Kometa.uz Blogi

‌ Тошкент шаҳрининг собиқ ҳокими Раҳмонбек Усмонов қамоққа олинди❗️

Ҳозирда, расман тасдиқланмаган хабарларга кўра, Бош прокуратура томонидан Раҳмонбек Усмоновга нисбатан қурилиш учун ажратилган ер майдонларини ноқонуний сотиш, пора олиш (Жиноят кодексининг 210-моддаси), ер участкаларининг ажратилишида мансаб ваколатини суиистеъмол қилиш (Жиноят кодексининг 205-моддаси) ҳамда қишки захира учун ажратилган пиёзнинг «исроф» қилингани ҳолатлари юзасидан жиноий иш қўзғатилган.

Эслатиб ўтамиз, Раҳмонбек Усмонов 2012–2018-йиллар давомида Тошкент шаҳар ҳокими лавозимида фаолият олиб борган. У 2018 йилнинг апрель ойи охирларида ўз вазифасидан озод этилганди.

Manba: @kometauz

​ЎЗБEКИСТОН ҲУДУДИДА АНОМАЛ ИССИҚ ВА ҚУРУҚ ҲАВО КУТИЛМОҚДА.

ФВВ Фавқулодда вазиятларда бошқарув марказининг хабарномаси:

Ўзгидромет маълумотига кўра, 2018 йил 19-23 июл кунлари Ўзбекистонга хорижий давлат (Эрон) дан қуруқ ва жуда иссиқ ҳаво Туркманистон орқали кириб келади.

Шу муносабат билан, республиканинг аксарият ҳудудларида ҳавонинг кундузги ҳарорати ўртача кўп йиллик қийматлардан 5-7 даражага ошиб, 40-43 даражани ташкил этади.

Бухоро, Навоий, Қашқадарё, Сурхондарё вилоятларида ҳаво ҳарорати 44-45 гача қизийди, гармсил кутилмоқда.

19-23 июль кунлари республиканинг тоғ ва тоғ олди минтақаларида ҳаво ҳароратининг ошиши муносабати билан Тожикистон ва Қирғизистон ҳудудларидан глясиял (музликнинг эриши натижасидаги) сел келиши мумкин.

Юқоридагилардан келиб чиқиб, ҳавфсизлик чораларини кўришингизни, кўп миқдорда ичимлик сувини истеъмол қилишингизни, заруратсиз кўчага чиқмасликни, жисмоний ҳаракатларни камайтиришингизни сўраймиз.

Манба: @kometauz

Assalomu alaykum kanalga xush kelibsiz!

Ushbu kanalda blogger Ahad Muhammadning tahliliy-informatsion xabarlari berib boriladi. Kanaldan ma'lumot ulashganda manbaa albatta ko'rsatilishi shart!


Admin: @snuff_102