JM || Personal blog

Jon berarlar ishqida, yuz mak kabi ovvoralar,
Bo’lmamish olamda mandek kimsa, baxti qoralar.
Tig’i hijrondin yuragim bo’ldi yuz ming poralar,
Qon ravon oqdi jigardin, pora bo’lgan yoralar,
Shu’la dardi beqarori, beomonim bor maning.

✿°•┈┈┈••ৡ❀ৡ•┈┈┈•°✿

Yuzina hayron erur ishq ahli bo’lgan jonlar,
Pora-yu shaydo bo’libdur ham anga janonlar.
Olam ahli o’tmiram hamdamdayin farmonlar,
Qul erurlar xizmatinda xonlar, sultonlar,
Xushmag’ar zalmavashe, sohibqironim bor maning.

Kimga jo'natishni bilasizlar 😉😉

... nimalarni istamagan edim men! Men endi hech narsani istamayman, men endi istashni ham istamayman...

F. Dostoyevskiy-Telba
➖➖➖➖➖➖➖➖➖➖➖
JM || Personal blog

...Men hammani qoldirib ketmoqchi edim, hammani, lekin hech kim topilmadi, hech kim, hech kim...
F.Dostoyevskiy Telba

(Kitobdan topdim oldin uni faqat suratlarda o'qirdim.
Bu ikki xaftadan keyin o'lishi aniq bo'lgan, o'pkasi kasal bemor bola tilidan aytilgan ekan)
➖➖➖➖➖➖➖➖➖➖
JM || Personal blog

​🌺Odamzod nima uchun kaftdek hovlisiga gul ekadi? Undan koʻra sholgʻom eksa, qozoniga tushadi-ku.

🐦Odamzod nima uchun bulbul chax-chaxini eshitganda entikib ketadi? Undan koʻra bulbulni shoʻrvaga solib pishirsa, nafsini qondiradi-ku.

✨Odamzod nima uchun osmonda charaqlab yotgan yulduzlarni koʻrib, koʻngli zavqqa toʻladi? Yulduzlar uning hamyonidagi tillalar emas-ku.

📚Odamzod nima uchun kitob oʻqiyotib, suyukli qahramoni oʻlib qolsa yigʻlaydi? Uni yozuvchi “ichidan toʻqib chiqargani”ni biladi-ku?

🌇Odamzod nima uchun oʻzga yurtlarga borib behisob mol-dunyo orttirsayu, ittifoqo bolaligi kechgan kulbasi tushiga kirib qolsa, tuni bilan yigʻlab chiqadi? Axir u shohona qasrda yashaydi-ku.

🤱🏻Odamzod nima uchun bolasining boshida alla aytadi? Goʻdak alla eshitmasa uxlamaydimi?

🌷Odamzod nima uchun nevarasini yetaklab necha zamon avval oʻtib ketgan bobosining qabrini ziyorat qiladi? Marhumni ular koʻrmaydilar-ku?!

🌸Gap shundaki, Odamzodni hayvonotdan ajratib turadigan chegara bor. Bu chegaraning nomi “Maʼnaviyat” deb ataladi.

Oʻtkir Hoshimov
➖➖➖➖➖➖➖➖➖➖
JM || Personal blog

..qalbi haddan ortiq qayg'ulardan zil-zambil og'irlashganda yig'lamaydi kishi. Indamas bo'lib qoladi. Bor-u yo'g'ini ham payqamaysiz..

F. Dostoyevskiy
➖➖➖➖➖➖➖➖➖
JM || Personal blog

MASOFA

Bir ustoz o'z shogirdlaridan so'radi:
- Odamlar o'zaro janjallashganida nima uchun baqirib gapiradilar?
- Chunki ular o'z tinchlarini yo'qotadilar, bezovta bo'ladilar, - dedi shogirdlardan biri.
- Lekin yonginasida turgan odamga baqirib gapirish nima uchun kerak? Axir shivirlab gapirsa ham eshitadiku? - so'radi yana ustoz.
Shogirdlar turli xildagi javoblarni berdilar. Shunda ustoz dedi:
- Odamlar o'zaro janjallashganida ularning qalblari bir-biridan uzoqlashib ketadi.
Bir qalbdan aytilayotgan so'zlar shu masofani bosib o'tib narigi qalbga yetib borsin uchun odamlar baqirib gapira boshlaydilar.
Ular qanchalik qattiq urishsalar, bir-biridan shunchalik qattiq xafa bo'ladilar va shunchalik qattiq gapiradilar.
Odamlar o'zaro do'st bo'lsalar-chi? Ular baqirmaydilar, balki sokin gaplashadilar. Chunki ularning qalblari bir-biriga yaqin, orasidagi masofa qisqa bo'ladi.
Odamlar bir-birini qanchalik yaxshi ko'rib borgani sayin ular orasidagi muloqot ovozi shunchalik pasayib boradi.
O'zaro munosabat chin muxabbatga aylanganida hatto shivirlab gapirishning ham zarurati qolmaydi.
Chin muhabbat egalari bir-birini so'zsiz ham tushunadilar. Shuning uchun, o'zaro baxslashar ekansiz qalblaringizning bir-biridan uzoqlashuviga yo'l qo'ymang.
Oradagi masofani uzoqlashtirishga sabab bo'ladigan so'zlardan tiyiling.
Aks holda, qalblar bir-biridan shunchalik uzoqlashib ketishi mumkin-ki, keyin ortga qaytishning imkoni qolmaydi...
© Internetdan
➖➖➖➖➖➖➖➖➖➖
JM || Personal blog