#review #taqriz
✅
Azizbek Norov —
"*Eynshteyn jumbogi' *hikoyasiga yozgan review'imOdatda hikoyalarga taqriz yozmayman. Bu hikoya istisno bo'ldi.
Azizbek Norovning ushbu hikoyasi menga bundan bir necha yillar oldin tomosha qilgan bitta filmimni eslatib yubordi. Nomini aniq eslolmayman, ammo o'sha film bosh qahramoni baxtli hayotining bir kunida tasodifan qandaydir o'yinga berilib ketadi va butun hayotini barbod qiladi.
Norov hikoyasi qahramoni Azimjon ham shunday baxtiqarolardan biri edi. Uning hayoti go'zal va bir chiroyli davom etayotgan edi. Toki u Eynshteyn jumbog'i deb ataluvchi va atigi dunyoning 2% odami topa oladigan topishmoqni uchratib qolguncha.
Mag'rurlik va hudbinlik insonni eng tuban makonlarga uloqtiradi, hayotni zaharga va mashaqqatga aylantiradi. Men hamisha o'zinikini to'g'ri deb atovchi va qaysar insonlarga nisbatan pessimistik kayfiyat sezaman. Bu ba'zida foydalidir, ammo ko'p holda faqat zarar keltiradi. Ikki pulga arzimaydigan va hayotda hech bir foyda bermaydigan narsalarga vaqt sarflash bu xudbinlik va tentaklikning eng oliy namunasidir.
Gazeta ko'rib qolgan topishmog'ini deb gulday xotini, ajoyib ishi, do'stlari, uyi va joyi, eng muhimi 16 yilini yo'qotgan, alal-oqibat javobini topa olmagani sababi o'sha gazetada savolda bitta so'z tushib qolgani tufayli bir umr vayron bo'lgani qanchalar kulgili va qanchalar ayanchli.
Men hikoyani o'qib o'zingiz baho berishingiz uchun uni shu yerda qoldiraman. Tafakkur qilish sizdan...
Yoqimli mutolaa!
P.s: hikoya shu yerda
Muallif haqida
Azizbek Norov - Qashqadaryo viloyatining Qarshi shahrida tugʻilgan. Qarshi davlat universitetining xorijiy tillar fakulteti rus tili va adabiyotini tugatgan. Jurnalist, badiiy tarjimon va hikoyanavis.
@panda_books
