringni tikib
soʻraysan:
- nimani oʻylayapsiz, yo
kimnidir sevib qoldingizmi?

men... men... men...
senga nima dey?????

© Sanjar Mashriqiy

101 0 0 4

Konservativ Tribunal ️

14 Nov 2024, 20:19

Qachonlardir aytilgan qo'shiq...

Yaxshiyamki, qaltiramas qo‘l,
Yaxshiyamki, bildirmas ko‘zim.
Oshkor bo'lsa, qilardim nima,
Seni jondan yaxshi ko'rishim.

Haqiqat ham olisdan olis,
Haq ustida bo‘lganday so‘zim.
Nahot qolsa to'ldirib qog‘oz
Seni jondan yaxshi ko‘rishim.

Saodatga, baxtga yetmoqlik,
Yana qancha xayol surishim.
Yeb-bitirar ich-u ichimdan
Seni jondan yaxshi ko‘rishim.

Jo‘shib borar g'azab, ehtiros,
Ishqqa to'la turish turmushim.
Quyosh kabi rost va beqiyos,
Seni jondan yaxshi ko‘rishim.

Sevish mumkin so'zlarsiz faqat
Va termulib, qarab turishim.
Bilmasaydim azal va abad,
Seni jondan yaxshi ko‘rishim.

(C) Sanjar Mashriqiy

186 0 1 4

Konservativ Tribunal ️

18 Oct 2024, 18:06

Yomg'ir quyar, iztirob oqar,
Yetilmagan visollar olis.
Tun zulukday qonimni ichar,
Va beparvo o'tadi bir qiz.

Bu umrning poyoni yaqin,
Tugab borar nafaslar so‘nggi.
Va beparvo o'tadi bir qiz,
Hijronlarning ko‘rinmas so‘ngi.

O'rtamizga cho‘kar hissizlik,
Va beparvo o'tadi bir qiz.
Yuragingni yozishga qo‘ymas,
Azoblarni tuyishday yolg‘iz.

Bir qiz o‘tar ko'pdan beparvo,
Umidlar ham noaniq, yuzsiz.
Aytib bo‘lmas zohiri ishqni
Anglasayding beizhor, so‘zsiz.

(C) Sanjar Mashriqiy

158 0 0 3

Konservativ Tribunal ️

18 Oct 2024, 17:44

Репост из: Konservativ Tribunal ️

- Ko`nglingning ko`chasidan – deysan
- Ko`nglimning ko`chasidan – deyman
Paxtakorga to`xtab o`tamiz

- Uff bunchalar tikildi – deysan
- Ehh bunchalar tikildim – deyman
Paxtakorga to`xtab o`tamiz

- Menga nima – tushib ketasan
- Menga nima – tushib ketaman
Paxtakorga to`xtab o`tamiz

- Erta ko`nglin so`rayman – deyman
- Erta ko`nglin sorayman – deysan
Metro ichra so`zsiz har kuni
Paxtakorga to`xtab o`tamiz

© Sanjar Mashriqiy

117 0 0 1 3

Konservativ Tribunal ️

14 Oct 2024, 15:37

Репост из: Ichiga donak🔥

Soyabonim yarmi bo‘sh...

Begonalik tuyg'usi
Tegramizda urar jo‘sh.
Men-chi yolg'iz kezarman,
Soyabonim yarmi bo‘sh.

Usting yupun, ham harir
Ham olmading yomg‘irpush.
Ko‘zyoshingday tomchilar,
Soyabonim yarmi bo‘sh.

Ayamaydi bulutlar
Bizday qilar xayr-xo‘sh.
Ko‘nglim kabi voajab
Soyabonim yarmi bo‘sh.

Visoldayin olis uy
Ham armonlar bunga qo‘sh.
Faqat haqiqat shunday
Soyabonim yarmi bo‘sh.

Ishq bu deysan tutqunlik
Sen beqaror hurkak qush.
Ma‘lumi-chi umrimday
Soyabonim yarmi bo‘sh.

O'lchov yo‘q-ku nedir ishq,
So‘rasalar ne dey, xo'sh?
Hech kim bilmas kim uchun
Soyabonim yarmi bo‘sh.

(C) Sanjar Mashriqiy

116 0 0 1

Konservativ Tribunal ️

16 Sep 2024, 09:44

Репост из: Konservativ Tribunal ️

Mashriqiy… marhumlar yurtida…

boshingiz ustida
bulutlar
bulutlar
qop qora bulutlar
hayvonot
nabotot
insonot
kech emas
ko‘zlarni yuminglar
bu dunyo
keng emas
tordan tor
o‘laksa poylaydi
burgutlar
qabrlar qazinglar
Millionlab
umidni
yuvinglar
kafanlab ko‘minglar

saf bo‘ling
janoza namozi
iqtido qilinglar
imomga
qayg‘udan ko‘ngilni
tig‘langlar
qiynamang vijdonni
(u borday)
masala
chanqadi
tabiat
insonot
quridi daryolar
yig‘langlar

so‘zlamang
til sizga bekorga
tuyoqlar yalashga
berilgan
jasorat
muhabbat kabi yo‘q
yot g‘oya
barini yoqinglar
mashuqlar Layliga
yetmasin
Farhodlar
topmasin Shirinni
ko‘kraklar
tuproqqa yetguncha
oq-qora
medallar taqinglar

Mashriqiy kim desa
qachondir
Mashriqiy fitnagar desalar
kim unga yondashsa
xoindir
xoinlar
xoinlar ortidan.
yig‘lamang
onamdan boshqalar
boshqalar
quruq so‘z demasin
desinlar
Mashriqiy g`irt tentak
Mashriqiy
marhumlar yurtidan

© Sanjar Mashriqiy
@konservativ_tribunal

175 0 0 6

Konservativ Tribunal ️

7 Sep 2024, 22:42

O bir umr kutdim,
Alvido...
Ko‘zlaringmi bahorday gulgun.
Qovushmoqlik ertakdan ertak,
Sendan faqat ayrilish mumkin.

Nasib emas, na ishq, na visol,
Topolmayman ta'na toshlarin.
Baxtning menda nasibasi yo'q,
Armonlarchi tushadi qalin.

Nima bo'lar ayrilsam sendan
Nima bo‘lar bo‘lmasak birga.
Axir sening ishqing-la yasha,
Og'irmidi menday majnunga.

Mana qadah qadarga to'lgan,
Tomchi, tomchi achchiq ko'z yoshga.
Har azobning mazasi bo‘lgan,
Faqat sening bo'sangdan boshqa.

Sevish zavqdan boshqasin bermas,
Axir bu ham g‘oyibdan tortiq.
Va qo‘limdan kelmas hech nima
Bitta seni sevishdan ortiq.

(C) Sanjar Mashriqiy

177 0 0 4 4

Konservativ Tribunal ️

10 Jul 2024, 06:59

Репост из: «Халқ сўзи» | Расмий канал

02:17

Видео недоступно для предпросмотра

Смотреть в Telegram

“Сизлар мени асрай олмадингиз...” Автоҳалокат қурбони бўлган қизалоқ тилидан катталарга хат!

Расмий саҳифаларимиз 👇

Instagram | Facebook | Youtube | Telegram

246 0 2

Konservativ Tribunal ️

27 Jun 2024, 15:49

Naushnikli qizga...

Aytgin nima edi gunohim,
Meni yomon ko`rib qolgan qiz
Shoshmay turgin, hali senimi?..
Koʻk naushnik taqib olgan qiz.

Meni ko`rib qanday xayollar
Tortib ketar seni qariga.
Yo bizlarni uchratib qo`ygan,
Aybdormi Toshkan bariga.

Talab qilar mendan nenidir,
Nafrat o`ti qotgan nigohlar.
Men-chi seni sevaveraman,
Yana ortib ketar gunohlar.

Sen naushnik taqib chiqasan,
Avtobusga xomush beparvo.
Uqrayasan menga to`satdan,
Tomog`imga tiqilar havo.

Talabalik oltin davrimda
Sevgi sabab noxushliklarga.
Nega axir ishonasan-a?
O`sha maraz naushniklarga.

Kechira qol bo`lsam aybdor,
Men parvona, ko`zlaring-chi sham.
Parvardigor beayb shubhasiz,
Gunohi yoʻq shaydolikni ham.

© Sanjar Mashriqiy

257 0 0 2

Konservativ Tribunal ️

26 Jun 2024, 16:29

#eskisher

JINNICHA...

Kimsasiz shaharda baqirdim,
Ogʻzimga qoʻlini bosdilar.
Oʻrta bir asrdek jinni deb,
Boʻynimga bir yozuv osdilar.

Endi-chi, endi-chi, oh mazza,
Baqirsam hech kimsa kulmaydi.
Mendek bir oshigʻ-u jinniga
Sevma deb uqtirib boʻlmaydi.

Uningmi koʻngli ham bir nozik,
Xitoyi bir turlik chinnicha.
Men esa baqirdim uyalmay:
- Jinnining sevgisi jinnicha.

Faqat-chi azobdir muhabbat,
Shunchalik sevolsa kimgina.
Jinniman, sevgilim, seni-chi,
Sevib ham boʻlmaydi jimgina.

Ishq boqiy, bir boshga bir oʻlim,
Manglayda Yaratgan soʻzlari.
Qatl ham etarlar Oʻrta bir
Asrlar jinnisi singari.

Sen menga iddaolar qilmagin,
Hamma ish qiladi koʻnglicha.
Hattoki soyangni sevaman:
Jinnining sevgisi jinnicha...

© Sanjar Mashriqiy
@Konservativ_tribunal

196 0 0 4

Konservativ Tribunal ️

22 Jun 2024, 18:34

Репост из: «Халқ сўзи» | Расмий канал

Сўнгги 4 йилда ИИБлардан ўлиги чиққанлар хронологияси. Тизимни ўзгартириш керакми?

👉 https://xs.uz/uzkr/115024

Расмий саҳифаларимиз 👇

Instagram | Facebook | Youtube | Telegram

156 0 3 3 1

Показано 20 последних публикаций.

48

подписчиков

Статистика канала

Популярное в канале

Haq so'zni aytganlarni Jallodlar tutayotir. Umrimiz qo‘rqinchli bir Tehronda o‘tayotir. Zolim...

Kitob ko‘targan qiz haqida qo‘shiq Beparvo edim men yoshlikda, Yuzimda yillarning shitobi. Bir q...

Ich-ichimdan... Qo'ng'iroqlar qolar javobsiz, O'qilmagan xabarlar qator O'rindiqlar kimsasiz, xo...

Тилим «Ман Сити» деб чиққан ёхуд битта ўзбек йигити қандай қилиб Европанинг энг кучли жамоалари о...

Sochlaringdan ehtimol Gullar hidi ufurdi. Etaklaring yo‘l bo‘yi Izlaringni supirdi. Oh qanisan, ...