Kitoblar olami

#Audio_kitob

🎧 "Bir olima qiz bor edi"
✍️ Omina Shenliko'g'li

⛓ Qismlar: 12 ta
✅ To‘liq shaklda

BIR OLIMA QIZ BOR EDI yozuvchining asl muhlislari uchun yangilikdir...

🔥 O‘qidim
⚡️O‘qiyapman
👍 O‘qimoqchiman

➡️ @kitoblar1

📖 "Senga o'xshashi yo'q"
👤 Mirach Chag'ri Oqtosh

Hayotingizga kirib kelgan insonlar hamda boshdan o‘tkazganlaringizning barchasi birma-bir hayotingiz oqimida o‘tib ketaveradi. Hammasining oxirida siz o‘zingiz bilan yana yolg‘iz qolasiz. Dard chekkaningizda, xursandchilik onlaringizda va yolg‘iz qolganingizda o‘zingizni yana-da yaxshiroq taniy boshlaysiz.
Shunda astoydil qilgan mehnatlaringizning, ko‘rsatgan muhabbatingizning hamda siz loyiq bo‘lgan hurmatning naqadar qiymatli ekanini anglaysiz.
Ana shuning uchun ham sevishni, avvalo, o‘zingizdan boshlang. Zero hayotingiz davomida eng uzun va qadrli munosabatni o‘zingiz bilan qurib borasiz. Olayotgan har bir nafasingiz, o‘tib borayotgan har bir oningiz aslo qaytib kelmaydi. Hayotingiz davomidagi bo‘shliqlarni esa faqatgina vaqt bilan to‘ldira olasiz. Buni aslo unutmang!

Siz kutgan kitob ✅

➡️ @kitoblar1

#Kitobdan

Odamlar o‘zi yaxshi ko‘radigan odamdan ko‘ra o‘zi qo‘rqadigan odamni xafa qilib qo‘ymaslikka ko‘proq tirishadi, chunki mehr shukrona bilan mustahkamlanadi, odamlar esa o‘z manfaatini deb uning qadriga yetishmaydi, qo‘rquvni esa jazo xavfi mustahkamlaydi.

📖 Nikkolo Makiavelli. "Hukmdor" asaridan

🔥 O‘qiganman
⚡️O‘qiyapman
👍 O‘qimoqchiman

➡️ @kitoblar1

📚 "Moskva va moskvaliklar"
✍️ Vladimir Gilyarovskiy

Vladimir Gilyarovskiyning «Moskva va moskvaliklar» nomli kitobi Moskvaning XIX asr ikkinchi yarmi - XX asr boshidagi an’analari, maishiy turmushi va urf-odatlarini bayon etadi. «Rus hayotining asrlar davomidagi qomusi» deb tilga olingan ushbu ocherklar to‘plami ilk bor 1926-yili muallif tahriri ostida nashr etilgan edi. To'liq variant «Sovet yozuvchisi» nashriyoti tomonidan 1935-yilda bosilib chiqqan. 2013-yili «Moskva va moskvaliklar» to‘plami «100 kitob» ro‘yxatiga kiritilib, Rossiya Federatsiyasi Maorif hamda Fan vazirligi tomonidan o'quvchilarga mustaqil o'qish uchun tavsiya qilingan.

➡️ @kitoblar1

#Taqriz
​​
📖Teodor Drayzer: Amerika fojiasi

"Amerika fojiasi" real voqelik ustiga qurilgan, ya'ni real hayotda yuz bergan (Chester o'zining gaplashadigan qizi Greysni o'ldirganidan) voqea hisoblanadi.  Asar ayni o'sha paytlarda urf bo'lgan Amerika orzularidan biri hisoblangan "Zolushka" voqeasini ifodalaydi. Boy qiz yoki boy yigitni uchratib, turmush qurib boyib ketish.

Asarda biz Klayd Grifits bilan tanishamiz. Birinchi kitob ayni bizga bosh qahramon bilan tanishishimizga yaxshigina qo'llanma bo'ladi: uning chiroyli qizlarga o'chligi, oson boylikka intilishi, o'sha paytlarda urfga kirgan tendensiya ma'naviy holatdan ko'ra moddiy holatni ustun qo'yishi "Amerikacha standart", maishatparastligi. U doim muammodan qochadi, u doim chiroyli qizlar bilan maishat qilishni istaydi. Klaydning ko'rinishi sof, beg'ubor, ko'zlari xuddi chaqaloqniki kabi gunohsizdek go'yo. O'zini tutishi, kiyinishi va muomalani joyiga qo'yishi uning haqiqiy menini butkul teskarisi.

Ikkinchi kitobda biz Klaydning qulashi jarayonini, nafaqat Klayd balki "Amerika orzu'sini barbod bo'lishini kuzatamiz. Bundan tashqari siyosat va din, shaxsiy manfaatlar to'qnashuvining ham guvohi bo'lamiz. Ikkinchi kitobni o'qir ekansiz, Meysonning harakatlari va aqliga qoyil qolasiz. Barcha ishingizni yig'ishtirib yuridik sohada ketgingiz keladi. Haqiqiy tergov, sud jarayonlari aslida qanday bo'lishi kerakligini o'qiysiz.

Qo'rquv
Qo'rquv Klaydni kitob boshidan hamrohi edi - ota-onasi kabi kambag'al o'tish, ulardek nochorlikda kun kechirish va yaxshi do'stlarsiz o'tish qo'rquvi. Keyinchalik esa do'stlari bilan Kanzas sitida duch kelgan baxtsiz hodisadan keyin qo'lga tushish qo'rquvi uni shaharni tashlab ketishga undaydi. Voqealar rivojida uni Roberta bilan munosabatlardagi qo'rquvini kuzatamiz. Avvaliga yolg'izlik qo'rquvi uni qiz bilan yurishga undaydi, keyinchalik esa amakisi  hamda boy qizni yo'qotish qo'rquvi. Xuddi shunday Robertada ham, jamiyat va ota-onasining yuz o'girishidan qo'rquv juda kuchlilik qiladi. Qilgan gunohini tan ololmaydi va natijada fojiaga duch keladi.

Drayzer o'z kitobida haqiqiy dokumental yozuvchi ekanini ko'rsatadi. Asarda yozuvchi qahramonning ichki holati, o'limga yuzlangan jinoyatchining qalbidan kechayotganlari va hatto o'limga mahkum etilganlarning har xil turlarini ham ko'rsatadi: kimdir Xudoga sig'insa, kimdir aqldan ozadi, kimdir umuman gapirmay qo'ysa boshqasi Iso payg'ambarning haykalchasini o'padi (hatto yalaydi). Bulardan tashqari Drayzer Amerika jamiyatining qatlamlarini ko'rsatgan: eng yuqori qatlam va ularning farzandlari. quyi qatlam (Robertaning oilasi - munkillagan otasi va uning eski kiyimi), siyosat - prokuror Meyson timsolida, sud jarayonlari, ishchilar, o'sha paytlardagi yoshlarning vaqtichog'liklari).

Biz asarda naturalismning elementlarini ham ko'rishimiz mumkin. Masalan, Eysa Grifits (Klaydning otasi) va Robertaning otasi tasvirida qashshoq hamda nochor insonni shu darajada g'arib ko'rinishini bir necha betlab tasvirlaydi-ki behos ko'zingizga yosh keladi. Yoki Klaydning boy amakisini tasviri - xushbichim, chiroyli, gavdalari tik inson tasviri. Roberta - mayin, bo'ysunuvchan qiz timsoli. Boy erka qiz Sondra - xushchaqchaq, o'ziga ishongan sergap qiz.

Umuman asar shu darajada mavzular, detallar, voqea va tasvirlarga boyki tahlil qilishda kunlab davom etish mumkin. Review oxirida sizga savol: O'lim yoki umrbod qamoq jazosi? ©

📖 Kitobni o‘qish [1-kitob]
📖 Kitobni o‘qish [2-kitob]

➡️ @kitoblar1

📚 "Milliarder xotiralari. Yoxud men qanday qilib 500 000 000 dollar ishlab topdim"
✍️ Jon Rokfeller

"Kun bo‘yi mehnat qilgan kishining pul topishga vaqti yo‘q" – ajablanarli, shunday emasmi? Tarixda o‘tgan eng omadli va badavlat ishbilarmonlardan biri – Jon Devison Rokfeller shunday hisoblagan.
Agar boyib ketishni xohlasangizu lekiniga ilk sarmoyani qanday ishlab topishni bilmasangiz – Rokfellerning o‘zi haqida yozgan tarjimai holi biznes boshlashga yordam beradi. Ushbu kitobda jamlangan maslahat va tavsiyalar kundalik hayotda asqotishi tayin.

➡️ @kitoblar1