Kecha bir tadbirda, bir nufuzli kompaniyaning HR xodimi bilan o‘tirib qoldik.
Gapdan-gap chiqib HR juda qiyin ish ekanini aytdi. O‘ylab qoldim, aslida, hamma ishlar qiyin, albatta. Lekin HR sohasida, kadrlar bo‘limida ishlaydigan odamlarning asosiy vazifalari uchta: xodimni yollash, suhbatga chaqirish va uni ishdan haydash. Bu ishlarni qay darajada qiyin qilish mumkin, bilmadim, ochig‘i. Kulguli tomoni men avval ishlagan tashkilotning HR menejeri ma’lum ish o‘rni uchun yig‘ilgan rezyumelarni ChatGPTga tashlab yaxshisini tanlab ber deyardi.
Yana bir gap shundaki, ko‘p hollarda HR xodimlari hech qachon xodimga do‘st bo‘lmaydi. Ishga kirganingizda yodingizda bo‘lsin, HR kompaniya manfaatini himoya qilish uchun yollangan odamlar. Sizga do‘stona munosabatda bo‘lsa “Ha, bo‘ldi shu inson men tomon ekan” degan hayolga kelib qolmang.
Bugun bir dasturxonda tushlik qilib, hamkasblarni maqtab, ertasiga ofisga chaqirib, soxta tabassum bilan “Ming bor uzr, lekin ish o‘rinlari qisqargani sabab sizni ishdan bo‘shatishga majburmiz” degan o‘nlab HRlarni ko‘rdim. “Team building” qilamiz deb, xodimlarning vaqtini va kompaniyaning puli sovirganlar ham kam emas. Bu bilan barcha HRlar yomon deyishdan yiroqman.
Faqatgina, ular siz bilan do‘st bo‘layotgandek tuyulsa ham, aslida kimning manfaatini ko‘zlashayotganini unutmang.
Ishda do‘stlar bo‘lmaydi. Hamkasblar bo‘ladi. Do‘stingiz hamkasbga aylanishi mumkin lekin hamkasb do‘stga aylanmaydi.
Think about it.
@jidu_talabalari
