BILIB QOʻYGAN YAXSHI, HUQUQIY ASOS!
⚖ Qonunlarni bilmaslik javobgarlikdan ozod etmaydi.
🌐 Bizning maqsadimiz.
Hududlarda aholi, tomorqa er egalari, dehqon va fermer xo'jaliklariga qishloq xo'jalik mahsulotlari yetishtirishga oid komleks tizimli xizmat ko'rsatish.
🇺🇿 OʻZBEKISTON RESPUBLIKASINING MAʼMURIY JAVOBGARLIK TOʻGʻRISIDAGI KODEKSI (MJTK).
107-modda.
🔰 Oʻsimliklar karantini obyektlariga va boshqa zararli organizmlarga qarshi kurashishga doir fitosanitariya talablarini (choralarini) hamda boshqa qoidalarni buzish -
👉 Fuqarolarga bazaviy hisoblash miqdorining bir baravaridan uch baravarigacha,
👉 Mansabdor shaxslarga esa — uch baravaridan besh baravarigacha miqdorda jarima solishga sabab boʻladi.
🔰 Fitosanitariya choralariga rioya qilmaslik, shu jumladan oʻsimliklar karantini obyektlari va boshqa zararli organizmlar tarqalishining oldini olish choralarini koʻrmaganlik -
👉 Fuqarolarga bazaviy hisoblash miqdorining bir baravaridan uch baravarigacha,
👉 Mansabdor shaxslarga esa — uch baravaridan besh baravarigacha miqdorda jarima solishga sabab boʻladi.
🌐 Oʻz hududida oʻsimliklar karantini obyektlari va boshqa zararli organizmlarni aniqlagan, fitosanitariya dala nazoratini oʻtkazish toʻgʻrisida Oʻzbekiston Respublikasi Oʻsimliklar karantini va himoyasi agentligiga ixtiyoriy ravishda murojaat qilgan hamda ularning oʻchoqlari kengayishiga yoʻl qoʻymaslik va ularni bartaraf etish boʻyicha kechiktirib boʻlmaydigan choralar koʻrgan shaxslar maʼmuriy javobgarlikdan ozod etiladi.
108-modda.
🔰 Karantin ostidagi mahsulotlarni olib kirish va olib chiqish qoidalarini buzish -
👉 Fuqarolarga bazaviy hisoblash miqdorining ikki baravaridan besh baravarigacha,
👉 Mansabdor shaxslarga esa — besh baravaridan oʻn baravarigacha miqdorda jarima solishga sabab boʻladi.
🔰 Xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, - huquqbuzarlik ashyolarini musodara qilib,
👉 Fuqarolarga bazaviy hisoblash miqdorining besh baravaridan yetti baravarigacha,
👉 Mansabdor shaxslarga esa — yetti baravaridan oʻn besh baravarigacha miqdorda jarima solishga sabab boʻladi.
🌐 LexUZ sharhi:
Vazirlar Mahkamasining 2018-yil 29-yanvardagi 65-son qarori bilan tasdiqlangan Oʻzbekiston Respublikasi hududini oʻsimliklar karantinidagi zararli organizmlardan himoya qilish tartibi toʻgʻrisidagi nizomi.
👉
@KarantinFQ
