Хива шаҳрида “Профилактика куни” ва “Хавфсиз ҳудуд - Долзарб 50 кунлик” доирасида тадбир ўтказилди

2024-йил 21-ноябрь куни Хива шаҳридаги Марказий вокзал ён-майдонида “Профилактика куни” ва “Хавфсиз ҳудуд - Долзарб 50 кунлик” махсус профилактика тадбири доирасида йўрикнома ўтказилди.

Тадбирда шаҳар сектор раҳбарлари, ҳуқуқни муҳофаза қилувчи органлар, жамоат ташкилотлари ҳамда тегишли идоралар вакиллари иштирок этди.

Тадбир давомида ҳуқуқбузарликларнинг олдини олишга қаратилган чора-тадбирларни самарали амалга ошириш, аҳоли ўртасида ҳуқуқий маданиятни ошириш ва жамоат тартибини таъминлаш масалаларига алоҳида эътибор қаратилди. Аҳоли билан ўзаро мулоқотлар чоғида мавжуд муаммолар муҳокама қилиниб, профилактик чораларни кучайтириш юзасидан тегишли тавсиялар берилди.

“Хавфсиз ҳудуд - Долзарб 50 кунлик” дастури доирасида ҳуқуқбузарликлар ва жиноятчиликка қарши курашишнинг муҳим масалалари муҳокама этилди. Тадбир иштирокчилари профилактика тадбирларининг аҳамиятини ошириш мақсадида жамоатчилик билан ҳамкорликни янада кучайтириш зарурлигини таъкидлади.

Тадбир якунида ҳудудда хавфсизликни таъминлаш ва профилактик чора-тадбирларни амалга ошириш бўйича масъулларга аниқ вазифалар юклатилди.

Telegram | Instagram