Jizzax viloyati hokimi

Жиззахда Маҳалла тизими ходимлари куни кенг нишонланди

22 март – Маҳалла тизими ходимлари куни муносабати билан Жиззах вилояти ҳокимлиги Анжуманлар саройида тантанали байрам тадбири бўлиб ўтди.

Тадбирда вилоят ҳокими вазифасини бажарувчи Улуғбек Мустафоев иштирок этиб, маҳалла тизими ходимларини байрам билан самимий қутлади. У ўз нутқида маҳалла институтининг жамиятдаги ўрни ва аҳамияти ҳақида таъкидлаб, уларнинг хизматини юксак баҳолади.

Шунингдек, маҳалла тизимида фаолият олиб бораётган бир гуруҳ ходимлар фидокорона меҳнати учун тақдирланди. Уларга ташаккурномалар, эсдалик совғалари ва мукофотлар топширилди.

Тадбир байрамона руҳда ўтди. Санъаткорларнинг чиқишлари йиғилганларга катта завқ улaшди ва байрам шукуҳини янада оширди.

Маҳалла тизими ходимлари куни муносабати билан ўтказилган ушбу тадбир маҳаллий аҳолининг бирдамлигини мустаҳкамлаш ва ижтимоий ҳамжиҳатликни оширишга хизмат қилди.

🇺🇿Каналга уланиш:
@jizzaxviloyatihokimi

Жиззахда "Қадриятларинг боқий бўлсин, Наврўз!" шиори остида байрам тантаналари ўтказилди

Жиззах шаҳрининг Ўрда боғида баҳорнинг энг улуғ айёми – Наврўз байрами кенг нишонланди. "Қадриятларинг боқий бўлсин, Наврўз!" шиори остида ташкил этилган тадбирлар доирасида миллий қадрият ва урф-одатлар намойиш этилди. Ўрда боғи байрамона безаклар билан безатилиб, шаҳар аҳли ва меҳмонлар учун ҳақиқий байрам муҳитини яратди.

Байрам шукуҳи санъат ва маданият жилоси ила янада ёрқин бўлди.Тадбирни вилоят ҳокими вазифасини бажарувчи Улуғбек Мустафоев очиб бериб, барчани байрам билан самимий табриклади.

Наврўз тантаналари доирасида ёш истеъдодли санъаткорлар ҳамда халқимизнинг севимли хонандалари ўз куй-қўшиқлари билан байрамга файз ва шукуҳ бағишлади. Дилрабо наволар остида жўшқин рақслар намойиш этилиб, иштирокчиларнинг кайфияти янада кўтарилди.

Тадбир давомида миллий қадриятларимизни акс эттирувчи кўргазмали чиқишлар, бетакрор бадиий саҳна кўринишлари намойиш этилди. Ушбу жозибадор томошалар барчага унутилмас таассурот улашиб, Наврўз байрамининг илиқ ва меҳрга тўла муҳитини янада бойитди.

Тантаналар давомида Жиззах вилояти ҳокими вазифасини бажарувчи Улуғбек Мустафоев байрам доирасида ташкил этилган кўргазмаларни кўздан кечириб, маҳаллий ҳунармандлар, санъат усталари ва ижодкорлар билан фикр алмашди. Миллий анъаналар ва қадриятларнинг қадрланиши ҳамда ёш авлодга етказилиши борасида муҳим фикрлар билдирилди.

Наврўзнинг эзгулик, меҳр-оқибат ва дўстлик рамзи эканлигини ёдга олган ҳолда, ушбу байрам тантаналари халқимизга хуш кайфият, илиқлик ва бирлик туйғусини улашишда давом этмоқда.

🇺🇿Каналга уланиш:
@jizzaxviloyatihokimi

🇺🇿Каналга уланиш:
@jizzaxviloyatihokimi

Жиззах вилояти ҳокими вазифасини бажарувчи Улуғбек Мустафоев оммавий ахборот воситалари вакиллари ҳамда ижтимоий тармоқ фаоллари билан учрашди

Жиззах вилояти ҳокими вазифасини бажарувчи Улуғбек Мустафоев вилоятдаги оммавий ахборот воситалари вакиллари ҳамда ижтимоий тармоқ фаоллари билан очиқ мулоқот ўтказди. Учрашув ҳудудда амалга оширилаётган ислоҳотлар, жамоатчиликни қизиқтирган долзарб масалалар ва ОАВ билан ҳамкорликни мустаҳкамлашдан иборат бўлди.

Учрашув давомида вилоятдаги ижтимоий-иқтисодий ривожланиш, инфратузилмавий лойиҳалар, тадбиркорликни қўллаб-қувватлаш, аҳоли фаровонлигини ошириш борасида олиб борилаётган ишлар ҳақида маълумот берилди. Шунингдек, ҳокимият ва жамоатчилик ўртасидаги очиқ мулоқотни кучайтириш, ахборот шаффофлигини таъминлаш муҳимлиги таъкидланди.

Тадбирда журналистлар ва блогерлар ўзларини қизиқтирган саволларини беришди. Улар ҳудуддаги муҳандислик-коммуникатсия тармоқларини такомиллаштириш, ишсизлик муаммоларини ҳал қилиш, таълим ва тиббиёт соҳасини ривожлантириш борасида таклифлар билдиришди. Улуғбек Мустафоев барча саволларга очиқ ва ошкора жавоб бериб, келгусидаги режалар ҳақида ҳам сўзлаб ўтди.

Шунингдек, оммавий ахборот воситалари вакиллари ҳамда блогерлар жамоатчиликка тезкор, холис ва ҳаққоний ахборот етказишда муҳим ўрин тутиши таъкидланди. Шу муносабат билан, улар билан ҳамкорликни янада мустаҳкамлаш ва ахборот алмашинувини кучайтириш бўйича таклифлар муҳокама қилинди.

Учрашув самимий руҳда ўтиб, вилоятда ахборот сиёсатига оид долзарб масалалар бўйича фикр алмашилди. Ҳокимият ва ОАВ вакиллари ўртасидаги ҳамкорликни ривожлантириш бўйича қатор амалий таклифлар илгари сурилди.

🇺🇿Каналга уланиш:
@jizzaxviloyatihokimi

Ҳурматли Президентимиз Шавкат Миромонович Мирзиёевнинг кичик ва ўрта бизнес вакиллари билан учрашуви ўтказилди.

“Тадбиркорликни қўллаб-қувватлаш – бу бизнинг стратегик йўлимиз! Тадбиркорлик қанча тез ривожланса, мамлакатимиз шунча қудратли бўлади, халқимиз шунча фаровон яшайди.

Декабрь ойидаги “очиқ мулоқот”да асосан йирик тадбиркорлар билан гаплашиб, кейинги режаларни белгилаб олдик.

Бугун кичик ва ўрта бизнесда тез ўсаётган тадбиркорларга кўмак бериб, уларни ҳам “чемпион”га айлантириш учун нима қилиш керак, деган саволга сизлар билан биргаликда жавоб топишимиз зарур”,  деди давлатимиз раҳбари сўзининг аввалида.

Жиззах вилояти ҳокимлигида ҳам кичик ва ўрта бизнес вакиллари билан учрашув ташкиллаштирилди.

Учрашув  вилоят ҳокимлиги ва Савдо-саноат палатаси Жиззах вилоят ҳудудий бошқармаси ташаббуси билан ўтказилди.

Мақсад – тадбиркорларнинг муаммоларини эшитиш, уларга имкониятлар яратиш ва бизнес муҳитини янада ривожлантириш.

Учрашувда 25 нафар тадбиркор иштирок этди. Жиззах вилояти ҳокими вазифасини бажарувчи Улуғбек Мустафоев тадбиркорларнинг таклиф ва муаммоларини тинглади.

Иштирокчилар бизнес юритишда дуч келаётган тўсиқлар, молиявий ва маъмурий масалалар ҳамда янги лойиҳаларни қўллаб-қувватлаш имкониятлари ҳақида ўз фикрларини билдиришди.

Вилоят ҳокими тадбиркорлар томонидан билдирилган масалаларни ўрганиш ва амалий ечим топиш мақсадида уларни соҳага масъул вилоят ҳокими ўринбосарлари ва Савдо-саноат палатаси вилоят ҳудудий бошқармасига топшириқ  қилиб берди.

Бундай учрашувлар бизнес ривожи, тадбиркорларнинг ҳуқуқ ва манфаатларини ҳимоя қилиш ҳамда ҳудуддаги иқтисодий ўсишни қўллаб-қувватлаш учун муҳим аҳамият касб этади.

Жиззах вилояти раҳбарияти тадбиркорлар билан очиқ мулоқотни давом эттириш ва уларнинг муаммоларини ҳал қилиш бўйича ишларни изчил давом эттиришини доим тайёрлигини маълум қилди.

🇺🇿Каналга уланиш:
@jizzaxviloyatihokimi

Жиззахда ер ости йўллари қурилиши – хавфсизлик ва қулайлик сари қадам

Сўнгги йилларда Жиззах шаҳрида транспорт ҳаракатининг тирбандлигини олдини олиш, пиёдалар ва автомобиллар хавфсизлигини таъминлаш мақсадида ер ости ва ер усти пиёдалар ўтиш йўллари, кўприклар ва бекатлар барпо этилмоқда. Бу шаҳар инфратузилмасини такомиллаштириш ва йўл ҳаракати муаммоларини бартараф этишда муҳим аҳамият касб этади.

Хусусан, Давлатимиз раҳбарининг 2024 йил 8-9 апрель кунлари Жиззах вилоятига ташрифи давомида берилган топшириғи ҳамда Ўзбекистон Республикаси Вазирлар Маҳкамаси раёсати мажлисининг 2024 йил 7 августдаги баёнига асосан вилоятда ер ости йўллари қурилиши белгиланган эди.

Йўлсозлик лойиҳаси доирасида:

📍 Жиззах шаҳар марказий деҳқон бозори ва атрофи (Навоий, Ҳамид Олимжон маҳалларининг Ўзбекистон кўчалари кесишмаси);
📍 “Ёшлар шаҳарчаси”дан “Наврўз” истироҳат боғига ўтувчи Ислом Каримов шоҳ кўчаси.

🚧 Қурилиш ишлари қизғин давом этмоқда 🚧

Жиззах шаҳрининг энг гавжум нуқталарида ер ости пиёдалар йўлаги қурилиши бошланиши шаҳар аҳли учун қувончли хабар бўлди. Айни пайтда Жиззах шаҳар марказий деҳқон бозори олдидаги чорраҳада қурувчилар томонидан асосий йўлнинг ҳаракатланувчи қисмида асфальт қопламасини ётқизиш ишлари олиб борилмоқда. Лойиҳанинг устки қисмини Наврўз умумхалқ байрамига қадар фойдаланишга топшириш ва шу билан чекланган транспорт ҳаракатини қайта тиклаш режалаштирилган.

🔹 Қурилиш доирасида олиб борилаётган ишлар:
✅ Ер ости ўтиш йўли кириш-чиқиш йўлакчаларининг зинопоялари барпо этилмоқда;
✅ Бетон ва электр монтаж ишлари амалга оширилмоқда;
✅ Имконияти чекланган шахслар ва ногиронлар аравачада ҳаракатланиши учун махсус йўлаклар қурилмоқда.

Жиззахда замонавий, хавфсиз ва қулай йўл инфратузилмаси яратилиши шаҳар аҳолиси учун катта имкониятлар яратади. 🚶‍♂️🚗

🇺🇿Каналга уланиш:
@jizzaxviloyatihokimi

Жиззахда Олий таълим, фан ва инновациялар вазирлигининг Ҳайъат йиғилиши ўтказилди

Жиззах шаҳридаги Жиззах политехника институтида Олий таълим, фан ва инновациялар вазирлигининг навбатдаги Ҳайъат йиғилиши бўлиб ўтди.

Тадбирда Олий таълим, фан ва инновациялар вазирлиги ҳамда тизим ташкилотлари мутасаддилари, барча олий таълим ташкилотлари раҳбарлари, вазирлик ҳузуридаги Жамоатчилик кенгаши аъзолари иштирок этдилар.

Ҳайъат йиғилиши доирасида Жиззах политехника институти ҳудудида “Яшил макон” умуммиллий лойиҳаси доирасида “Зиёлилар боғи”да кўчат экиш марафонига старт берилди. Ушбу ташаббус келажак авлод учун яшил муҳит яратиш ва экологик барқарорликни таъминлаш мақсадида амалга оширилди.

Тадбирда вилоят ҳокими ўринбосари Акмал Савурбаев иштирок этиб, йиғилиш қатнашчиларини самимий қутлади ҳамда таълим ва илм-фанни ривожлантириш йўналишида амалга оширилаётган ислоҳотларнинг аҳамиятини таъкидлади.

Шунингдек, Ҳайъат йиғилиши доирасида иштирокчилар муқобил энергия манбаларини тадқиқ этиш илмий-амалий маркази ҳамда Жиззах ёшлар технопарки фаолияти билан танишдилар. Ушбу марказ ва технопаркда амалга оширилаётган инновацион ишланмалар ҳамда замонавий илмий тадқиқотлар тақдим этилди.

Йиғилиш якунида қатнашчилар “BYD Uzbekistan” va “ADM Jizzakh” корхоналарига ташриф буюриб, бу ерда жорий этилган дуал таълим жараёнлари билан яқиндан танишдилар. Бу тизим олий таълим муассасалари ва ишлаб чиқариш корхоналари ўртасидаги ҳамкорликни мустаҳкамлашга, талабаларнинг амалий кўникмаларини оширишга хизмат қилиши таъкидланди.

Мазкур Ҳайъат йиғилиши таълим, фан ва инновациялар соҳасидаги долзарб масалаларни муҳокама қилиш, янги ташаббусларни илгари суриш ва ҳамкорлик алоқаларини мустаҳкамлашга хизмат қилди.

🇺🇿Каналга уланиш:
@jizzaxviloyatihokimi

Шароф Рашидов туманидаги 32-сонли “Жасорат мактаби”нинг тантанали очилиш маросими бўлиб ўтди

Жиззах вилояти Шароф Рашидов туманида жойлашган 32-сонли “Жасорат мактаби”нинг тантанали очилиш маросими ўтказилди.
Тадбирда вилоят ҳокими вазифасини бажарувчи Улуғбек Мустафоев, вилоятимиз кенг жамоатчилик вакиллари, мактабгача ва мактаб таълими бўлими мутасаддилари, маҳалла фаоллари, ўқувчилар, уларнинг ота-оналари ҳамда меҳмонлар иштирок этишди.

Тантанали очилиш маросимини вилоят ҳокими вазифасини бажарувчи Улуғбек Мустафоев очиб, ушбу ҳарбий-ватанпарварлик йўналишидаги “Жасорат мактаби”нинг ташкил этилиши ёш авлод учун катта аҳамиятга эга эканлигини таъкидлади.

Шуни алоҳида қайд этиш жоизки, 32-мактабни янгидан таъмирлаш ва замонавий шароитлар яратиш таклифи айнан вилоят ҳокими Улуғбек Мустафоев томонидан илгари сурилган эди. Унинг ташаббуси билан амалга оширилган таъмирлаш ишлари натижасида мактаб бутунлай янги қиёфага эга бўлди.

Тадбир доирасида 2025 йилги Зулфия номидаги Давлат мукофоти совриндори, Жиззах вилояти Шароф Рашидов туманидаги 8-болалар мусиқа ва санъат мактабининг фортепиано синфи ўқитувчиси Меҳри Абдуразоқова ҳамда маҳалла фаоллари сўзга чиқиб, “Жасорат мактаби”нинг ёшлар ҳаётидаги ўрни ва уларни ҳарбий-ватанпарварлик руҳида тарбиялаш борасидаги аҳамияти ҳақида тўхталиб ўтдилар.

Тадбирнинг асосий қисмида очилиш маросими тантанали тарзда ўтказилиб, рамзий боғич қирқилди ва мактаб фойдаланишга топширилди. Иштирокчилар мактабнинг ички шароитлари билан танишдилар. Электрон доска орқали мактабда амалга оширилган ишлар ва келгуси режалар ҳақида тақдимот намойиш этилди. Меҳмонлар чақирувга қадар бошланғич тайёргарлик учун махсус жиҳозланган 3 та синф хонаси, “Жасорат бурчаклари” ҳамда замонавий кутубхона шароитларини кўздан кечирдилар. Шунингдек, электрон кутубхона, кимё, биология ва бошқа фанлар учун ташкил этилган синф хоналари ҳам меҳмонларда катта таассурот қолдирди.

Мактаб ҳовлисида амалга оширилган қурилиш ва санитария-гигиеник шароитлар ҳам юқори баҳоланди. Тадбир иштирокчилари “Яшил макон” лойиҳаси доирасида ташкил этилган ота-оналар боғи билан танишиб, мазкур ҳудудга мевали ва манзарали дарахт кўчатларини экдилар.

Мазкур “Жасорат мактаби” ёш авлодни ҳар томонлама этук ва баркамол қилиб тарбиялашда муҳим маскан бўлиб, узоқ йиллар давомида келажак авлодга хизмат қилади.

🇺🇿Каналга уланиш:
@jizzaxviloyatihokimi

Жиззахда “Ҳудудий тармоқлараро саноат ярмаркаси” якунланди

Жиззах вилоятида ўтказилган “Ҳудудий тармоқлараро саноат ярмаркаси” ўз ишини якунлади. Ушбу тадбир саноат кооперациясини мустаҳкамлаш, янги ҳамкорлик алоқаларини ўрнатиш ҳамда маҳаллий ишлаб чиқарувчиларнинг имкониятларини кенгайтириш мақсадида ташкил этилди.

Ярмарка давомида автомобильсозлик, қурилиш материаллари, тўқимачилик, кимё ва электротехника соҳаларида фаолият юритувчи корхоналар ўз маҳсулотларини намойиш этдилар. Тадбир кичик бизнес субъектлари учун ҳам янги имкониятлар яратишга хизмат қилди.

Жорий ярмаркада 150 дан ортиқ корхоналар 3,5 минг турдан зиёд маҳсулотлари билан қатнашди. Шунингдек, тадбирга 800 га яқин тадбиркор ташриф буюриб, ўзаро ҳамкорлик масалаларини муҳокама қилдилар.

Ярмарка якунида фаол иштирок этган корхона ва тадбиркорларга ташаккурномалар топширилди. Ушбу ярмарка натижалари саноат тармоқлари ўртасидаги кооперация алоқаларини янада мустаҳкамлашга хизмат қилиши кутилмоқда.

🇺🇿Каналга уланиш:
@jizzaxviloyatihokimi

Жиззахда “Ҳудудий тармоқлараро саноат ярмаркаси” ўз ишини бошлади

Жиззах вилоятида ўтказилаётган “Ҳудудий тармоқлараро саноат ярмаркаси” доирасида иштирокчилар янги бизнес ҳамкорлар топиш ва саноат кооперациясини мустаҳкамлаш имкониятига эга бўлмоқдалар

Тадбирда вилоят ҳокими вазифасини бажарувчи Улуғбек Мустафоев иштирок этиб, сўзга чиқди.

Вилоят ҳоким ўз сўзида “Тадбирни юқори савияда ташкил этган ва унда иштирок этаётган тармоқ ва ҳудудий саноат корхоналари раҳбарлари, тадбиркорлар ва масъулларига чуқур миннатдорчилик билдирамиз” дия таъкидлаб ўтди.

Ҳурматли Президентимиз Шавкат Миромонович Мирзиёев ташаббуслари билан сўнгги йилларда ишбилармонлик муҳитини яхшилаш, инвестиция муҳитини қулайлаштириш, экспортни қўллаб-қувватлаш ҳамда импорт ўрнини босувчи товар ва маҳсулотлар ишлаб чиқаришни ошириш бўйича кенг кўламли ислоҳотлар амалга оширилмоқда.

Ярмарка доирасида автомобилсозлик, қурилиш материаллари, тўқимачилик, кимё ва электротехника соҳаларидаги тармоқ ва ҳудудий корхоналар ўртасида кооперация алоқаларини мустаҳкамлаш, шунингдек, кичик бизнес субъектлари учун янги имкониятлар яратишга катта эътибор қаратилган.

Президентимиз таъкидлаганидек, тармоқлар ва ҳудудлар ўртасида ўзаро кооперация бўлмас экан, қўшилган қиймат занжирини ва янги индустриал тараққиётни тасаввур қилиб бўлмайди.

Жорий ярмаркада республикамизнинг барча вилоятларидан ҳамда тегишли тармоқлардан 150 дан ортиқ корхоналар 3,5 минг турдан зиёд маҳсулотлари билан иштирок этмоқда. Шунингдек, тадбирда 800 га яқин тадбиркорлар ҳам иштирок этяпти.

Жиззах вилоятида маҳаллийлаштириш ва саноат кооперациясини кенгайтириш ҳамда импортни оптималлаштириш борасида жиддий ишлар олиб борилмоқда.

2024 йилда вилоятда 26 трлн. сўмлик саноат маҳсулотлари ишлаб чиқарилди ва аҳоли жон бошига 17 млн. сўмдан тўғри келди. Жорий йилнинг биринчи чорагида эса 5,0 трлн. сўмдан зиёд саноат маҳсулотлари ишлаб чиқарилиши кутилмоқда.

Маҳаллийлаштириш дастури доирасида 2025 йил якунига қадар 62 турдаги 4,3 трлн. сўмлик маҳсулот ишлаб чиқарилиши режалаштирилган бўлиб, бунинг самарасида импорт ўрнини босиш 332 млн. долларни ташкил этади.

Жиззах вилоятининг асосий ривожланган соҳалари автомобилсозлик, пахтани қайта ишлаш, енгил саноат, қурилиш материаллари ва электротехника саноатларидир. Шу муносабат билан барча тадбиркорларни ушбу йўналишларда ҳамкорлик қилишга чорлаймиз.

Тадбиркорлик субъектлари учун мавжуд кооперация имкониятларини ҳисобга олган ҳолда, 2024 йилга нисбатан жорий йилда бу кўрсаткични 2 баробарга ошириш имконияти мавжуд.

Ярмарка саноат субъектлари ўртасида ҳамкорликни ривожлантириш ва янги истиқболли лойиҳаларни амалга ошириш учун катта майдон бўлиб хизмат қилади!

🇺🇿Каналга уланиш:
@jizzaxviloyatihokimi

Шароф Рашидов туманида "Яшил макон" лойиҳаси доирасида ишлар олиб борилмоқда

Шароф Рашидов тумани Учтепа маҳалласи ва унга туташ ҳудудларда "Яшил макон" умуммиллий лойиҳаси доирасида кенг кўламли ҳашар ишлари олиб борилмоқда. Ушбу тадбир ҳудудни ободонлаштириш ва экологик муҳитни яхшилашга қаратилган.

Мазкур эзгу ташаббусда вилоят ва туман корхона-ташкилотлари ходимлари, маҳалла еттилиги вакиллари ҳамда ёшлар фаол иштирок этмоқда. Ҳашар доирасида 9 та белгиланган ҳудудда 6,5 мингдан ортиқ манзарали ва мевали дарахт кўчатлари экиляпти.

Баҳор фасли – табиатнинг уйғониш даври. Шу боис ҳудудларни ободонлаштириш, дарахт экиш, гул ва кўчатларни парвариш қилиш ишлари айнан шу фаслда кенг кўламда амалга оширилади. Ҳашар давомида нафақат янги дарахт кўчатлари ўтқазилмоқда, балки мавжуд яшил майдонларга ҳам алоҳида эътибор қаратилиб, ҳудудлардаги бегона ўтлар тозаланмоқда.

Табиатга бўлган меҳр ва атроф-муҳитга эътибор – бу нафақат бугунги, балки келажак авлодлар учун ҳам беқиёс туҳфа. "Яшил макон" лойиҳаси доирасида амалга оширилаётган бу саъй-ҳаракатлар экологияни яхшилаш, шаҳар ва қишлоқ ҳудудларини кўкаламзорлаштириш ҳамда инсонларга ҳушманзара муҳит яратишга хизмат қилади.

🇺🇿Каналга уланиш:
@jizzaxviloyatihokimi

Навбатчиликда турган алоқа операторлари ва тиббиёт соҳаси ходимлари байрам муносабати билан тақдирланди

Халқаро хотин-қизлар куни муносабати билан 8 март куни тунда навбатчиликда турган алоқа операторлари ҳамда тиббиёт соҳасида фидокорона хизмат қилаётган аёллар эътибордан четда қолмади.

"Жиззах тажрибаси"га айланаётган бу анъана доирасида улар Жиззах вилояти ҳокими вазифасини бажарувчи Улуғбек Мустафоев номидан байрамона табрикланди.

Бу эътибор алоқа сифатини яхшилаш йўлида меҳнат қилаётган ҳамда тиббиёт соҳасида навбатчиликни ўтаётган хотин-қизларнинг фидокорона хизматини қадрлаш ва уларга ҳурмат-эҳтиром кўрсатишнинг ёрқин намунаси бўлди.

Шу каби тадбирлар меҳнат фаолиятида катта ҳисса қўшаётган хотин-қизларни руҳлантиришга хизмат қилиши, шубҳасиз.

🇺🇿Каналга уланиш:
@jizzaxviloyatihokimi

"Жиззах тажрибаси"га айланаётган эътибор давом этди

Жиззах вилоятидаги "Мурувват" ногиронлиги бўлган аёллар интернат уйида беморларга ғамхўрлик қилаётган навбатчи масъул ва ҳамширалар 8 март – Халқаро хотин-қизлар байрами муносабати билан тақдирланди.

Жиззахдаги "Мурувват" ногиронлиги бўлган шахслар учун аёллар интернат уйи 300 ўринга мўлжалланган бўлиб, ҳозирги кунда бу ерда 300 нафар васийликка олинган аёл истиқомат қилади. Уларнинг кундалик эҳтиёжларини қондириш ва яхши шароит яратиш учун 215 нафар ходим ижтимоий хизмат кўрсатиб келмоқда.

Бугунги кунда "Мурувват" интернат уйида васийликка олинган аёллар учун барча зарур шарт-шароитлар яратилган. Жумладан, уларга навбатчилик асосида туну кун малакали ходимлар қараб, парваришлашмоқда.

Фидойи ходимларни Жиззах вилояти ҳокими вазифасини бажарувчи Улуғбек Мустафоев номидан табриклашди. Бу эътибор "Мурувват" интернат уйида васийликка олинган аёлларнинг меҳнатини эътироф этиш ва уларга ҳурмат-эҳтиром кўрсатишнинг ёрқин намунаси бўлди.

🇺🇿Каналга уланиш:
@jizzaxviloyatihokimi

Жиззахда тез тиббий ёрдам ходималари 8 март байрами муносабати билан тақдирланди

Бугун, 8 март – Халқаро хотин-қизлар куни муносабати билан аҳоли саломатлигини таъминлаш йўлида фидокорона меҳнат қилаётган Республика тез тиббий ёрдам маркази Жиззах филиалидаги навбатчиликни ўтаётган хотин-қизлар байрамона кайфиятда эсдалик совғалари билан тақдирланди.

Уларни Жиззах вилояти ҳокими вазифасини бажарувчи Улуғбек Мустафоев номидан табриклашди. Ушбу эътироф тиббиёт соҳасида сидқидилдан хизмат қилаётган аёлларнинг заҳматини қадрлаш ва уларга ҳурмат-эҳтиром кўрсатишнинг ёрқин намунаси бўлди.

Хотин-қизлар байрами муносабати билан кўрсатилган эътибор ва эътироф барча иштирокчиларда илиқ таассурот қолдирди.

🇺🇿Каналга уланиш:
@jizzaxviloyatihokimi

🇺🇿Каналга уланиш:
@jizzaxviloyatihokimi

8 март – Халқаро хотин-қизлар куни Жиззахда кенг нишонланди

Жиззах вилоят ҳокимлиги Анжуманлар саройида 8 март – Халқаро хотин-қизлар куни муносабати билан байрам тадбири ўтказилди.

Тадбирда вилоят ҳокими вазифасини бажарувчи Улуғбек Мустафоев иштирок этди ва "Сиз азизларни, сизларнинг тимсолингизда жонажон Жиззахимизнинг барча хотин-қизларини 8 март – Халқаро хотин-қизлар куни билан муборакбод этаман. Жорий йилда бу айём муборак Рамазон ойида нишонланаётгани ҳам ўзгача маънога эга. Зотан, муқаддас ислом дини ҳам аёлларни, оналарни эъзозлаш ва қадрлашга чақиради," деб барчани самимий муборакбод этди.

Ҳаётимизга мазмун бағишлайдиган, одамийлик, мардлик, олийжаноблик сари йўл кўрсатадиган, сабр-тоқат ва садоқат соҳибаси бўлган аёлнинг меҳр-муҳаббати ва заҳматини ҳеч нарса билан ўлчаб бўлмайди. Тўмарис, Нодирабегим, Гулбаданбегим, Увайсий, Зулфия, Саида Зуннуновадек буюк аёлларимиз жасорати халқимиз тарихини ёруғ нур каби ёритиб турибди. Улуғ момоларимизга хос бўлган ноёб фазилатлар замонамиз аёллари сиймосида ҳам давом этаётганидан фахрланамиз.

Бугун юртимиз ва вилоятимизнинг шарафини юксалтиришга ўз ҳиссасини қўшаётган, ҳалол ва самарали меҳнатлари билан эътирофга сазовор бўлаётган хотин-қизлар сони тобора ортиб бораётгани барчамизни қувонтиради. Жамиятда гендер тенглигини таъминлашга қаратилаётган давлат сиёсати натижаси ўлароқ, давлат бошқаруви ва жамиятнинг барча жабҳаларида хотин-қизларнинг фаоллигини ошириш борасида кенг кўламли ислоҳотлар амалга оширилмоқда.

Тантанали тадбирда турли соҳаларда меҳнат қилаётган фаол хотин-қизлар эсдалик кўкрак нишони ва вилоят ҳокими фахрий ёрлиғи билан тақдирланди.

Тадбирда санъат аҳлининг чиқишлари меҳмонларни хушнуд этди.

🇺🇿Каналга уланиш:
@jizzaxviloyatihokimi

Ғаллаорол туманидаги Мулкуш маҳалласи ободонлаштирилмоқда

Ғаллаорол туманида жойлашган Мулкуш маҳалласида ободонлаштириш ишлари жадал давом этмоқда.

Мазкур маҳалла оғир тоифадаги ҳудудлардан бири ҳисобланиб, ҳозирда уни ижтимоий-иқтисодий ривожлантириш ва аҳоли турмуш шароитини яхшилаш мақсадида бир қатор ишлар амалга оширилмоқда.

Хусусан, маҳалланинг ички йўллари таъмирланиб, аҳолининг ҳаракатланиши учун қулайлик яратилди. Шу билан бирга, томорқалардан унумли фойдаланишни таъминлаш мақсадида иссиқхоналар барпо этилди, бу эса маҳаллий аҳолининг даромадини ошириш ва иш билан таъминлашда муҳим қадам ҳисобланади.

Ободонлаштириш ишлари доирасида маҳалладаги инфратузилма ривожлантирилиб, аҳоли учун янада қулай муҳит яратиш режалаштирилган.

Мазкур лойиҳа маҳаллий аҳолининг ҳаёт даражасини оширишга хизмат қилиши билан бирга, ҳудудни ижтимоий-иқтисодий ривожлантиришда ҳам катта аҳамиятга эга.

🇺🇿Каналга уланиш:
@jizzaxviloyatihokimi