Unda tuman hokimi o‘rinbosari Sirojiddin Nosirov, tuman Xalq qabulxonasi mudiri Farrux Xusanboyev hamda tegishli soha rahbarlari ishtirok etdi.

Sayyor qabul davomida 20 nafar fuqaro o‘zlarini qiziqtirgan muammolar yuzasidan mas’ullarga murojaat qilishdi.

Jumladan, "Qurilish" mahallasining markaziy ko‘chasiga yo‘l harakati xavfsizligini ta’minlash maqsadida yo‘l belgilari o‘rnatish va piyodalar o‘tish chiziqlarini chizish masalalari ko‘tardi.

Shuningdek, tibbiy xizmatdan foydalanish, uy-joy olishda beriladigan imtiyozlar bo‘yicha ham savollar berildi.

Mutasaddilar murojaatlar yuzasidan atroflicha tushuntirish berishdi va yechimi vaqt talab qiladigan masalalar tegishli tartibda o‘rganilib, qonuniy asosda hal etilishi belgilandi.