Ajoyiib | Blog 🇵🇸

Bugun Misr va Bahraynlik opalar bilan tanishdim. Rosa ajoyib arab opalar ekan.

Meni "white person" deb atab olishdi, umuman achchiq yeyolmasligim sabab.

Some quotes from lectures:

• Marketing
- A lot of times, people don't know what they want until you show it to them. (Steve Jobs)

• Management
- Fake it till you make it!
Fake it till you become it! (Amy Cuddy)

Yordam so'rashga uyalib dovdirab turganingda bir begona inson buni sezib senga shart-ta yordam berib bilmagan narsangni tushuntirib yuboradi.

Oradan vaqt o'tib sen ham bir begona inson o'zing kabi uyalib qiynalib turganini ko'rasan va yordam berasan.

Juda yoqimli zanjir. Lekin alam qiladigani, nega shunday holatlar Toshkentdaligimda hech bo'lmagan.

Introvertligim va social anxiety'im borligi sabab odamlardan doim qochaman. Gaplashgim keladi lekin gaplasholmayman.

Lekin bu yerda atrofimdagi odamlar menga shunaqangi muomala qilishadi, sekin asta kommunikatsiyadagi to'siqlarni yengib o'tyapman.

Universitetda har safar Suriyalik yo Falastinlik insonni ko'rganimda "Ular ham men kabi Vatanlariga qaytolishadimi" degan javobsiz so'roq bilan qolaman.

Rossiyadan O’zbekistonga qilganlaridan ko’ra Suriyaga qilganlari uchun ko’proq nafratlanyapman negadir.

Menimcha, biz 30+ yil oldin “mustaqil” bo’lib ulgurganimiz uchun. Suriya esa endi ozodlikka erishgani va hali ham xavf ostidaligi uchun.

🧪O'z tajribam bilan bo'lishaman.

Bizga kimyo fani 7-sinfda o'tila boshlagandi. Va qarabsizki, 6-sinfdan beri bizga jismoniy tarbiyadan kirayotgan ustoz endi kimyo fanidan ham kiryaptilar.

Nima fandan kirsa ham, yaxshi o'qitsa hech qanday muammo yo'q. Lekin afsuski, o'qituvchimiz kimyodan hech narsa o'rgatmagan. Universitetni kimyo pedagogikasi bo'yicha tamomlaganlarini aytardilar-u, dars bo'yi o'z hayotlarini gapirib berardilar.

"Mazza bo'lgan ekan. Boshqa dars uy ishilarini qilib eshitib o'tirgan bo'lsangiz kerak", desangiz adashasiz. Eshitishdan boshqa narsa qilishga ruxsat yo'q edi. Kimdir biron boshqa dars kitobini ochsa boshidan musht yerdi.

Xullas 1yilimiz shunaqa qilib havoga uchdi. Ustozning menga shaxsiy adovatlari bo'lgani uchun 2 baho ham qo'ydilar, choragimni boshqalarga nisbatan past qo'ydilar. "Dars bo'lmasa qanday baho olardingiz?" desangiz, albattaki baholar osmondan tushardi.

7-sinf tugagach esa keyingi yil qatiqqo'l haqiqiy kimyo ustozi dars berishini bildim va "ehhh, bu bo'm-bo'sh kallam bilan qanday o'qiyman" deb qoldim. Natijada yoz tugashida oz-moz bo'lsa ham kimyo o'qidim, baribir baloni ham tushunmadim.

8-sinf boshlandi va ilk haftasidanoq shunaqangi qunt bilan darsni eshitib, kitobni o'qidim, birdan hamma narsa tushunarli bo'la boshladi. Kunlab vaqt o'tkazmadim. Bitta mavzuni tushunib olib, kerakli joylarini konspekt qilish uchun 2-3soat ketgan. Kim uchundir ko'p vaqtdir, men uchun 1hafta ichida oz vaqt.

Shunday qilib, darslar o'tgan sari kimyoni tushunishim osonlashdi. Boshida mavzuni tushunish uchun bir necha marta o'qigandirman, 11-sinfga kelib darsdan oldin tanaffusda 15minutda o'qib tushunadigan holga keldim.

Ustozning konspekt shartlari bor edi: bitta mavzuga 3-4bet konspekt yozilishi kerak edi. Men o'sha 3-4betni qator tashlamay, mayda yozuvda, kerakli joylarni ajratib, to'ldirib yozardim. Afsuslanmayman, chunki ma'lumot shu orqali miyamga yaxshiroq kirdi.

Shunday qilib kimyodan 1yil ortda qolib ketgan qiz kimyoni butun parallel sinflar orasida eng yaxshi biladigan qiz bo'lib bitirdi. Shunaqangi maktabdaki, matemtika haftasiga 240+ minut, kimyo 40minutgina o'tilardi.

Demak, kimyoni o'rganish imkonsizmas. Ha, sizning yo'nalishingiz kimyomasdir. Lekin bu o'rganish ilojsiz deganimas. Shunchaki ko'proq vaqt talab qiladi. Ha ustozingiz mening ilk ustozimdekdir. Lekin internetda o'zbek videodarslar ham ko'payganda zamonda sizni hech narsa to'xtatmasin.

Kimyoni yaxshi bilmaysizmi oldingizda 3ta yo'l bor. Birinchisi, shunchaki fokusni yo'nalishga qaratib kimyodan past bahoga o'qiyverish. Ikkinchisi, yo'nalishingiz bo'lmasa ham "self-study" va "discipline" kuchini ko'rsatish. Uchinchisi, har qanaqasiga yengilganingizni isbotlab, o'qimasdan ko'chirib baho olib yurish.

HKUST = Home🏠
HallVII = Family💙

P.s. Bu yerdagi odamlar samimiy va xarakter jihatidan qanchalik yaxshiligini ta'riflab berolmayman.

O'tgan semestrda 3ta fanim "attendance" olardi. Bu safar ham shunaqa ekan.

Lekin o'tgan semestrda shunchaki darsda bor bo'lish yetardi. Kech kelsangiz ham hech qanday salbiy ta'siri yo'q edi.

Bu safar esa. Kech kelish mumkinmas, vaqtli ketish mumkinmas, kamiga aktiv qatnashish ham kerak ekan🥲.

P.s. Umumiy o'tgan safar 6ta fanim bo'lsa, bu safar 5ta fanim bor. Aslida yana 1-2ta kursim bor, lekin ularda dars o'tilmaydi.

Shu passport uchun hijobda rasmga tushdirmaydigan, soqol reydlari uyushtiradigan insonlar qabrga tushmaymiz deb o’ylashsa kerak.