KIUT | Rasmiy kanal

👨‍⚕️👩‍⚕️2025 йил 17-22 февраль кунлари Бухоро шаҳрида “Ибн Сино издошлари” халқаро талабалар хирургик олимпиадаси ўтказилди. Мазкур олимпиада тиббиёт мактаби йўналишлари талабаларидан иборат делегация ҳам иштирок этди.

Олимпиада якунларига кўра талабаларимиз қуйидаги совриндор ўринларни эгаллашди:

1. "Pirogov Anatomy" йўналиши бўйича 1-ўринни қўлга киритишди. Илмий раҳбар Аҳмедов Жобир Моҳиржонович.

2. "Қулоқ супрасининг реконструкцияси" йўналиши бўйича 1-ўринни қўлга киритишди. Илмий раҳбар т.ф.д. Низамходжаев Шамсиддин Зайниддинович.

3. "Дисмургия" йўналиши бўйича 2-ўринни қўлга киритишди. Илмий раҳбар профессор Асилова Саодат Убаевна.

4. "Хирургик асбоб-ускуналар" йўналиши бўйича 3-ўринни қўлга киритишди. Илмий раҳбар т.ф.д. Хатамов Алижон Ибрагимович.

5. "Юздаги ўсмаларни олиб ташлаш" йўналиши бўйича
3-ўринни қўлга киритишди. Илмий раҳбар т.ф.д. Низамходжаев Шамсиддин Зайниддинович

6. "Урогинекология" йўналиши бўйича 3-ўринни қўлга киритишди. Илмий раҳбар PhD, доцент Хошимов Равшан Абдурасулович.

7. "Пайга чок қўйиш" йўналиши бўйича номинация соҳиби бўлишди. Илмий раҳбар профессор Асилова Саодат Убаевна.

🥼🩺 Эслатиб ўтамиз, мазкур олимпиадада Республикамиздаги деярли барча тиббиёт ОТМ лари талабалари, шунингдек ҳорижий ОТМ талабалари иштирок этишди. Кескин курашларга бой ўтган олимпиадада университетимиз тиббиёт мактаби талабалари қўлга киритган ютуқлари билан барчамиз фаҳрланамиз.

www.kiut.uz

🇰🇷🤝🇺🇿16–19 fevral kunlari Toshkent Kimyo xalqaro universiteti vakillari Koreya Respublikasining Kangwon National University (KNU) tomonidan tashkil etilgan "Global Talents and Local Community" xalqaro konferensiyasida ishtirok etdilar.

www.kiut.uz

🇺🇸🤝🇺🇿 Toshkent Kimyo xalqaro universiteti delegatsiyasi AQShda moliya va investitsiya sohasida xalqaro hamkorlikni kengaytirmoqda.

Joriy yilning 18-fevral kuni Toshkent Kimyo Xalqaro Universitetining AQShdagi delegatsiyasi moliya, investitsiya, biznes va sugʻurta sohalaridagi yetakchi mutaxassislar bilan uchrashib, kelajakdagi hamkorlik masalalarini muhokama qildilar.

🇺🇿🇷🇺🇬🇧: www.kiut.uz

#Milliy_liboslar_kuni
#Chellenj

Atlas ko‘ylak

Mavjuda bu yil universitetni tugatdi. U doimo o‘zbek milliy liboslariga havas bilan qarar, ammo shahar hayotida ularni kiyish unchalik odatiy emasdek tuyulardi. Shunga qaramay, bobosi unga:

— Qizim, milliy libos — bu nafaqat kiyim, balki xalqimizning yuragi, — deb ko‘p aytardi.

Kunlardan bir kun u xalqaro festivalga borishga tayyorgarlik ko‘rayotgan edi. To‘yxonada chiroyli atlas libosga ko‘zi tushdi. Ranglari tiniq, naqshlari betakror edi. Onasi "bu senga juda yarashadi", deb atlas ko‘ylakni unga tuhfa qildi.

Festival kuni u atlas ko‘ylakda sahnaga chiqdi. Uning nafis libosi, ipakday hilpiragan matosi, milliy naqshlari barchani hayratga soldi. Tashqaridan kelgan mehmonlar unga qoyil qolib, qayerdan ekanini so‘ray boshlashdi. Mavjuda o‘zbek milliy liboslari tarixi haqida gapirar ekan, yuragida faxr va g‘urur hissini sezdi.

Shu kundan boshlab u milliy liboslarni yanada sevib qoldi va har bir milliy kiyim — bu xalq tarixi, madaniyati va ruhining aksidir, degan bobosining so‘zlarini yana bir bor esladi.

www.kiut.uz

🇺🇿 Тошкент Кимё халқаро университети ва Ўзбекистон Республикаси Ички Ишлар Вазирлиги Академиясининг ҳамкорлигида талабалар ўртасида ҳуқуқбузарликларнинг олдини олишга қаратилган тадбир ўтказилди.

Ушбу тадбирда Ички ишлар бошқармаси ходими, подполковник Азизбек Акмалжонович Миноситдинов иштирок этиб, талабаларга кибержиноятчилик, терроризм ва гиёҳвандлик каби муаммоларнинг салбий оқибатлари ҳақида маълумот берди.

Тадбир давомида талаба-ёшларнинг огоҳлик ва ҳушёрликка чақириш мақсадида кибертаҳдидлар, гиёҳвандлик воситалари, ижтимоий тармоқлар орқали тарқатилаётган диний экстремистик мазмундаги контентларнинг салбий оқибатлари акс этган видеороликлар намойиш этилди.

www.kiut.uz