Judo Uz

🎁🎂Yoshlar o‘rtasida Osiyo chempioni Zamohshari Bekmurodovni tabriklaymiz!

🇺🇿🥋Bugun Buxoro dzyudo maktabi tarbiyalanuvchisi, yoshlar o‘rtasida Osiyo chempioni Zamohshari Bekmurodov o‘z tavallud kunini nishonlayapti.

Bekmurodov bu yil sentyabr oyida Koreya Respublikasining Mungyong shahrida o‘tgan Osiyo chempionatida barcha raqiblarini mag‘lubiyatga uchratib, shohsupaning eng yuqori pog‘onasiga ko‘tarilgan edi. Shu yil Tojikistonning Dushanbe shahri mezbonlik qilgan yoshlar o‘rtasidagi jahon chempionatida kuchli beshtalikdan joy oldi.

O‘zbekiston dzyudo federatsiyasi bugun yana bir yoshga ulg‘aygan Zamohshari Bekmurodovni tavallud kuni bilan muborakbod etadi. Unga kattalar o‘rtasidagi bo‘lajak musobaqalarda ham shohsupaning eng yuqori pog‘onalari nasib etishini tilaymiz.

✍️O‘zbekiston dzyudo federatsiyasi matbuot xizmati

Obuna bo'ling👉 Telegram

🇺🇿🥋Yangi qoidalar bo‘yicha terma jamoa a’zolari uchun seminar o‘tkazildi

Xabaringiz bor, yaqinda Turkiyaning Istanbul shahrida hakamlar uchun xalqaro texnik seminar o‘tkazilgandi.

Xalqaro dzyudo federatsiyasi (IJF) tomonidan tashkil etilgan ikki kunlik seminarda qoidalarga kiritilgan o‘zgarishlar referilarga yetkazilgan edi. Unda Olimpiya toifasidagi referilarimiz Ramziddin Saidov, Vyacheslav Pereteyko, O‘zbekiston dzyudo federatsiyasi Hakamlar hay’ati raisi Bahodir Uzakberganov, murabbiylar Tohir Fayziyev, Iskandar Rasulov, Aziz Toshmatov va Rahim Subhonov ham ishtirok etgandi.

Ostonada turgan 2025 yilgi mavsumdan e’tiboran o‘tkaziladigan kattalar va yoshlar o‘rtasidagi musobaqalarda ushbu yangi qoidalar kuchga kiradi. Shu maqsadda Istanbuldagi xalqaro seminarda qatnashib qaytgan referi hamda murabbiylarimiz terma jamoamiz dzyudochilari uchun nazariy va amaliy mashg‘ulot tashkil etishdi. Seminarda yangi qoidalar bo‘yicha batafsil ma’lumot berildi.

✍️O‘zbekiston dzyudo federatsiyasi matbuot xizmati

Obuna bo'ling👉 Telegram

🇺🇿🥋Oʻzbekistonlik nomzodlarga ovoz berish jarayoni davom etmoqda!

🏆IJF JUDO Awards 2024 - yakuniga yetib borayotgan yilning bir nechta nominatsiya boʻyicha eng yaxshilarini aniqlash uchun soʻrovnoma o'tkazmoqda.

🇺🇿Biz uchun ahamiyatlisi, IJF tomonidan 5 ta nominatsiyaga oʻzbekistonliklar ham daʼvogar sifatida qoʻyilgan:

1. Dzyudo bolalar uchun: Judogirls.uz loyihasi

2. Yilning eng yaxshi ayol dzyudochisi: Diyora Keldiyorova

3. Yilning eng muvaffaqiyatli murabbiylik faoliyati: Marko Spittka

4. Yil voqeligi: Diyora Keldiyoraning Abe Utani magʻlub etishi

5. Yil ipponi: Muhammad Jumayevning Dushanbe Grand Slam turniridagi ipponi

🤝PS. Qadrli yurtdoshlar, sizlardan quyida taqdim etilgan havola orqali kirib, dzyudochi va murabbiylarimizga ovoz berishingizni soʻraymiz. Har bir qoʻllab-quvvatlov nominatsiyaga daʼvogar sifatida taqdim etilgan hamyurtlarimizni gʻoliblik sari yaqinlashtiradi

👇👇👇
https://judotv.com/awards

Obuna bo`ling👉 Telegram

🇺🇿🇺🇿🥋Sport vazirligi hamda MOQ mutasaddilari Namanganga safar doirasida yosh dzyudochilar bilan ham uchrashishdi

O`zbekiston Respublikasi Sport vazirligi hamda Milliy olimpiya qo`mitasi mutasaddilarining Respublikamiz hududlari boʻylab olib borayotgan oʻrganish ishlari davom etadi.

Ishchi guruh Namangan viloyatining sport sohasidagi infratuzilmasi va yoshlarga bu borada yaratilgan sharoitlar bilan tanishdi. Safar davomida viloyat hokimi Shavkatjon Abdurazakov rasmiylarga hamrohlik qildi.

Davlatobod tumani dastlabki manzilga aylandi. U yerdagi sport maktabi va yangi barpo etilgan sendvich panelli dzyudo zali mutasaddilar eʼtiborida boʻldi. Namangan dzyudo maktabi milliy terma jamoaga jahon chempionati sovrindori Obidxon Noʻmonovni yetishtirib bergan. Shu sababli viloyat yoshlari orasida dzyudoga qiziqish va ushbu sport bilan shugʻullanuvchilar soni sezilarli darajada oshdi. Suhbatda Noʻmonov singari iqtidorli sportchilarni saralash, ular bilan ishlash borasida fikr almashildi.

Obuna bo'ling👉 Telegram

🇺🇿🥋Jahon chempionati sovrindori bo`lgan dzyudochilarimiz hamda ularning murabbiylari taqdirlandi

Xabar berganimizdek, bugun poytaxtimizdagi Olimpiya va Paralimpiya shon-shuhrati muzeyida "Milliy sport mukofoti-2024" g‘oliblarini taqdirlash marosimi o‘tkazildi.

Bugungi tadbir doirasida 2024 yilgi kattalar o`rtasidagi jahon chempionatida shohsupaga koʻtarilgan sportchilar, tabiiyki ular orasida dzyudochilarimiz hamda ularning trenerlariga ham pul mukofoti topshirildi. Diyora Keldiyorova jahon chempionatida kumush, Alisher Yusupov esa bronza medalini qo`lga kiritgan edi. Abu-Dabi mezbonligida o`tgan ushbu jahon chempionatida O‘zbekiston terma jamoasi 1 ta kumush va 1 ta bronza medali bilan 107 davlat orasida 11-o‘rinni egallagan edi.

Ma`lumot uchun, Oʻzbekiston Respublikasi Prezidentining 2023-yil 7-apreldagi “Maʼmuriy islohotlar doirasida yoshlar siyosati va sport sohasida davlat boshqaruvini samarali tashkil qilish chora-tadbirlari toʻgʻrisida”gi 114-son Qaroriga binoan har yili Olimpiya va Paralimpiya sport turlari boʻyicha oʻsmirlar, yoshlar va kattalar oʻrtasidagi jahon chempionatlarida sovrindor boʻlgan sportchilar hamda ularni tayyorlagan murabbiylar bir martalik pul mukofotlari bilan taqdirlanishadi.

🇺🇿🥋O`zbekiston dzyudo federatsiyasi yana bir bor jahon chempionatida shohsupaga ko`tarilgan dzyudochilarimiz hamda ularning murabbiylarini qutlaydi.

✍️O‘zbekiston dzyudo federatsiyasi matbuot xizmati

Obuna bo'ling👉 Telegram