KOMMUNAL

#Hududlardan_xabarlar

🏢 Ko'p qavatli uyning tayanch devorini buzish javobgarlikka olib keladi

Namangan viloyati Qurilish va uy-joy kommunal xoʻjaligi sohasida hududiy nazorat qilish inspeksiyasi xodimlari tomonidan turar joylardan foydalanish va ularni saqlash qoidalariga rioya etilishini oʻrganish maqsadida nazorat tadbiri oʻtkazildi. Natijada Pop tumani Anhor mahallasida joylashgan koʻp qavatli uyda yashovchi fuqaro tegishli tashkilotlardan ruxsat olmasdan, oʻzboshimchalik bilan xonadondagi asosiy yuk koʻtaruvchi tayanch devorni buzib, oʻzgartirishlar kiritayotgani aniqlandi.

🔵Mazkur holat yuzasidan fuqaroga darhol oʻzgartirilgan qismlarni asl holatiga keltirish boʻyicha majburiy koʻrsatma berilib, bayonnoma rasmiylashtirildi.

Bundan tashqari fuqaroga oʻzgartirishlarni belgilangan muddatda asl holatiga keltirmagan taqdirda tumanlararo fuqarolik sudiga da'vo arizasi kiritilishi haqida ogohlantirildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#Xalqaro_hamkorlik

🔝 Lift uskunalaridan foydalanishda Turkiya tajribasini o'rganish hamda Yevropa standartlarini O'zbekistonda joriy etish maqsadida tuzilgan ishchi guruh Turkiya davlatining Anqara shahrida bo'lib turibdi.

“Liftlarning xavfsizligi to‘g‘risidagi texnik reglamentni
tasdiqlash haqida”gi qarori loyihasini jahon talablari asosida takomillashtirish maqsadida tashkil etilgan hamkorlik loyihasida vazirlikning ayni yo’nalishdagi mutaxassislari ham faol ishtirok etmoqdalar.

Jarayonda liftlarga texnik xizmat ko’rsatish sohasini raqamlashtirish, dispetcherlik xizmati va tizimda professional mutaxassislarni tayyorlash yuzasidan Turkiya tajribasi o’rganilmoqda.

Shuningdek, mamlakatimiz delegatsiyasi Anqara shahridagi Turk standartlari institutida bo’lib, liftlar ekspluatatsiyasiga qo’yilgan majburiy talablar bilan yaqindan tanishmoqdalar.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

Ko‘p qavatli uylar yerto‘lasidan samarali foydalaniladi (+video)

Har bir tadbirkorni o‘ylantiradigan muhim bir masala borki, u ham bo‘lsa faoliyat boshlash uchun qulay joy topishdir. Ko‘pchilik yangi ish boshlagan ishbilarmonlar sarmoyasini inshoot qurish uchun sarflagisi kelmaydi.

🎥 https://youtu.be/W8GV6i9lWlg

Batafsil: https://uza.uz/posts/681000

📱Mobil ilova 👉 iOS | Android

O`zbekcha | Ўзбекча | Русская | Илм-фан | Тезкор

#JARAYON

🏘 Vazir o'rinbosari Ozoda Jo'rayeva Andijon shahrida faoliyat yurituvchi boshqaruv organlari faoliyatini o'rganishda davom etmoqda. Navbatdagi manzil "Shinam mahalla'' boshqaruv servis kompaniyasi bo'ldi. Boshqaruv servis kompaniyasi Andijon shahridagi 4 ta, xususan,"Sog‘lom avlod", "Nodirabegim", "Yangi Bo‘ston", "Yoyilma" mahallalaridagi jami 134 ko‘p qavatli uydagi 5 548 ta xonadonga xizmat ko‘rsatadi.

Ozoda Jo'rayeva kompaniyaning boshqaruv binosi, 24/7 ish rejimida tashkil etilgan dispetcherlik xizmati, moddiy texnika bazasi, ishchi-xodimlar shayligini ko'zdan kechirdi. Shuningdek, ko'p qavatli uylarning texnik holati, ularda amalga oshirilgan ishlar o'rganib chiqildi.

💬 Aholi oldida muntazam hisobdorlikni ta'minlash, murojaatlarni qayd etishdagi e'tibor berish lozim bo'lgan muhim jihatlar, mulkdorlar bilan tog'ri kommunikatsiya o'rnatishga oid masalalarda qator tavsiyalar berildi. Shu bilan birga har bir boshqaruv organi o'zining moddiy imkoniyatlarini kengaytirishi, bunda tadbirkorlikni rivojlantirish lozimligi alohida qayd etildi.

- Zamon kun sayin o'zgarib, rivojlanib bormoqda. Agar siz ham mana shu tezlikda harakat qilmasangiz, raqobat muhitida yutqazib qo'yishingiz mumkin. Shu bois tinimsiz harakat, zamonaviylikka intilish, rivojlanish asosiy maqsadlaringiz bo'lishi kerak, - dedi Ozoda Jo'rayeva.

Shu bilan birga boshqaruv organiga ish samaradorligini oshirish maqsadida xodimlar malakasini doimiy oshirib borish, ba'zi aniqlangan kamchiliklarni bartaraf etish bo'yicha bir qator topshiriqlar berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#JARAYON

🏠 Ko’p qavatli uylarning tutash hududlarida qishloq xo’jaligi mahsulotlari yetishtirilmoqda

Ozoda Jo’rayeva Andijon shahrida joylashgan “Dukchi eshon” mahallasida ham bo’ldi. Ushbu mahallada joylashgan 28 ta ko’p qavatli uyga "Obod dukchi eshon uylari" BSK tomonidan xizmat ko'rsatib kelinadi. Aksariyat uylar 1959-yil qurilgan bo'lib, 3 qavatdan iborat. Kompaniya ushbu uylarning texnik holatini saqlash, ta'mirlash, obodonlashtirish va bo'sh yer o'rinlaridan oqilona foydalanish bo'yicha salmoqli ishlarni amalga oshirgan. Xususan, aholi bilan hamjihatlikda ko'p qavatli uyning tutash yer maydonlariga qishloq xo'jaligi mahsulotlari ekish ishlari amalga oshirilgan.

- Andijon xalqi o'zining mehnatkashligi, mirishkorligi bilan mashhur. Yer resurslaridan aql bilan foydalanish, daromad topish, shu bilan bir qatorda hududning obod ko'rinishini ta'minlash yo'lidagi mazkur ishlaringizni qo'llab-quvvatlaymiz,- dedi O.Jo'rayeva.

⛈❄️ Ma'lumot uchun, kuz-qish mavsumiga tayyorgarlik jarayonida kompaniya tomonidan 5 ta ko‘p qavatli uyning tom va fasad qismlari ta’mirlangan. Ko‘p qavatli uylarning bo‘sh turgan hududlaridan samarali foydalanish maqsadida 1 000 tupdan ziyod uzum, 500 tupdan ortiq gilos ko‘chatlari hamda boshqa sabzavot ekinlari ekilib, obodonlashtirish ishlari olib borildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|