KASBI.UZ | RASMIY - Касби тумани ҳокимлиги

BEMOR BOLAJONLARGA SOVG‘ALAR ULASHILDI

Sovg‘a olgan bolajonlarga e’tibor bersangiz, shodligi ko‘zlarida aks etadi. Ularning quvonchidan ruhlanasan kishi. Tuman hokimi tashabbusi bilan tuman Tibbiyot birlashmasi Bolalarni davolash bo‘limida davolanayotgan bemor bolajonlarga Yangi yil sovg‘alari ulashildi.

Bolajonlarga taqdim etilgan sovg‘alar ularning dardlarini aritdi go‘yo.

Telegram | YouTube | Facebook

Kasbida yana bir yangi bino foydalanishga topshirildi

Sanitariya -epidemiologik osoyishtalik va jamoat salomatligi qo'mitasi Kasbi tumani bo‘limi yangi binosi foydalanishga topshirildi. Ochilish marosimida tuman hokimi va tuman sektor rahbarlari ishtirok etishdi.

Zamonaviy qiyofadagi yangi binoda ishchi- xodimlar uchun barcha sharoit yaratilgan. Bino qurilishida 5 milliard 700 million so‘mlik ishlar amalga oshirildi.

Tadbir ishtirokchilari yangi binoda ishchi xodimlarga yaratilgan sharoitlar bilan tanishdi.

Telegram | YouTube | Facebook

Yangi maktab foydalanishga topshirildi

Kasbi tumanida 5,2 milliard so‘m mablag‘ evaziga 420 o‘ringa mo‘ljallangan maktab foydalanishga topshirildi. Ochilish marosimida tuman sektor rahbarlari, faollar hamda ota-onalar ishtirok etdi.

Ta’kidlanganidek, so‘nggi yillarda yurtimizda yoshlarning sifatli ta’lim olishi, kasb-hunar egallashi, ularning jamiyatda o‘z o‘rnini topishi davlat siyosatining eng ustuvor vazifalaridan biriga aylandi. Ayniqsa, maktabgacha va maktab ta’limini rivojlantirish umumxalq harakatiga aylanib, bu borada tub islohotlar amalga oshirilmoqda.

Sohada olib borilayotgan izchil islohotlar natijasida Kasbi tumanida 2024-yilning o‘zida bir qancha ta’lim-tarbiya dargohlarida qurilish, ta’mirlash ishlari olib borilgani ilmga, bilimga berilayotgan e’tiborning yuksakligini belgilab berdi. “Yangi O‘zbekiston – maktab ostonasidan boshlanadi” degan yuksak g‘oya asosida umummilliy ta’lim-tarbiya tizimini tubdan isloh qilishga alohida e’tibor qaratilmoqda.

Telegram | YouTube | Facebook