π | KOMILJON MUHAMMAD | 𐰴𐰢𐰠𐰲𐰣

​​Ruslar deganda koʻpchilik aroqxoʻr, bomjlarni tushunadi. Aslida mana bunday ruslar koʻproq.

Bu yigit kecha 37 yoshga toʻldi. 10-oktyabr 1984-yilda tugʻilgan. Boyligi 17,4 milliard dollar.

Ammo qimmatbaho uy, qimmatbaho mashina ishqibozi emas.

Rossiyada u ijarada turar edi, hozirda Dubayda ofis ochgan va oʻsha yerda yashaydi.

Jamoat transportlarini maʼqul koʻradi. Boyligini koʻz-koʻz qilishni yoqtirmaydi.

Agar shu postni oʻqiyotgan boʻlsang, demak, sen ham uning loyihasining bir boʻlagisan.

Bu yigit Telegram asoschisi Pavel Durov.

P.S. Agar u boʻlmaganda hali ham ok.ruʼda rasmlarga "klass" bosib yurgan boʻlarmidik, jigar.

@komiljonmamatov_official

​​- Adolatsizlik boʻldi. Hamma yoq tanish-bilish. Bilimlilar kirolmaydi oʻzi. Mandatni choʻzib oraga pullilarni tiqib yuborishdi.
- Hay-hay, oʻzingni bos, uka. Senga necha ball yetmadi oʻzi.
- 12 yetmadi, aka. Super qilsammikin?
- Qaysi yoʻnalishga topshirding?
- Shu "Irrigatsiya"ga...
- Yoʻnalish soʻrayapman.
- Hmm... Bilmadim, oʻzingiz topshirib bergandingiz-ku, aka.
- Ha, esladim. Balki kirgandirsan, chunki oxirgi yoʻnalishga ancha past balli sohani belgilab qoʻygandim.
- Eee, oʻshanga 12 yetmadi, aka.
- Necha ball olding oʻzi?
- 63
- Sening harbiy imtiyozing bor edi, shekilli.
- Yoʻgʻe, armiyaga bordim. Lekin berishmadi. Uyoqda ham tanish-bilish...
- Ha, essiz...

Turib-turib achinib ketasan shunaqa odamlarga vaqt sarflaganingga.

Sen ham talaba boʻlolmagan boʻlsang, unutma, bunga aybdor oʻzingsan, faqat oʻzing. Chunki korrupsiya gullab yotgan oʻsha davrlarda ham bilimi borlar oʻqishga kirgan. Hozirgi vaqtda esa 5 ta yoʻnalishga bir vaqtda topshirish imkoning boʻla turib yiqilsang, faqat oʻzingdan oʻpkala.

Bu gaplarni senga aytayotgan odam ham uch marta "kalla qilgan". 135, 139, 168 kabi ballar bilan. Shuning uchun yiqilish nimaligini ham sendan yaxshiroq bilaman. Men abituriyent koʻrishi mumkin boʻlgan adolatsizliklarni koʻrib boʻlganman. Shu bilan birga toʻxtab ham qolmaganman. Nolish va aybdor qidirish qoʻrqoqlarning ishi. Shuning uchun bugun talaba boʻla olmagan boʻlsang, bugundanoq keyingi yil uchun tayyorgarlikni boshla. Hozir shunday zamonda yashayapmizki, 100 ball toʻplagan odam bemalol talaba boʻladi. 100 ball olish uchun esa yotvolib oʻqish shart emas. Ozgina qunt va intizom kerak.
Gaziga bos.

Talaba boʻlganlarga esa toʻrtinchi kurs talabasidan bitta nasihat: Oʻqishni tugatgunga qadar hech boʻlmasa bilim darajangni hozirgi darajada ushlab turishga harakat qil.

Omad yor boʻlsin...

P.S. Post haqidagi fikrlaringni izohda qoldir. Sening fikring men uchun muhim.

@komiljonmamatov_official