Kitoblar

ВАҚТНИ БАРАКАЛИ ҚИЛИШ УЧУН НИМА ҚИЛМОҚ ЛОЗИМ?

@Savollar_kanal 13137-савол

Ассалому алайкум муҳтарам Шайх жаноблари. Ислам.уз сайтингиз қайта ишга тушиб кетганлигидан ва сизга бевосита савол бериш имконияти борлигидан жуда хурсандмиз. Аллоҳ рози бўлсин. Савол: Вақтнинг баракаси бўладими? Агар бўлса, вақтнинг баракали бўлиши учун нималар қилишим даркор? нима учун сизнинг маърузангиз бор видео дисклари жуда кам?

ЖАВОБ:

– Ва алайкум ассалом! Албатта, вақтнинг баракаси бўлади. Агар уни ғанимат билиб, ҳар бир онини бефойда ўтказмаслик пайида бўлинса, ҳамма вақтлар баракали бўлади, иншааллоҳ.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

​​Азиз муслима сингиллар, турмушга чиқишни кутмасдан баъзи нарсаларни ўзлаштириб олинг, агар шундай қилсангиз, иншааллоҳ ҳаётингиз гўзал бўлади.

1) Рўзғор учун керакли нарсаларнинг яроқлилик муддати, уй тозалаш, кийимларни аралаштирмасдан ювиш, эр кетишига кийимларини олдиндан ҳозирлаш.

2) Эрингизга ёқмайдиган нарсаларни биринчи кундан сўраб олинг.

3) Маҳрам ва номаҳрамлар кимлигини ажратиб олинг.

4) Эрингизнинг иқтисодий аҳволини билинг, агар қўли узун бўлса буни суистеъмол қилманг.

5) Уйга келадиган одамлар ҳақида эрингиз билан албатта маслаҳатлашинг.

6) Жиянларингизга чақалоқлигидан қарашни бошланг, қорни дам бўлиши, ичи қотиши каби ҳолатда нима қилишни ўрганинг.

7) Эрингизга атирларингизни кўрсатиб, ёқмаганини бировга ҳадя қилиб юборинг. Тишингизни ювишга эринманг.

8) Ҳожатхона тозалигига алоҳида эътибор беринг.

9) Ётоқхонага бегонани киритиш уёқда турсин, суратини ҳам бировга кўрсатманг.

10) Энг муҳими, кўчага чиқиш ҳақида эрингиздан бир марта сўранг. Рад жавобини олсангиз қайта қайта сўраманг.

11) Кийимларингиз ҳақида албатта маслаҳатлашинг.

Кўп нарса майда бўлиб кўриниши мумкин, лекин оила мустаҳкам бўлишини хоҳласангиз шуларга эътиборли бўлинг.

Жамолиддин Муҳаммаджон

hubbuna
👉 @Oilaviy_kanal_tg — baxtli juftliklar sahifasi

​​«Эй қизгинам! Агар аҳли фазл ва аҳли одобларга насиҳат керак бўлмаганида, сенга ҳам насиҳат қилмасдим. Лекин насиҳат – ғофилга эслатма, оқилга ёрдамдир.
Агар қиз бола ота-онасининг камбағаллиги сабаблигина эрга берилиши керак бўлганида, сен ҳеч қачон узатилмаган бўлар эдинг. Чунки отангнинг бойлиги, мартабаси етарлидир. Лекин Аллоҳ белгилаб берган ҳаёт қонунларига кўра, аёллар эркаклар учун ва аксинча, эркаклар аёллар учун яратилганлар.
Қизгинам! Энди сен ўзинг ўсган ҳаводан айрилдинг. Ўзинг яйраб-яшнаган ошёндан чиқдинг ва нотаниш жойга бориб, аввал ўзинг билмаган шерикка учрайсан. У энди сенинг хожанг, дўстинг ва маҳбубингдир.
Сен унга чўри бўлсанг, у сенга қул бўлади. Сен унга ер бўлсанг, у сенга осмон бўлади. Сен унинг учун қуйидаги ўн хислатни адо этсанг, оилада масъуд ва бахтиёр ҳаёт кечирасизлар:

1. Қаноат соҳибаси бўл, ундан ҳайиқиб тур. Эринг уйга нима кўтариб келса, хушфеъллик ва одоб-назокат билан қабул қилиб ол, ташаккур айт.

2. Эрингга ҳамиша итоатда бўл, амрларини яхшилаб тингла ва бажар.

3. Эрингнинг назари тушадиган жойларга эътибор қил. У сенда хунуклик кўрмасин. Уй ичи ва ҳовлини ниҳоятда озода ва тартибли тут.

4. Эрингнинг бурнига ҳушёр бўл. Димоғига сендан ёмон ҳид кирмасин, фақат хушбўйлик сезсин.

5. Овқатни вақтида тайёрла, асло кечиктирма. Эринг уйга келиши билан, дастурхон сол.

6. Унинг уйқу вақтини, уйғониш пайтини билиб ол. Чунки очлик ва уйқунинг бузилиши эркакларнинг ғазабини қўзғайди.

7. Хожангнинг моли ва ашёсига эътиборли бўл, исроф қилма, авайлаб асра! Чунки унинг мол-дунёси сеникидир.

8. Эрингнинг қариндоши ва яқинларини иззат-ҳурмат қил. Бу билан хожангни ҳурмат қилган бўласан.

9. Эрингнинг сирларини бошқаларга айтувчи бўлма, унинг ишончини йўқотасан.

10. Хожангнинг амрига осий бўлма, унинг динга тўғри келадиган барча буйруқларини адо қил. Шуни яхши билиб олки, хожанг хафа бўлганда хурсанд кўринишдан, у қувонган пайтда ғамгин бўлишдан ўзингни эҳтиёт қил!»

Амома бинти Ҳорис исмли аёл ўз қизининг келин бўлиб, куёвнинг уйига узатилишидан олдин саодатли оила асосларини баён қилувчи насиҳати.

“Бахтиёр оила” китоби.

Telegram  |  Instagram  | Facebook | You tube