#Xabar. 🇷🇺Rossiya 4 yilga Olimpiada va barcha turdagi Jahon Chempionatlaridan chetlatildi⚡️
Butunjahon antidoping agentligi (WADA) ijroqo‘mi Rossiyani to‘rt yilga katta musobaqalar, shu jumladan, Olimpiada va Jahon Chempionatlaridan chetlatdi.
9-dekabr, dushanba kuni Lozannada RUSADA (Rossiya antidoping agentligi) masalasi bo‘yicha WADA ijroia qo‘mitasining yig‘ilishi bo‘lib o‘tdi.
Avvalroq qo‘mita RUSADA maqomini bekor qilish va Rossiyani to‘rt yilga xalqaro musobaqalardan chetlatishni tavsiya qilgandi. Shuningdek, Rossiya katta musobaqalarni o‘zida qabul qilishiga ham taqiq qo‘yilgan. Rossiyalik amaldorlar Olimpiya o‘yinlari va boshqa katta musobaqalarga bora olmaydi. Bundan tashqari, Rossiya jarimaga tortiladi.
Doping nazoratidan o‘tgan rossiyalik sportchilar Olimpiya o‘yinlariga borishi mumkin, biroq ular faqat neytral maqomda (madhiya va bayroqsiz) ishtirok etadi.
Moskva antidoping laboratoriyasidagi 2012—2015-yilgi ma’lumotlar bazasi tekshiruvdan o‘tkazilgach, shunday sanksiya qo‘llash qaroriga kelingan. Ekspertlarning xulosalariga ko‘ra, bazadagi ma’lumotlar sportchilarning ijobiy doping namunalarini yashirish maqsadida o‘zgartirilgan.
Rossiya tomoni WADA qarori ustidan 21 kun ichida apellyatsiya berish huquqiga ega.
@jahonsporti_uzhttps://t.me/joinchat/AAAAAE85c_Wgxf2_lGlZ8g